شكر خاص ل (ahmed car) و مركز هيونداي - العبور

**Samir Elshahawy** · 06-04-2014 11:44 PM

الاخوة و الاخوات الكرام / مالكي و محبي سيارات هيونداي

أسعد الله يومكم بكل الخير ....

ووقاكم ووقانا من شر الطريق و شرور انفسنا

----------------------------------

اليوم أكملت سيارتي الغالية جدا (الالنترا md ) عدد 60,500 كيلومتر و كان الموعد المنتظر لصيانة ال 60,000 كم بمركز هيونداي - العبور و الذي سأوافيكم بتقرير مفصل عنه خلال أيام أن شاء الله بمجرد الانتهاء من أعداد التقرير

و لكن بداية أود أن أتوجه بالشكر لصديق و أخي العزيز جدا أ/ أحمد (ahmed car) المنسق المساعد لقسم هيونداي و مسئول الاتصال مع توكيل هيونداي - العبور

حقيقي لم يتركني لحظة واحدة و قام بنفسه بمتابعة كل صغيرة و كبيرة في سيارتي اليوم لعلمه بحالة الاجهاد التي كنت عليها اليوم

كما اود أن أشكر المهندس الخلوق جدا م / أحمد حازم - مهندس الاستقبال بمركز هيونداي العبور و الذي أستمع لشكواي بمنتهي الاهتمام و التركيز و كان يستجيب كل مرة لطلباتي الكثيرة اليوم

كما أستغل الفرصة لتوجيه الشكر لكل العاملين بمركز خدمة هيونداي - العبور علي كل مابذلوه و يبذلونه من جهد يوميا لخدمة مالكي سيارات هيونداي و حسن المعاملة و الاستقبال و الذي لمسته علي مدار صيانتي ال 40,000 كم و ال 60,000 كم و شاهدته خلال زياراتي المتعددة لهذا المركز مما يؤكد أن هناك سعيا للتحسين و التطوير و أن ليس كل مايمت لهيونداي - غبور سئ بل هناك علامات مضيئة حقا علي الطريق

**AHMEDCAR** · 06-04-2014 11:57 PM

ايه ده انا اسمى مكتوب

ياباشا دى اقل واجب الواحد يعمله مع شخص زى حضرتك

كفايه شكلك و انت عاوز تنام ههههههههههه

اهم حاجه انك تكون مبسوط و العربيه تكون رجعت زى الاول و احسن

منتظرين تقريرك

**kar!m** · 07-04-2014 12:02 AM

ألف مبروك يا بشمهندس .. اخر مره رحت مكنش عندهم الحاجات الزرقا اللي بتجمع فيها حاجتك من العربية .. قالوا لي خلصانة.

و اضطريت أشيل الحاجة في ايدي .. كانت موجودة لما حضرتك رحت ولا لسه؟

**AHMEDCAR** · 07-04-2014 12:04 AM

الشنط الزرقاء موجوده ياباشا و لو مش موجوده نوجدها

تحياتى

**john55** · 07-04-2014 01:02 AM

مركز العبور يعتبر من افضل واقيم مراكز الخدمه في مصر انا من بنها واقرب ليا مركز قليوب لكني بحب اروح العبور مستوي راقي من التعامل والخدمه وشكرا

**moe gawad** · 07-04-2014 01:53 AM

حقيقه هامه جدا،
انا من غير مااتقابل مه السيد احمد ، فهو شخص واضح عليه جدا الاحترام، فقد ساعدنى فى التوصل لقطع الغيار الاصليه والمعتمده بنسبة خصم عاليه لمصلحة عملائى من المنتدى ومن غير المنتدى، ساعدنى ولم يقابلنى مره واحده،
واحد كان عندى من كام يوم من المنتدى بدون ذكر اسماء ، قال لى ممكن يكون عمل كده لمصلحه شخصيه، احب اقول لكل اعضاء المنتدى انى احمد عمل كده فعلا لمصلحه، بس لمصلحة العملاء، هو مش من المبيعات ، ولا ليه دخل فى البيع، هو فقط شخص يساعد الاعضاء لوجه الله تعالى ، ويستحق منا جميعا كل الاحترام والتقدير والشكر على المجهود الرائع والملموس ،
الله يبارك فيك يا هندسه، وفى ميزان حسناتك انشاء الله، وفعلا هيونداى كسبت مهندس امين ومحترم زيك