الخرطوم ده بتاع إيه ....... اللى بجوار خرطوم فايظ الزيت من اليمين

**AYMAN616** · 18-07-2014 10:16 PM

السلام عليكم و رحمة الله و بركاته

و أنا بتفحص الموتور وجدت حاجتين

1- خرطوم فايظ الزيت مش متوصل و مقطوع و مش عارف ألاقى مكانه تحت العمة

2- الخرطوم اللى فى الصورة اللى هوا يمين خرطوم فايظ الزيت متوصل بالموتور و معدى تحت العمة و لكنه

فى الفاضى مش متوصل بحاجة ..... فهل ده طبيعى و لا هوا مسلوت من مكانه .. و فين مكانه و إيه فايدته

و هل 1 و 2 من أسباب علو صوت الموتور

**mr.moustafa** · 18-07-2014 11:59 PM

الخرطوم ده هو اللي مقطوع هو خرطوم فايظ الزيت

**AYMAN616** · 19-07-2014 12:13 AM

أنا بسأل كمان على الخرطوم الثانى اللى فى اليمين اللى متعلم عليه.... بتاع إيه و إيه لزمته و بيتوصل فين لأنه فى الطرف التانى فاصل تحت العمة

**ahmedokasha198** · 19-07-2014 02:41 AM

هاخرطوم اللى على اليمين ده بيوصل لتحت العمة عشان يبقى جزء من تدفئة الهواء اللى رايح للكاربيراتير فى الشتاء، و انصحك بلاش تركبة ف العمة عشان هيخلى الفلتر بتاع الكاربيراتير يتملى زيت. انا كنت جبته من التوفيقية ب 25 جنيه من سنة و بعدين خلعته من العمة تانى بعد ما الفلتر اتهبب.
أما الخرطوم اللى ف الشمال يا ريت حد يعرف و يقول لنا

**ahmedokasha198** · 19-07-2014 03:01 AM

المشاركة الأصلية كتبت بواسطة ahmedokasha198

هاخرطوم اللى على اليمين ده بيوصل لتحت العمة عشان يبقى جزء من تدفئة الهواء اللى رايح للكاربيراتير فى الشتاء، و انصحك بلاش تركبة ف العمة عشان هيخلى الفلتر بتاع الكاربيراتير يتملى زيت. انا كنت جبته من التوفيقية ب 25 جنيه من سنة و بعدين خلعته من العمة تانى بعد ما الفلتر اتهبب.
أما الخرطوم اللى ف الشمال يا ريت حد يعرف و يقول لنا

قصدى العكس اللى قولته كان ع الخرطوم اللى مش متعلم عليه اما اللى متعلم عليه ف يا ريت حد يقولنا

**AYMAN616** · 19-07-2014 04:24 AM

شكرا لك على المرور أخى أحمد

و ننتظر رأى الخبراء فى المنتدى

**أحمد جودة** · 19-07-2014 07:55 AM

السلام عليكم ورحمة الله وبركاتة

الخرطوم اللى مش متعلم عليه اللي هوة التخين دة فايظ الزيت ومش متوصل بحاجة
والخرطوم التاني الرفيع دة اللى بيوصل أسفل عمة الكاربيراتير

هذا على ما أتذكر وتقبلو تحياتي

**sakr_skoda** · 19-07-2014 10:03 AM

الخرطوم الرفيع دا بيركب فى اعلى المانيفود اسفل الكاربرتير مباشرة حتلاقى فيشة حساس العادم وفوقة على طول مكان لتركيب الخرطوم الرفيع ودا للمساعدة فى تدفئة الهواء والبنزين الداخل الى غرف الاحتراق ودا خاصية اوربية للمناطق المتجمدة وغالبا بيبقى ملغى وكانى لابد ان يكون مغلق تماما علشان لو مكانه مفتوح حيبرجل الموتور وصوته حيعله والبوجيهات حتهبب **

النصيحة خلى الخرطوم راكب مكانة فى وش التاكيهت واقطع بع 10 سمم وطبب الخرطوم علشان ميدخل غازات عليك وانتا سايق لآن الفايظ دا مشكلة حتلاقى عنيك بتحرق جامد طول ما انتا ماشى بالعربية دا غير الريحة اللى بتدخل الصالون**

النصيحة الثانية : انتا ليه سايب الفيظ الغليظ كدا مهو يتركبة فى مكانه فى العمة ودا اللى انا بانصح بية او تطببه علشان تحمى عنيك من الغازات التى تنبعث من احشاء الموتور**