صني سوبر صالون ولا بيرسونا اوتو ولا بيجو بيزلاين

**sasa44** · 18-05-2014 02:03 AM

السلام عليكم ورحمة الله وبركاته
يا جماعه انا اخري 125.. علشان محدش يقولي زود شوية... مش هينفع ازود ولا مليم تانى..
دلوقتي انا محتار بين الصني سوبر صالون والبيرسونا اوتوماتيك والبيجو 301 اول فئة..
طبعا عاجبني فى النيسان الاوبشنز اللى فيها... وطبعا كلنا عارفين مشاكل فرامل الصني بس اسمع انها مش موجوده فى الموديلات الجديدة والبيجو بيزلاين مضايقني فيها المرايات اللى بتتظبط بالايد.. لسه فى 2014 وبيعملو مرايات عاديه وطبعا خايف من توكيل البيرسونا وغلو قطع الغيار...
انا طلباتى من العربية تكون اوتوماتيك واعطالها قليله وسهولة الصيانة وتوافر قطع الغيار وتكون رخيصه وطبعا استهلاك بنزين قليل وتحركاتي معظمها داخل المدينة وبسافر مرة او مرتين فى الشهر ومبزودش فى الجري عن 120 وعاوزها تكون عائلية ومش بفكر ابيع قبل 10 سنين يعني هتقعد معايا فترة كبيرة واعملو حسابكو انى من بنها فالبيجو والبيرسونا هتبقي صعبة فى الصيانة شوية
افيدونى افادكم الله علشان خلاص جبت اخري

**Mohamed_301** · 18-05-2014 02:11 AM

انا شايف ان البيجو تكفى احتياجاتك بدون تحيز هى معايا وماشاء الله مابشتكيش من حاجة
وصلى استخاره وربنا يدلك للخير ان شاء الله

**sasa44** · 18-05-2014 02:31 AM

المشاركة الأصلية كتبت بواسطة mohamed_301

انا شايف ان البيجو تكفى احتياجاتك بدون تحيز هى معايا وماشاء الله مابشتكيش من حاجة
وصلى استخاره وربنا يدلك للخير ان شاء الله

شكرا يا باشا ع الرد..
بس انا خايف من غلو مصاريف صيانتها فى التوكيل

**ihabsamir** · 18-05-2014 04:22 AM

كل عربية فيها مميزات و عيوب بس شوف انت احتياجك ايه من ناحية التقفيل و الشكل البيجو تكسب من ناحية السعر و الماتور و جيربوكس صني تكسب .. علي كل حال استخير و استشير .. ما خاب من استشار وﻻ ندم من استخار

**raad13** · 18-05-2014 10:17 AM

البيجو البيز لاين احسن بس هتكون مملة شوية من غير الحاجات الموجودة في الهايلاين

**catmoon** · 18-05-2014 10:32 AM

اخى لا وجه للمقارنه انا كنت زيك بالظبط حيران جامد بين السوبر صالون والبيزلاين وبعد تفكير ومقارنات عقليه استخرت الله وقررت البيجو اوروبى شياكه قوه اعتماديه امان ثبات انما الصنى اعتماديه فقط واسعار قطع الغيار متساويه ال حد ما بالعكس البيجو ارخص في حاجات وربنا يهديك للصواب ده راى الشخصى

**sasa44** · 18-05-2014 03:34 PM

شكرا يا جماعه لكل اللى رد
طيب ممكن اعرف ايه الاوبشنز اللى فى البيجو البيزلاين والنشكله انى خايف من اسعار الصيانة فى البيجو المبالغ فيها وفى انتظار اراء باقي الأعضاء