The new VW gearbox with 10 speeds ;)

**inspiron** · 19-05-2014 02:37 PM

الفاجر ده هينزل في 2016..يا تري ايه مصيره !!

Volkswagen introduced new 10 – speed DSG gearbox | Best Auto News

**برنس الليالي** · 19-05-2014 03:02 PM

هو احنا لقيين حل لل7 سرعات لما حنحب ال10 سرعات :d

**bona rag** · 20-05-2014 01:46 AM

يا جدعان خلي عندكو تفاؤل ( تفائلوا بالخير تجيدو ) طب ما الكورولا 2014 9 سرعات مفهوش حاجه و اساسا ال dsg 7 سرعات المشاكل خفت شويه لكن لم تتلاشه و خليكو فاكرين ان الdsg 6 سرعات مفهوش حاجه

**inspiron** · 20-05-2014 03:37 AM

المشاركة الأصلية كتبت بواسطة bona rag

يا جدعان خلي عندكو تفاؤل ( تفائلوا بالخير تجيدو ) طب ما الكورولا 2014 9 سرعات مفهوش حاجه و اساسا ال dsg 7 سرعات المشاكل خفت شويه لكن لم تتلاشه و خليكو فاكرين ان الdsg 6 سرعات مفهوش حاجه

كورولا كام !!! مين فين إيه إزاي !!

الكورولا الجديدة فتيس cvt وعاملين فيه افتكاسة كده عشان يرضوا الزبون..لما تقلبها ستيبترونيك بيوهمك إنك عندك أكتر من سبع نقلات وهما في الواقع نقلة واحدة .. بس لما الـ rpm يقرب علي الـ red zone بيروح نازل سيكا قال يعني بينقل ويرجع تاني...مجرد برمجة مش أكتر.

**Mohamedjetta** · 20-05-2014 09:26 AM

يا جماعه فولكس رجعت بجداره ف الخليج من 2012 ... احنا هنا بس قاعدين معقدين الدنيا

**amrelsaqqa** · 20-05-2014 09:55 AM

المشاركة الأصلية كتبت بواسطة inspiron

كورولا كام !!! مين فين إيه إزاي !!

الكورولا الجديدة فتيس cvt وعاملين فيه افتكاسة كده عشان يرضوا الزبون..لما تقلبها ستيبترونيك بيوهمك إنك عندك أكتر من سبع نقلات وهما في الواقع نقلة واحدة .. بس لما الـ rpm يقرب علي الـ red zone بيروح نازل سيكا قال يعني بينقل ويرجع تاني...مجرد برمجة مش أكتر.

مش فاهم قصدك بالظبط ازاى الار بي ام ينزل ويرجع برمجة مش اكتر ، لو حصل كدة على نفس النقلة العربية هتهدى مش هتجمع ؟
الـ CVT معروف انه ترس مخروطى بيديك عدد لا نهائى من النقلات طول مانت بتتحرك على المخروط حركة بسيطة بالتدريج مع زيادة السرعة ، بحيث يفضل الار بي ام ثابت والسرعة تزيد

بس ممكن التحكم في النقل بتاعه بحيث تكبر الوقت بين كل نقلة والتانية بمعنى انك تثبت نقل الحركة عند حتة معينة من المخروط وبعدين تعمل شفت مرة واحدة على مستوى اعلى ( مش بالتدريج ) فيديك فعلا احساس انهم 9 نقلات

ومش هيبقى احساس فيك ومش نقلة واحدة ولا حاجة ؟ اه هو كدة كدة مفيش ترس مخصص لكل نقلة والموضوع بيتم التحكم فيه برمجيا فعلا بحيث بدل ما سطح المخروط ده مثلا بيديك بالتدريج 40 نقلة هيديك 9 بس ويحسسك بالتسارع وترددات الموتور كلها ، بس هيبقى كأنهم 9 نقلات منفصلين فعلا في الاحساس وكل حاجة

انا شايف الفكرة دى حلوة في الـ CVT بتاع تويوتا (مع انى اول مرة اعرفها دلوقتى) هتخليه يجمع بين كل الميزات والاوضاع ، للناس اللى بتتخنق من CVT زيي

فكدة معاك استبترونيك وبالنسب اللى انت عايزها (ممكن بعد كدة يخليك تتحكم انت عايز كام نقلة بالظبط ) في نفس الوقت معاه الـ CVT بمميزاته في الهدوء وتوفير البنزين وعزم الطلعة اللى على قد ما العربية عايزة بالظبط،

فاضل بس يتشال منه محول العزم ويتحط دسك واسطوانة الكترونى بحيث يبقى فائق سرعة النقل والاداء مع بعض ، وساعتها هيحط على الـ DSG في كل حاجة :D

**Mohamedjetta** · 20-05-2014 11:13 AM

المشاركة الأصلية كتبت بواسطة amrelsaqqa

مش فاهم قصدك بالظبط ازاى الار بي ام ينزل ويرجع برمجة مش اكتر ، لو حصل كدة على نفس النقلة العربية هتهدى مش هتجمع ؟
الـ CVT معروف انه ترس مخروطى بيديك عدد لا نهائى من النقلات طول مانت بتتحرك على المخروط حركة بسيطة بالتدريج مع زيادة السرعة ، بحيث يفضل الار بي ام ثابت والسرعة تزيد

بس ممكن التحكم في النقل بتاعه بحيث تكبر الوقت بين كل نقلة والتانية بمعنى انك تثبت نقل الحركة عند حتة معينة من المخروط وبعدين تعمل شفت مرة واحدة على مستوى اعلى ( مش بالتدريج ) فيديك فعلا احساس انهم 9 نقلات

ومش هيبقى احساس فيك ومش نقلة واحدة ولا حاجة ؟ اه هو كدة كدة مفيش ترس مخصص لكل نقلة والموضوع بيتم التحكم فيه برمجيا فعلا بحيث بدل ما سطح المخروط ده مثلا بيديك بالتدريج 40 نقلة هيديك 9 بس ويحسسك بالتسارع وترددات الموتور كلها ، بس هيبقى كأنهم 9 نقلات منفصلين فعلا في الاحساس وكل حاجة

انا شايف الفكرة دى حلوة في الـ CVT بتاع تويوتا (مع انى اول مرة اعرفها دلوقتى) هتخليه يجمع بين كل الميزات والاوضاع ، للناس اللى بتتخنق من CVT زيي

فكدة معاك استبترونيك وبالنسب اللى انت عايزها (ممكن بعد كدة يخليك تتحكم انت عايز كام نقلة بالظبط ) في نفس الوقت معاه الـ CVT بمميزاته في الهدوء وتوفير البنزين وعزم الطلعة اللى على قد ما العربية عايزة بالظبط،

فاضل بس يتشال منه محول العزم ويتحط دسك واسطوانة الكترونى بحيث يبقى فائق سرعة النقل والاداء مع بعض ، وساعتها هيحط على الـ DSG في كل حاجة :D

حضرتك انت لو تجرب dsg 7 خياااالي انا بستخدم المانويل مود وبوصل الاول لسرعه 50 و سرعه التاني بوصلها ل 80 و الرابع بوصله 120
معتقدش اي فتيس يعرف يحط ع dsg7
Dsg7 ممتاز ف الهدوء والتوفير ولما بمشي براحه ودايس خفيف تلاقي النقلات بتنقل بدري اوي عشان توفر بنزين يعني لو ماشي 80 ودايس خفيف هتلاقي غيار العربيه علي 7 يعني الموتور مريح اوي اوي اوي
لو دايس متوسط بتلاقي العربيه ف سرعه 80 هتلاقيها ع الغيار الخامس او السادس
لو دايس ع الاخر يعني كيك داون هتلاقي سرعه 80 ع الغيار التاني قبل الريد زون بسنه صغيره
يعني عربيه اقتصايه جدا وحسب دوسك ليها

**amrelsaqqa** · 20-05-2014 11:30 AM

المشاركة الأصلية كتبت بواسطة Mohamedjetta

حضرتك انت لو تجرب dsg 7 خياااالي انا بستخدم المانويل مود وبوصل الاول لسرعه 50 و سرعه التاني بوصلها ل 80 و الرابع بوصله 120
معتقدش اي فتيس يعرف يحط ع dsg7
Dsg7 ممتاز ف الهدوء والتوفير ولما بمشي براحه ودايس خفيف تلاقي النقلات بتنقل بدري اوي عشان توفر بنزين يعني لو ماشي 80 ودايس خفيف هتلاقي غيار العربيه علي 7 يعني الموتور مريح اوي اوي اوي
لو دايس متوسط بتلاقي العربيه ف سرعه 80 هتلاقيها ع الغيار الخامس او السادس
لو دايس ع الاخر يعني كيك داون هتلاقي سرعه 80 ع الغيار التاني قبل الريد زون بسنه صغيره
يعني عربيه اقتصايه جدا وحسب دوسك ليها

انا عارف ان الـ DSG اسطورة ووهمى فعلا في سرعة النقلة وفي القوة وكل حاجة واسرع من المانيوال العادى نفسه ( بينقل في اجزاء من الالف من الثانية ! )
الفكرة بس في اعتماديته وعمليته لو اتظبطت والمشاكل كلها اتحلت نهائى وثبتت على كدة فترة من الزمن هيبقى طفرة حقيقية في علم نقل الحركة وساعتها فولكس ممكن تبيعه لمصنعين اخرين وياكلوا عيش حلو اوى ع الموضوع ده ، الفكرة مش في التكنولوجيا وبس ، لازم تبقى تكنولوجيا بتعيش ومش مكلفة ومش معقدة اكتر من اللازم ، هو ده الـ Engineering اصلا انك تستغل الموارد المتاحة افضل استغلال وبأعلى كفاءة وتفضل التكلفة في المعقول ، زي ما بقوا يعملوا مواتير 1100 سي سي و 100 حصان مثلا ، وزي ما انتل بقت تعمل بروسسورات متطورة جدا واستهلاكها للطاقة قليل جدا ومش بتسخن ومش بتخلص البطارية .. وهكذا ..