سوال بخصوص عزل مواسير تكييف السيارة

**mohamedeltawel** · 14-05-2014 10:04 PM

العزل بيكون لمواسير الساقع فقط

**albasha** · 02-06-2014 01:36 PM

انا عزلت الساقعه بس والنتيجه كانت ممتازه

**baherhassan30** · 03-06-2014 08:37 AM

سؤال محيرني
طيب ليه صُناع العربيات مش بيعملوا موضوع العزل ده
رغم انها حاجة بسيطة
وهل ممكن اعمل الموضوع ده في عربية جديدة .. ؟؟

**A_H_M_A_D** · 04-06-2014 09:00 AM

المشاركة الأصلية كتبت بواسطة albasha

انا عزلت الساقعه بس والنتيجه كانت ممتازه

طيب ده بيتم ازاي , يعني لازم فني اللي يعمل كده و لا حضرتك عملتها بنفسك , وايه الخامات اللي استخدمتها

**sonaeg** · 04-06-2014 11:59 AM

المشاركة الأصلية كتبت بواسطة a_h_m_a_d

طيب ده بيتم ازاي , يعني لازم فني اللي يعمل كده و لا حضرتك عملتها بنفسك , وايه الخامات اللي استخدمتها

مش محتاجة فني حضرتك... ماسورتين خرطوم اسود عازل من محل قطع غيار تلاجات وشوية افايز بلاستيك سودة ... وشق الخرطوم بالطول وركبه عالماسورة الساقعة واربط بالافايز

تقبل تحياتي

**عماد تامر** · 04-06-2014 11:37 PM

المشاركة الأصلية كتبت بواسطة sonaeg

مش محتاجة فني حضرتك... ماسورتين خرطوم اسود عازل من محل قطع غيار تلاجات وشوية افايز بلاستيك سودة ... وشق الخرطوم بالطول وركبه عالماسورة الساقعة واربط بالافايز

تقبل تحياتي

يتلف بورق عزل مفضض افضل من القفزان

**عماد تامر** · 05-06-2014 01:02 PM

دلوقتي احنا قدام رأيين الاول نعزل المواسير الساقعة فقط والثاني فيديو بيوضح عزل المواسير الساقعه والسخنه نعمل ايه ؟

**mbx4e** · 05-08-2015 07:19 AM

اعزل ساقع عشان مايسخنش ويقفد بروده وسخن عشان مايسخنش اكتر لان الخط دا هو خط تكثيف او تحول الفريون من غاز لسائل عشان كدا سخن بالذات لو الماسوره جنب فرن او قريبه من مانفولد او قريبه من بلوك الموتور لان درجة الحراره في الخطين خط السحب( الماسوره البارده قطرها اكبر وبلفها اصغر او خط الراجع خط الغاز الخاصه بالضغط الواطي او ضغط المبخر ) وخط الطرد ( خط السائل الخاصه بالضغط العالي ضغط الكوندسر او المكثف الماسوره الساخنه الاقل قطرا وبلفها شحنها اكبر من التانية)
الحراره سواء عاليه (سخن) او قليله (بارد) بتعبر عن ضغط معين للجزء المتعلق بيه سواء مكثف (سربنتينه) او مبخر (تلاجه)
ودا بيأثر على ضبط الشحنه وبيأثر على كفائة عمل التكييف
الفكره من فيديو الاستاذ مصطفى انه بيشير لعزل الماسوره السخنه او خط الضغط العالي بسبب كدا
بس لو السربنتينه او الكوندنسر سخنت جدا لاي سبب وساخه خارجيه او كيس او ورقه او اي شيء اخر دا هايزود الضغوط وهايرفع الحراره مع وجود العزل وهايسخن الدنيا في حوض الموتور وممكن يسخن العربيه دا غير ان التكييف ممكن مواسيره تضرب مع زياده الضغط يعني خلي بالك لو عزلت السخن( وماتعزلوش كله) مع الحرص على النظافه والتاكد من عدم وجود اي عوائق تقلل من تبريد السربنتينه