السلام عليكم ورحمة الله وبركاته
أرجو من حضراتكم المساعدة ، منذ حوالى سنه ونصف كنت بأغير جوان وش سلندر وجوانات النحاس بتاعت الشمىز لأن كان فى عندى تسريب مياه على الزيت ، ويومها الميكانيكى قاللى المكنة قدامها فترة بسيطة وهتحتاج تتغير لأن الفارغة متاَكلة من جوه وأنا شفتها ،والعربية من بعد ها اشتغلت معايا كويس وماعملتش شغل فى المكنة غير من سنة تم تغيير أولسية الكرنك اللى ناحية الفتيس ، ومن كام يوم بدأت ألاحظ نقط زيت بسيطة تحت العربية بتبان كل يوم فى مكان مختلف عن التانى رحت للميكانيكى قاللى أولسية الكرنك عاوز يتغير فقلت أاجله لبعد العيد ، لكن للأسف وأنا ماشى امبارح ومفيش أى مقدمات يعنى الحرارة ماعدتش 90 لقيت العربية بتنتش جامد خصوصا فى السلانسية فنزلت فتحت الكبوت لقيت المياه مش موجودة فى القربة على الرغم ان ماكنشى عندى تسريب مياة بعد ماغيرت طرمبة المياة ، وكمان لقيت غطاء الزيت عليه طحينة ، عديت على الميكانيكى قاللى كدة جوان وش السلندر ضرب وفكرنى بالفارغة اللى متاَكلة وان مسامير وش السلندر قعدت فترة كبيرة تجيب مياة وعانينا كتير لحد مامنعناها تجيب مياة وان عندنا مشكلة تغيير اولسية الكرنك أكتر من مرة .
قلتله والحل ، قاللى نغير مكنة كاملة من غير الفتيس ونريح دماغنا ، والله أنا سمعت الكلام ده واتخنقت لأنى حسيت ان العربية فى الفترة الأخيرة مشاكلها بدأت تزيد كل مأعمل حاجة ألاقى حاجة تانية تظهر وكمان الحرارة بدأت تخرف معايا ففكرت أبيع العربية ،وعايز أسأل حضراتكم :
- لو فكرت أبيع العربية بحالتها كدة قبل ما أغير المكنة ؟
-أغير المكنة وأبيع العربية؟
-مصاريف تغييرالموتور حوالى كام ؟
-ولونويت أغيير أجيب من اسكندرية ولا من بورسعيد ؟
اَسف على الاطاله وأرجو الاستفادة من خبرات حضراتكم وكل عام وأنتم بخير
المفضلات