امتي آخر مرة قلت لحد:انا غلطان انت كان عندك حق

**Hegazio** · 03-08-2014 11:29 AM

بقالي ييجي سنة ما دخلتش المنتدي..كانت ايام 2010 لا تعوض..كان المنتدي زي المياه و الهوا

المهم..انه و بمرور عابر لقيت الوضع السنة دي زي اللي قبلها..و في منتديات كتير و في الفيسبوك...الخ

يهيألي اني توصلت لسبب المشاكل و هو:
ان اغلب المتسببين بالمشاكل و الخلافات هم اشخاص يظنون ظنا خاطئاً ان جملة:
" انا طلعت غلط..انا كنت غلطان..كان عندكو حق " هي هزيمة!
او خسارة..او اهانة للنفس !!!

و هؤلاء الاشخاص غالبا تعودو علي نظام معين من التربية هو السبب في ذلك..ولا علاقة له بقوة او ضعف الشخصية او حتي المنصب..بعضهم كبير المنصب و المقام و يظن ان "انا كنت غلطان " فيها دنو لمقامه
و البعض واطي أساساً. .و يريد ان لا يقولها ظنا منه انه سيصبح صاحب رأي و بتاع

الله يرحم كل من ربي اولاده علي أن :
" الاعتراف بالذنب و الغلط فضيلة "
" الاعتذار يعلي شأن الفرد "
" من قال لا أعرف فقد أفتي"..لما تبقي مش عارف طبعاً

نرجع لسؤال الموضوع و اتمني تجاوبو عليه بصدق

بالمناسبة..ما تحاولوش تعرفو توجهي السياسي ﻷنه متغير..كلما ظننت اني اعلم اكتشفت اني لا اعلم كفاية !!!!!

**#MAAM#** · 03-08-2014 02:36 PM

عادي أنا بقلها لما بحسها ......... ولسه قايلها قريب جدا أنا مش شايف فيها أي كسوف أو تقليل للشخصية أو أي حاجة من الكلام الكبير ده

**amrelsaqqa** · 03-08-2014 02:45 PM

لسة امبارح ..
الموقف باختصار انى اتصرفت بحسن نية فتسببت في احراج بين صاحبى وحد تانى صاحبه -وانا بردو اعرفه- ( بدون قصد ) ..

وهو عاتبنى على الموقف وانا اعتذرت لانى فعلا تسببت له في احراج وما فكرتش قبل ما اتصرف ( على غير عادتى ! )
وصاحبى تقبل اعتذارى والحمد لله الموقف عدى على خير

**Hegazio** · 03-08-2014 08:37 PM

بس واضح ان اﻷغلبية تموت ولا تغيرش رأيها ولا تقولش كنت غلطان

و ده اهم حاجة جايبانا لورا

**احمد المصرى** · 05-08-2014 08:01 AM

احنا محتاجين ثوره فى الاخلاق

**kar!m** · 05-08-2014 08:43 AM

كتير .. حتى لو الشخص اللي عرفت ان وجهة نظره كانت غلط مش موجود .. ممكن أتصل بيه و أقول له ان انت كنت صح .. لمجرد اني أستريح نفسيا.

**mcomics** · 05-08-2014 09:12 AM

طيب انا في الغالب كنت بقول لأي حد مختلف معايا في الرأي "حقك عليا، جايز اكون غلطان"
وتلاقي دايما اللي يقوللك "طبعععععععا غلطان، اصلك موش واخد بالك من اللي بيحصل حواليك" او كلام من نوعية "انت مش فاهم حاجة" ، و سعات الناس بتاخد اعتذاري ده بتريقة من نوعية "انت مش من هنا ولا ايه!!!!!" ....علشان كده ريحت دماغي ومابقتش بتكلم كتير مع اي حد مختلف معايا في الرأي.....كل واحد ينام على الجنب اللي يريحه

-

الموضوع: امتي آخر مرة قلت لحد:انا غلطان انت كان عندك حق

LinkBack

أدوات الموضوع

عرض

امتي آخر مرة قلت لحد:انا غلطان انت كان عندك حق - انشر الموضوع فى :

-

-

-

-

المواضيع المتشابهه

هوة انا كدة غلطان

يا ريت لو غلطان أعرف غلطان فى ايه؟؟؟

هوا انا كده غلطان؟

عندك جولف ؟؟ هاتجيب جولف ؟؟برافو و خد عندك

الكلمات الدلالية لهذا الموضوع

المفضلات

المفضلات

ضوابط المشاركة