تاكيهات الفليشيا_ نفذت التعليمات اللى فى الدرس و حصل الأتى

**Tito79** · 17-05-2014 11:44 AM

بفضل الله و فضل الأساتذه اللى موجودين هنا نفذت تعليمات ضبط تاكيهات الموتور , ضبط البنزين على 0.20 والعادم على 0.25 وكانت النتيجه مذهله و الحمد لله, حسيت ان الموتور ارتاح جامد جدا والسحب جامد جدا لدرجة انى بطلع ع التانى والعربيه واقفه والحراره جميله جدا .... ما شاء الله. بس كان فيه ملاحظه: هو ان سمعت صوت نقر التاكيهات, هو مش عالى قوى بس فى نفس الوقت مقدرش أتجاهله لأنه ظاهر. هل النقر ده بينتج عنه ضرر بعد كده بمعنى ممكن يبوظ الشاكوش أو رأس الصباب؟ ولا ده أمر طبيعى نظرا للمسافه اللى انا خلقتها بالفيلر بين الشاكوش ورأس الصباب؟ محتاج افاده من أساتذتى ولكم جزيل الشكر

**hazemhamzeh** · 17-05-2014 08:29 PM

السلام عليكم
أخي رح احكي بحدود خبرتي القليلة .. وانشالله كون عم فيدك
بعد ما تعير التاكيهات, لازم تمشي مسافة 100 كم أو أكتر, مو شرط يكونوا دفعة وحدة, يعني اقضي مشاويرك الاعتيادية, و خللي دعسك للبنزين شوي زيادة.
بعد ما تمشي هالمسافة, ارجع و عير التاكيهات, و شوف التاكيه اللي راخية أو اللي خانقة و عيد عيارها متل القيم اللي حضرتك حكيتا.
و الصوت اللي عم يطلع عندك, احتمال كبير يكون تاكيه راخي

**aw2100** · 17-05-2014 10:49 PM

لو ظبطت التاكيات العادم والبنزين الأثنين على 0.20 مم افضل ولو ظبطت الأثنين على 0.15 مم حتشوف نتيجه افضل من 0.20 فى قوة السحب وحرارة اقل وخصوصا مع البنزين ال80 ومش حتسمع صوت للتكيات جرب وحتدعيلى !!

**المنسي** · 18-05-2014 09:54 AM

المشاركة الأصلية كتبت بواسطة tito79

بفضل الله و فضل الأساتذه اللى موجودين هنا نفذت تعليمات ضبط تاكيهات الموتور , ضبط البنزين على 0.20 والعادم على 0.25 وكانت النتيجه مذهله و الحمد لله, حسيت ان الموتور ارتاح جامد جدا والسحب جامد جدا لدرجة انى بطلع ع التانى والعربيه واقفه والحراره جميله جدا .... ما شاء الله. بس كان فيه ملاحظه: هو ان سمعت صوت نقر التاكيهات, هو مش عالى قوى بس فى نفس الوقت مقدرش أتجاهله لأنه ظاهر. هل النقر ده بينتج عنه ضرر بعد كده بمعنى ممكن يبوظ الشاكوش أو رأس الصباب؟ ولا ده أمر طبيعى نظرا للمسافه اللى انا خلقتها بالفيلر بين الشاكوش ورأس الصباب؟ محتاج افاده من أساتذتى ولكم جزيل الشكر

جرب بعد فترة انك تظبطهم كلهم العادم والبنزين على 0.20 ويفضل طبعا العربية تكون باردة جدا وصوت النقر اللى بتسمعه على خفيف غالبا ايدك مظبطتش فى تاكيه وهو اللى بتسمع خبطه على خفيف ... بالتوفيق

**aw2100** · 18-05-2014 04:17 PM

ظبط كل صباب لوحده خطاء اهم حاجة انك تظبط كل 2 صباب مع بعض مش كل صباب لوحدة بتلف العجله لغاية مالاتنين صباب يبقوا فوق والفلر يعدى بينهم و بين الشاكوش وتقدم العجله وتاخرها لغاية مالشاكوشين يبقوا فى مستوى واحد وبعدين تظبط بالفلر الخلوص وتلف العجلة علشان تظبط البستم اللى بعده اهم حاجه يكون الفلر اللى بتظبط بيه سليم مش متأكل راجع الصبابات واكيد حتلاقى فيه صبابات مش مظبوطه صح وده اللى كتم العربية معاك ومن الأفضل تكون العربية بايته باردة مادردتش
هل ظبطت الكهرباء بعد التاكيات ؟
لازم تعيد ظبط الكهرباء بعد ظبط التاكيات تانى !!

**mostafa hassan** · 31-05-2014 10:46 AM

انا بقالي فتره صوت العربيه مش مظبوط وعالي شويه
فحد نصحني بتغيير سير الكاتينه
المهم مكنتش لاقي السير الاصلي بالتروس ولكن اشتريته الحمد لله
وتم تغييره ومش عايز اقولكو مبقاش فيه صوت خالص
السير اللي كان راكب كان فيه تمدد بسيط فيه
الصوت الوحيد اللي موجود هو صوت نقر في التاكيهات
علشان البيه الصنايعي قالي الوقت اتاخر ونظبط تاكيهات مره تانيه

**mostafa hassan** · 31-05-2014 11:02 AM

المشاركة الأصلية كتبت بواسطة mostafa hassan

انا بقالي فتره صوت العربيه مش مظبوط وعالي شويه
فحد نصحني بتغيير سير الكاتينه
المهم مكنتش لاقي السير الاصلي بالتروس ولكن اشتريته الحمد لله
وتم تغييره ومش عايز اقولكو مبقاش فيه صوت خالص
السير اللي كان راكب كان فيه تمدد بسيط فيه
الصوت الوحيد اللي موجود هو صوت نقر في التاكيهات
علشان البيه الصنايعي قالي الوقت اتاخر ونظبط تاكيهات مره تانيه

انا بعتذر كتب الموضوع ده هنا غلط بس معرفتش امسحه ازاي

الموضوع: تاكيهات الفليشيا_ نفذت التعليمات اللى فى الدرس و حصل الأتى

LinkBack

أدوات الموضوع

عرض

-

-

-

المواضيع المتشابهه

كنت فاكرو صوت تاكيهات واتارى الابيزا 98 مافيهاش تاكيهات

كنت عند سرور واشتريت الأتى....

سلسلة علم نفسك الدرس ال28 (ضبط تاكيهات اسكودا فليشيا واخواتها)

ماذا يحدث لو نفذت هذه الفكرة؟

بعد التعليمات الواجب اتباعه

الكلمات الدلالية لهذا الموضوع

المفضلات

المفضلات

ضوابط المشاركة