بيجو 301 والثبات

**a_nesta13** · 21-05-2014 07:21 PM

بصراحه انا شايف ان العربيه ديه مفيهاش ريحه الثبات العربيه اول اما اوصل بيها مثلا 110 او 120 بحس ان العربيه مش راسيه علي الارض وخفيفه كده
غير ان انا في طريقي للشغل كل يوم فيه ملف موجود في الطريق الملف ده فيه خط بعرض الطريق كان محفور قبل كده تقريبا عرضه من 5-7 سم فطبعا زي ما احنا عارفين ان مكان الحفر ده لما اتصلح بقا منسوبه اوطي من الطريق
فا لما انا باخد الملف ده وانا علي سرعه بسيطه متعديش 40 او 50 بلاقي العربيه الكاوتش الامامي بيعدي مفيش اي مشكله بتحصل لكن اما يجي الكاوتش الخلفي يعدي من عليه بلاقي العربيه بتعوم من ورا بشكل محسوس جدا والعربيه بحس انها بتتحرك من ورا كانها زحفت بالعرض كده
ومثلا العربيه لو داست علي عين القطه اللي في الطريق بلاقي العربيه بتلعب كأنها مفككه من بعضة

وانا كان معايا جين 2 بصراحه مكنتش بحس بكده خالص
فهل ده عيب في العربيه ولا انا عربيتي اللي فيها مشكله

**Hunting_Eagle** · 21-05-2014 08:26 PM

بيجو 301 عربية صغيرة للاستخدام داخل المدينة

مش بتاعة جري و حركات

و انا اعتقد ان ده الطبيعي بتاعها

خلينا نشوف الملاك رأيهم ايه

**hamaka** · 21-05-2014 08:28 PM

متابع

**monamize4** · 21-05-2014 08:33 PM

انا مقدرش احكم على ثبات ال 301 لانى مسقتهاش

لكن اقدر اقولك ان الجين فعلا ثباتها مميز
و بيتفوق على منافسين كتييييييييييير ف الفئة السعرية دى

**Adnfalcon** · 21-05-2014 09:03 PM

ايه الكلام دا ؟
ابن خالتي سافر بيها 230 كم متواصله علي سرعات 150 - 170 وانا كنت بشد معاه طول الطريق لحد القاهره و محسش بالخطر نهائي
دا نزل بعجلتين فالرمله ع 150 ولم العربيه عادي
عموما هي عربيه ممتازه سوقتها عجبتني

**amrelsaqqa** · 21-05-2014 09:17 PM

هى مش خفيفة بس مش طوبة ع الطريق يعنى ماتفكرش نفسك هتركب باسات يعنى
في نفس الوقت الثبات ممتاز لحد 120 ومعقول جدا ل140 وتبدأ تحس ان العربية خفيفة ( 1100 كيلو !!! ) عند 160 خصوصا لو في هوا

ولكن بردو مازالت احسن من عربيات اغلى منها بكتير زي الالنترا مثلا

موضوع النقلة اللى بتحس بيها ورا اعتقد كل التورشن بيم كدة بس ميزة العربية دى ان مفيش تنطيط على الفواصل والكلام ده وعلى فكرة مش بتعوم هى بتزحزح سنة بس وتقف و. انا كنت سالت عن الموضوع ده اول ما جبت العربية وحد هنا في المنتدى اكدلى ان اي عربية في اادنيا بتعمل كدة مع عين القط لو في ملف

المهم طبيعى تحس بفرق في الملفات عشان الجين مالتى لينك

**السعيد عيد** · 21-05-2014 09:43 PM

المشاركة الأصلية كتبت بواسطة a_nesta13

بصراحه انا شايف ان العربيه ديه مفيهاش ريحه الثبات العربيه اول اما اوصل بيها مثلا 110 او 120 بحس ان العربيه مش راسيه علي الارض وخفيفه كده
غير ان انا في طريقي للشغل كل يوم فيه ملف موجود في الطريق الملف ده فيه خط بعرض الطريق كان محفور قبل كده تقريبا عرضه من 5-7 سم فطبعا زي ما احنا عارفين ان مكان الحفر ده لما اتصلح بقا منسوبه اوطي من الطريق
فا لما انا باخد الملف ده وانا علي سرعه بسيطه متعديش 40 او 50 بلاقي العربيه الكاوتش الامامي بيعدي مفيش اي مشكله بتحصل لكن اما يجي الكاوتش الخلفي يعدي من عليه بلاقي العربيه بتعوم من ورا بشكل محسوس جدا والعربيه بحس انها بتتحرك من ورا كانها زحفت بالعرض كده
ومثلا العربيه لو داست علي عين القطه اللي في الطريق بلاقي العربيه بتلعب كأنها مفككه من بعضة والله الواحد بيسمع كلام غريب دانا بركب مكنه( موتوسيكل) وزنه ميجيش 200 كيلو وبمشي 110 و120 وعادي وبخد ملفات ع 80 و90 وعادي مش عارف ازاي عربييه 4 عجلات ووزنه فوق 1 طن وبتعوم

وانا كان معايا جين 2 بصراحه مكنتش بحس بكده خالص
فهل ده عيب في العربيه ولا انا عربيتي اللي فيها مشكله

**eng-ahmed alaa** · 21-05-2014 10:13 PM

الحمد لله انا بمشى على 150 طريق ميت غمر المنصورة مفيش حاجة من الكلام ده بتحصل العربية ثابته الاسفلت اللى بيبقى مش مزبوط فحضرتك بتحس بكده

**a_nesta13** · 21-05-2014 10:37 PM

علي فكره ياجماعه انا شاري العربيه في السعوديه في الرياض يعني هناك الطرق كويسه جدا
وانا مش مقتنع ان انا لما ادوس علي عين القطه لازم العربيه تلعب لاني كان معايا قبلها ياريس 2010 ومكنتش بحس بأي حاجه من اللي قولتها ديه خالص