حد اكتشف مشاكل في نيولوجان

**ميلو** · 23-07-2014 06:48 AM

يا جماعه انا قررت اجيب النيولوجان
بصراحه هي شكلهت بقى تحفه .... وامكانيتها رائعه ... وسعرها ممتاز
بس من واقع السوق المصري كتير لما بتكون العربيه لسه نازله بيكون فيها عيوب بيصلحوها في الموديلات اللي بعد كده
فياريت لو حد اشترى العربيه وليه بعض الملاحظات او اكتشف مشاكل او حتى ندم انه اشتراها يشارك ويقولنا؟؟
على فكره دي اول مشاركه ليا في المنتدى ونفسي استفاد منها وماطلعش بلووشي
ولكم جزيييييل الشكر

**adel_edrees** · 23-07-2014 06:35 PM

أولا من ناحية العفشة و الميكانيكا هي هي العربية القديمة المشاكل المعتادة المشاكل حتيجى من الأضافات الجديدة و الكماليات اللى موجودة في العربية الجديدة و ربنا ما يجيب مشاكل

**adel_edrees** · 24-07-2014 05:37 PM

مشاكل البوابة ....... أتحلت
مشكلة العزل الحرارى ...... أتحلت
مشكلة الكاوتش ....... أتحلت بالتغيير
مشاكل أستعمال لكن أن شايف أن اللوجان هي العربية الوحيدة اللى في فئتها اللى بتحقق معادلة القيمة مقابل السعر و يمكن أزيد كمان

**Amr. Adel** · 25-07-2014 06:14 PM

متابع- لانى فعلا بفكر اشتريها

**ميلو** · 26-07-2014 03:00 AM

المشاركة الأصلية كتبت بواسطة mahmoud zaki

بسم الله الرحمن الرحيم

والله يا باشا انا لسه مستلمها من حوالى 10 أيام والعربية بسم الله ماشاء الله عليها زي الفل من كل حاجة لحد دلوقتى وربنا مايجيب مشاكل ... اللى ساعات باحسه ان لما بازود سرعة عن 120 كم باحس انها مش ثابتة شوية - بس انا لحد دلوقتى ما ظبتش الكاوتش ويمكن هوه ده السبب - ( من ساعة ما استلمتها ما ظبتش الهوا - كسل بعيد عنك -) بس لكن غير كده مفيش مشكلة لحد دلوقتى

الف مبروك يا باشا و ربنا يديك خيرها و يكفيك شرها
وياريت لو اكتشفت حاجة (لا قدر لله) تبلغنا اول باول

**yourfreeman** · 30-07-2014 10:44 PM

العيب دة ظهر مع بعض ملاك الرينو لوجان الجديدة
المؤشر بتاع البنزين نازل 3 شرط فولت السيارة ولا يزال ثابت ع ال 3 شرط ؟؟؟؟
ودة كان رد احد الشباب على صاحب المشكلة
العوامه علي فكره بيغيروها في التوكيل مع حساس البنزين حصلت مع اخويا والعربية خدعته وقطعت بنزين خالص في الهرم كلم التوكيل مهندس جاله لغايه عنده جابله بنزبن وقاله يكره تيجي توكيل ابو رواش راح غيرولو ااعوامه كلها ببلاش مع العلم انه خرج بره الضمان بس صيانته كلها في التوكيل
وانا عاوز اقول ان مشاكل التصنيع نسبيه تظهر فى بعض السيارات ولا تظهر فى البعض الاخر

**ah-elgendy** · 31-07-2014 03:12 PM

هى النيو لوجان مفيهاش موشر حراره لمبه بس

**corsair** · 31-07-2014 03:25 PM

اولا كل عام وحضرتك بخير

ثانيا انا مالك للنيو لوجان من يوم 21/6

الي الان مشكلتي الوحيده اللي فيها تتلخص في الكاوتش اللي نازل مع العربية واللي نوعه باروم

وان شاء الله في اقرب فرصه هغيره لان نوعه ردئ جدا

غير كدا العربية ما شاء الله اوبشن وامان ووسع وشكل جمالي مفيش بعد كدا كفايا انك طول مانتا ماشي الناس عينيها مبتتشلش من عليك وطبعا ده اسوء ما فيها علشان كدا الواحد مبيخرجش بيها كتير العين مبتسبش حد

انا معايا الفئة التالته كمفورت وانا عن نفسي شايف انها افضل فئة متوفرة

واي استفسار اخر انا تحت امرك

-

الموضوع: حد اكتشف مشاكل في نيولوجان

LinkBack

أدوات الموضوع

عرض

-

-

-

-

-

المواضيع المتشابهه

اكتشف عربيتك الهوندا وحل مشاكلها

اخيرا اكتشف ان للعربية وظائف اخرى

كيف اكتشف الفرق بين فيرنا 2009 و 2010

اكتشف الحدفه ازاى

اكتشف شخصيتك اختبار حلو

الكلمات الدلالية لهذا الموضوع

المفضلات

المفضلات

ضوابط المشاركة