تحذير للمسافر على طريق العين السخنة / الزعفرانة

**engahmed29** · 22-06-2014 10:43 AM

لا أتمنى لأحد ان يمر بما مررت به ، لذلك انصحك اذا كنت ترغب فى قضاء اجازة فى إحدى قرى العين السخنة بداية من اول الطريق و حتى نهايته عند الزعفرانة ، يجب ان تختار قرية سياحية بها صيدلية او على الاقل قريبة من قرية بها صيدلية ، حيث اننى قد ذهبت الى قرية لاسيرينا قبل الزعفرانة بحوالى 20 كيلومتر ، و فى المساء اصاب زوجتى حالة قيىء و اسهال شديد يرافقه إعياء ، فقمت بالاتصال باستقبال الفندق ، فأجاب انه لا توجد عندهم صيدلية و لا حتى دكتور طوارىء او عيادة صغيرة ، و ان اقرب صيدلية هى فى بورتو على بعد 45 كم تقريبا ، و كان الحل الوحيد امامى هو الذهاب بزوجتى الى نقطة اسعاف الزعفرانة فى وقت متأخر من الليل حيث تم توفير الدواء المناسب و الحقن لإنقاذها و الحمد لله

**أسامه الحسيني** · 22-06-2014 10:46 AM

الحمد لله علي سلامت المدام
ونصيحه انا لما بسافر باخد معايا شوية ادويه للطوارئ محدش عارف ايه الي ممكن يحصل

**المنسي** · 22-06-2014 10:51 AM

شكرا للتنبيه والف سلامة على زوجة حضرتك
حاول فى اى سفرية تاخد ادوية بسيطة معاك زى دوا للصداع .. الاسهال حاجات بسيطة وكفانا الله واياكم شر الطريق
تقبل تحياتى