الموضوع: عايز اشتري كرولا 2002 بس خايف من الفرامل

العربية اللى مافيش فيها ebd ماينفعش تركبه

وهو عموما مالوش علاقة بقوة الفرامل , هو بس بيديلك الامكانية انك توجه العربية وانت دايس فرامل من غير ماتعوم منك

وانا عايز اقول لحضرتك حاجة : العربية اللى فراملها قوية بتبقى قوية سواء فيها abs+ebd او مافيهاش

والعربية اللى فراملها ضعيفة بتفضل ضعيفة حتى ولو فيها ايه !!

انا معايا افيو 2014 وياريس 2007

الاتنين abs والافيو موديل السنة وزيرو

ومع ذلك فرامل الياريس اقوى بفرق ملحوظ

المشاركة الأصلية كتبت بواسطة محمود فرنسا

انا فعلاً مش هركب عربية مفيهاش ebd بس من حبي للكرولا قولت اجيبها واركبلها اذا كان فيه امكانية لده ومش هتبقى فيها مشاكل او اختلاف عن العربية اللى نازله بال abs + ebd

طب حضرتك جربت فرامل الكرولا 2001 , 2002 , 2003 ولا لا
لانى بسمع انها بتعوم وبتزحف جامد مع الفرامل وبالذات من ورا
فهل الكلام ده صحيح فعلاً ولا ايه
الف شكر على اهتمامك وربنا يباركلك فى الافيو واليارس ويديك خيرهم ويكفيك شرهم اللهم امين

ماعتقدش انه ينفع تركبلهولها

انا جربت كورولا 2005 وكانت الفرامل بتاعتها كويسة جدا

انا ماجربتهاش على سرعات عالية الصراحة بس اداءها على السرعات المنخفضة كان ممتاز

مش عارف بقى فيها ebd ولا لاء بس غالبا كان فيها abs

هو عموما مسألة ان العربية تعوم مع الفرامل فده بيبقى بيرجع لثبات العربية قبل الفرامل !!

والمشكلة دي تتحل بطقم كاوتشات محترم وياسلام لو جنوط او حتى جبت كاوتشات اعرض بس شوية ونوع كويس

هتلاقي مشكلة العومان والزحف اتحلت (ده في حالة لو فرامل العربية كويسة)

المشاركة الأصلية كتبت بواسطة محمود فرنسا

ميرسي جداً لاهتمامك يا استاذ احمد اعتقد 2005 فعلاً فيها abs
بس ياريت حد معاه 2002 يأكدلنا اذا كان فيها abs ولا لا انا شوفت ناس عرضاها على كونتكت كارز وبيقولو ان فيها abs تقريباً هي الوحيدة من 2001 لـ 2004 اللى فيها
طب بالنسبه للكاوتش العريض ده مش هيخلي العربيه توطي وتحك ف المطبات او تأثر على العفشه وتخليني احس بالطرق الغير ممهده وايه افضل كاوتش للكرولا واسف جداً على الاسئله الكتيره
بس انا محتار جداً وكنت قربت افقد الامل انى اجيب كرولا وفكرت فى الاوكتافيا بسبب خوفي من الفرامل والتعويم والحوادث اللى بتحصل بسببهم ربنا يكفينا الشر

اللى بيزود احساس الطرق المكسرة هو مقاس الجنط مش عرض الكاوتش

يعني لو هي جاية بجنط 14 انت هتركب جنط 15 وكاوتش اعرض كدة الامور هتبقى معاك تمام جدا

انما لو ركبت جنوط 16 او 17 هنا بتبدا تحصل مشاكل للعفشة وبتنشف وبيزيد الاحساس بالمطبات والحفر

انا مش عارف المقاس بالظبط هيكون ايه لانه بيعتمد على المقاس الاصلي بتاع العربية