اشتريت نيسان صني 2008 اوتوماتيك وارجوا المساعدة

**mohamedsmsm** · 09-10-2008 08:54 AM

اشتريت نيسان صني 2008 اوتوماتيك وارجوا المساعدة

بصراحة اول مرة اقود سيارة اوتوماتيك وعاوز اعرف في اساسيات
عند استعمال الجير الأوتوماتيك :D

وياسلام لو في كتالوج صني 2008 بالعربي

وسلامي للجميع :cute:

**sab3aawy** · 09-10-2008 11:43 AM

هو انت مستملتش كتالوج مع العربية؟ دليل المستخدم بالعربى والنجليزى

عموما الفتيس الاوتو مافيهوش اى فن، وانت واقف دوس على الفرامل حط الفتيس على D وبعدين شيل رجلك من على الفرامل العربية هتمشى زود بنزين هتجرى فرمل هتقف، ولما تقف خالص وانت دايس فرامل حط الفتيس على N علشان تفصل الغيارات، ونفس الكلام مع ال R

دى شوية معلومات مفيدة عن الفتيس بتاعك

1- الفتيس بيغير بين 4 سرعات امامية وواحدة خلفية
2- انت باختيارك لمكان العصاية تقدر تخلى الفتيس يغير بين مجموعة محددة بين النقلات، يعنى لو انت حطيت الفتيس على 1 هيمشى على الأولانى بس ومش هياخد تانى ولا تالت ولا رابع، لو حطيته على 2 هيغير حسب السراعات أول وتانى ومش هيغير تالت ورابع، لو حطيته على D ودوست زرار الأوفر درايف اللى فى العصاية بحيث ان اللمبة بتاعة الأوفر درايف فى التابلوه تكون منورة ، طول ما اللمبة منورة العربية تنقل ما بين الأول والتانى والتالت بس وعمرها ماتروح للغيار الرابع مهما انت جريت، لو دوست الزرار بحيث يطفى الللمبة، لما اللمبة تكون مطفية العربية تغير اول وتانى وتالت ورابع
3- الكيك داون هو ان العربية تنزل على الغيار الأقل لما انت تكبس بنزين علشان تدى معاك عزم ، بس حالو متستعملوش كتير
4-دايما لما تنقل العصاية من N او P الى D أو R او اى وضح تانى لازم تكون العربية متوقفة تماما ورجلك مرفوعة من على دواسة البنزين تماما ويفضل تكون محطوطة على الفرامل، فية ناس علشان يطلعوا بالعربية بسرعة يروح دايس بنزين وبعدين هابد العصاية من N للd تقوم العربية طالعة بهبدة، ودى اسرع طريقة للقضاء على الجير
3- يفضل متنزلش بالعصاية من D الى 2 على سرعات اكثر من 40 كم /ٍس ،ويفضل انك متنقلش العصاية على 1 ابدا غير والعربية واقفة او يادوبك بتتحرك
5- لقيادة العربية بنعومة ممكن تيجى فى آخر النقلة لما تكون عارف ان الفتيس قرب ينقل للسرعة الأعلى وتشيل رجلك لحظة من على البنزين، دى بتخلى الفتيس ينقل بدرى اوى لو انت عايز تجرى بالمعقول من غير حرق على النقلات
6- المفتاح مبيخرجش من الكونتاكت غير لما يكون الفتيس على P ، لو انت عايز ترجع الفتيس لوضع ال N فيه زرار احمر امام العصاية، تدوسه بصباعك وتدوس بيدك التانية زرار النقل بتاع العصاية وتحرك العصاية من P الى N

ولو رجعت للموضوعات القديمة هنا هتلاقى طريقة قياس زيت الفتيس بالتفصيل، خد فكرة عنها وحاول تبص على الزيت كل 5 آلاف كيلومتر مثلا

**sarawe511** · 13-10-2008 05:50 PM

المشاركة الأصلية كتبت بواسطة sab3aawy

هو انت مستملتش كتالوج مع العربية؟ دليل المستخدم بالعربى والنجليزى

عموما الفتيس الاوتو مافيهوش اى فن، وانت واقف دوس على الفرامل حط الفتيس على D وبعدين شيل رجلك من على الفرامل العربية هتمشى زود بنزين هتجرى فرمل هتقف، ولما تقف خالص وانت دايس فرامل حط الفتيس على N علشان تفصل الغيارات، ونفس الكلام مع ال R

دى شوية معلومات مفيدة عن الفتيس بتاعك

1- الفتيس بيغير بين 4 سرعات امامية وواحدة خلفية
2- انت باختيارك لمكان العصاية تقدر تخلى الفتيس يغير بين مجموعة محددة بين النقلات، يعنى لو انت حطيت الفتيس على 1 هيمشى على الأولانى بس ومش هياخد تانى ولا تالت ولا رابع، لو حطيته على 2 هيغير حسب السراعات أول وتانى ومش هيغير تالت ورابع، لو حطيته على D ودوست زرار الأوفر درايف اللى فى العصاية بحيث ان اللمبة بتاعة الأوفر درايف فى التابلوه تكون منورة ، طول ما اللمبة منورة العربية تنقل ما بين الأول والتانى والتالت بس وعمرها ماتروح للغيار الرابع مهما انت جريت، لو دوست الزرار بحيث يطفى الللمبة، لما اللمبة تكون مطفية العربية تغير اول وتانى وتالت ورابع
3- الكيك داون هو ان العربية تنزل على الغيار الأقل لما انت تكبس بنزين علشان تدى معاك عزم ، بس حالو متستعملوش كتير
4-دايما لما تنقل العصاية من N او P الى D أو R او اى وضح تانى لازم تكون العربية متوقفة تماما ورجلك مرفوعة من على دواسة البنزين تماما ويفضل تكون محطوطة على الفرامل، فية ناس علشان يطلعوا بالعربية بسرعة يروح دايس بنزين وبعدين هابد العصاية من N للd تقوم العربية طالعة بهبدة، ودى اسرع طريقة للقضاء على الجير
3- يفضل متنزلش بالعصاية من D الى 2 على سرعات اكثر من 40 كم /ٍس ،ويفضل انك متنقلش العصاية على 1 ابدا غير والعربية واقفة او يادوبك بتتحرك
5- لقيادة العربية بنعومة ممكن تيجى فى آخر النقلة لما تكون عارف ان الفتيس قرب ينقل للسرعة الأعلى وتشيل رجلك لحظة من على البنزين، دى بتخلى الفتيس ينقل بدرى اوى لو انت عايز تجرى بالمعقول من غير حرق على النقلات
6- المفتاح مبيخرجش من الكونتاكت غير لما يكون الفتيس على P ، لو انت عايز ترجع الفتيس لوضع ال N فيه زرار احمر امام العصاية، تدوسه بصباعك وتدوس بيدك التانية زرار النقل بتاع العصاية وتحرك العصاية من P الى N

ولو رجعت للموضوعات القديمة هنا هتلاقى طريقة قياس زيت الفتيس بالتفصيل، خد فكرة عنها وحاول تبص على الزيت كل 5 آلاف كيلومتر مثلا

والله فنان يا سبعاوي

**mahmoudsalah_01** · 13-10-2008 05:59 PM

الله ينور عليك

**mohamedsmsm** · 14-10-2008 09:27 AM

تسلم يا باشا على الرد الوافي

الف شكر

**Alfred** · 15-10-2008 03:24 PM

هااااااااااايل :D

**mahmoudmahmoud** · 17-10-2008 01:14 AM

الله ينور يا باشا

**Abdo_Eldesokey** · 17-10-2008 04:37 AM

نجم والله يا سبعاوي باشا

كده الواحد مش ناقصه حاجة في الفتيس الأتوماتيك

**faridg42** · 19-10-2008 05:02 PM

السلام عليكم
ممكن اسال على الاوبشن فى الصنى السوبر صالون الابنوس فى التابلوة كل المنطقة اللى فيها الكاسيت لغاية سطح التابلوة كلها ابنوس انا شفت الكلام ده فى سيارة نيسان فى الطريق اما عربيتى فهى لغاية الكاسيت فقط فهل ده هو العادى فى الصنى 2009