فضفضة واستفسار

**Mo.Kareem** · 13-06-2014 09:00 PM

السلام عليكم
عندى مشكلة سخيفة بس للاسف عملت مشكلة كبيرة ، العجلة الخلفية شمال بتريح روحت لبتاع الكاوتش علشان يفكها يكشف عليها ويعملها لأنى كل يومين بزودها ، فك الاربع مسامير والخامس مش عايز يتفك خالص والراس بتاعه فوت للاسف ، قالى جنبى بتاع لحام هخليه يلحم مسمار على مسمار الجنط ونحله عادى ، فعلاً عمل كده وللاسف كنت واقف مع واحد صحبى بعيد عن العربية الموضوع طول شوية اتارى الصنايعي لحم بتاع 5 مسامير ويجى يحل اللحام يتكسر وفضل يخبط على المسمار وبرضه مش عايز يتفك ، المهم كنت اتأخرت على شغلى قلتله خلاص مش مهم هبقا اروح للخراط يتصرف ويحل المسمار ، وزود الهوا بتاع العجلة ومشيت وانا ماشى بضرب فرامل لقيت abs ومانع الانزلاق و اللمبة بتاع الكاوتش لما بيكون مريح منوره ، وختمت و انا بلف علشان اخش الشارع المراية اليمين كمان اتكسرت بصراحه حاجة تعكنن على الاخر ، لأنى لسه مغير المراية الشمال من حوالى شهرين بـ 250 جنيه وصينى معفنه كمان ، دلوقت السؤال هل منظومة الـ abs باظت كده ولا ممكن تشتغل تانى والمسمار الزفت ده يتحل ازى عن خراط ولا ايه حله .

**mido102** · 13-06-2014 09:42 PM

عند خراط يكسره ياباشا وتجيب غيره وان شاء الله حد بردوا ياكد المعلومه بالنسبه لمنظومه الفرامل مش عارف

**Mo.Kareem** · 13-06-2014 09:48 PM

متشكر جدا لردك وياريت حد يطمنى على منظومة الفرامل

**a7medsh3rawi** · 13-06-2014 10:18 PM

حضرتك هتفك المسمار القديم عند المخرطه
وتركب مسمار اصلى وتظبط الكاوتش وتلحم التسريب
وتكشف على التوصيلات بتاعت ال abs
ممكن يكون حاجه اتفكت من مكانها

**Mo.Kareem** · 13-06-2014 10:19 PM

ربنا يسهل وهشوف الموضوع ده بكرة ان شاء الله

**snakeson2** · 13-06-2014 10:21 PM

روح لحد كويس هيفكهولك والعربية متكونش مشيت كتير وسخنت ، حصلتلي كتير والعفشجي بيفك المسمار القافش بلقمه بتتدق عالمسمار المفوت، المشكله في الي بهدللك العربية

**Mo.Kareem** · 13-06-2014 10:27 PM

المشكلة عندى مش فى المسمار ، المشكلة ان منظومة الفرامل تكون باظت ، واعتقد ان سعرها مش هيكون اقل من 500 جنيه اذا مكنش ازيد ، يعنى علشان مسمار وصنياعى غبى هدفع 500 جنيه غير العطلة ووجع القلب

**snakeson2** · 13-06-2014 10:52 PM

اللحام غلط جدا ، معلش انت مش راكب توكتوك يلحم مسمار عشان يفك مسمار ! طبعا حضرتك مش غلطان بس الغلط عالفتاي ألي عمل كده ، بيبقوا عايزين يشغلوا بعض ويطلعوا مصلحه من الزبون وخلاص .. ان شاء الله بسيطه ممكن اللحام يكون اثر علي حاجه وان شاء الله بسيطه

**Mo.Kareem** · 13-06-2014 10:56 PM

عندك حق ، انا اللى مبتعلمش بسهولة ، وان شاء الله يطلع الموضوع بسيط

**EngAhmedSayed** · 13-06-2014 11:32 PM

المسمار دة اتربط غلط علشان كدة مش عاوز يتفك لانى القلووووظ الذكر مباتش فى القلووووظ الناتية فا بكدة القلووووظ اكل من سنون بعض و قفش على كدة مع الحركة
الحل سيادتك هتقص راس المسمار و دة بصاروخ صغير بأكد بصاروخ صغير وراكب عليه حجر جلخ مش اسطوانة قطعية و يقعد ياكل من راس المسمار بنظام تجليخ لحد ماراس المسمار تتاكل و بعدين تخرج الجنط بالسلامة و سيادتك بقى عندك كذا حل اولا تجيب زيت باكم و ترمى على المسمار و يسلام لو بسرنجة و ابرة وحاول شوف نقطة كدة تضرب من الزيت انتا اضرب زيت و ملكش دعوة و هو يتغلغل جوة او wd40 بالشفاطة و بكلابة كبيرة تفك المسمار و يكون سنة رباط و سنة فك سنة رباط و سنة فك بس لازم تسيب الزيت عليها شوية و كل ما ينشف تضرب زيت تانى
الحل الثانى شنيور حداد ببنطة اقل من قطر المسمار و يعمل تخويش بالبنطة سنة سنة للحد ما ياكل المسمار من جوة
و فى كالتا الحالتيين هتجيب الخراط و يجيب معاه ذكر قلووووظ شمال بسن فرنساوى علشان يمشط السن تانى و تجيب مسمار اصلى صلب و تركبه و قبل ما تركبه تعوصو شحم و تربطه و متقلقش من الشحم انى يفك دة بس علىشان السن هيبقى خشن
و مجموعة فرامل abs سيادتك لما تفك الجنط راجع عليها

ربك المستعان

الموضوع: فضفضة واستفسار

LinkBack

أدوات الموضوع

عرض

فضفضة واستفسار - انشر الموضوع فى :

-

-

-

-

-

-

-

-

المواضيع المتشابهه

فضفضة في حب الوطن

فضفضة

هو لية كدة ..فضفضة

الكلمات الدلالية لهذا الموضوع

المفضلات

المفضلات

ضوابط المشاركة