الموضوع: فضفضة واستفسار

المشاركة الأصلية كتبت بواسطة EngAhmedSayed

المسمار دة اتربط غلط علشان كدة مش عاوز يتفك لانى القلووووظ الذكر مباتش فى القلووووظ الناتية فا بكدة القلووووظ اكل من سنون بعض و قفش على كدة مع الحركة
الحل سيادتك هتقص راس المسمار و دة بصاروخ صغير بأكد بصاروخ صغير وراكب عليه حجر جلخ مش اسطوانة قطعية و يقعد ياكل من راس المسمار بنظام تجليخ لحد ماراس المسمار تتاكل و بعدين تخرج الجنط بالسلامة و سيادتك بقى عندك كذا حل اولا تجيب زيت باكم و ترمى على المسمار و يسلام لو بسرنجة و ابرة وحاول شوف نقطة كدة تضرب من الزيت انتا اضرب زيت و ملكش دعوة و هو يتغلغل جوة او wd40 بالشفاطة و بكلابة كبيرة تفك المسمار و يكون سنة رباط و سنة فك سنة رباط و سنة فك بس لازم تسيب الزيت عليها شوية و كل ما ينشف تضرب زيت تانى
الحل الثانى شنيور حداد ببنطة اقل من قطر المسمار و يعمل تخويش بالبنطة سنة سنة للحد ما ياكل المسمار من جوة
و فى كالتا الحالتيين هتجيب الخراط و يجيب معاه ذكر قلووووظ شمال بسن فرنساوى علشان يمشط السن تانى و تجيب مسمار اصلى صلب و تركبه و قبل ما تركبه تعوصو شحم و تربطه و متقلقش من الشحم انى يفك دة بس علىشان السن هيبقى خشن
و مجموعة فرامل abs سيادتك لما تفك الجنط راجع عليها

ربك المستعان

طيب الصاروخ الصغير هيخش ازى فى الخرم بتاع الجنط ؟
اعتقد انه مش هينفع ، الحل التانى بتاع حضرتك اعتقد هينفع ان راس المسمار تتفور بشنيور وبعد كده يشيل الجنط ونكمل حل فيه ، الغريبة ان بعد الموضوع ده حاسس ان العربية مش مظبوطة خالص سحبها وحش جدا الفرامل طبعا بتخلى العربية تزحف مش بتكلبش زى الاول وده علشان abs مش شغال .

المشاركة الأصلية كتبت بواسطة moratoz

أنا حصلتي مره ورحت عند بتاع الكاوتش وكسر رأس المسمار وطلع الجنط بعد كده ومره اخري رأس مسمار كانت تأكلت رحت للخراط وعمل مسمار لحام وتم فك القديم
اما موضوع abs ممكن تبقي حاجه بسيطه من كثره الدق علي الجنط والمسامير يبقي في فيشه انفكت او حاجه وأكشف علي الفيوزات وطبعا لازم تخلي مركز الصيانة بتاعك بيص عليها بعد حل موضوع المسمار

ماهى المشكلة فى مسمار اللحام ده هو اللى بوظ الدنيا عندى ، ربك المستعان وتطلع مجرد فيشة وخلاص وينتهى الموضوع على كده مش طلبه خالص الصراحة دلوقت اى قرف ووجع دماغ

المشاركة الأصلية كتبت بواسطة طارق _عبد السلام

متقلقش من موضوع مسمار اللحام اى خراط بيفهم او مبيفهمش حتى هيفك المسمار وكمان هو راكب يعنى هيشتغل بشنيور هيخرم مكان المسمار الملحوم وبعدين هيشغل الشنيور عكسى وهو شغال فى الاخر علشان يفك معاه بسهوله
وحتى لو سن القلاووظ باظ هيعمله لك بدكر قلاووظ وبوجى وهيظبط لك الدنيا
اما هرتله اللمبات دى ممكن هو كان رافع العربيه غلط ونزلها برزعه هتروح لواحد يتعامل معاهم بالكمبيوتر وهيمسح الاخطاء دى وخير ان شاء الله

بشمهندس طارق كل سنة وحضرتك طيب
حل المسمار مش شغلنى دلوقت ، اللى شغلنى موضوع للمبات المنورة ، هو مكنش رافع العربية ، كان بيدق بالشكوش على المسمار بطريقة غبية .

النهارد رحت للخراط علشان يفك المسمار ،قالى لازم نشيل اللحام اللى عليه الاول ، وده هيتعمل بلمبة لحام ملهاش حل تانى خفت بصراحه على الجنط سبته ومشيت ، وبخصوص اللمبات بتاع مجموعة الفرامل بتنور شوية وتطفى شوية .
انا فعلاً بفكر بجدية انى ابيع العربية .

المشاركة الأصلية كتبت بواسطة moratoz

بغض النظر عن أي حاجة حضرتك لازم تفك المسمار في أسرع وقت لأنه لو العجله نامت في مشوار ومفيش حد بتاع كاوتش يذودها هتبقي مشكله

ماهو ده اللى عايز اعمله ، بس المشكلة ان ممكن صنياعى حمار يبوظ الجنط ، النهاردة ان شاء الله هديها لواحد صحبى يعرف حد كويس هيفك عنده المسمار وهيروح للميكانيكى بتاعه يشوف مجموعة الفرامل دى
دعوتك انها تتعمل على خير من غير خسائر كتير