الموضوع: عايز أقوى النور العالى و الواطى و حل لمشكلة الشابورة

المشاركة الأصلية كتبت بواسطة ayman616

السلام عليكم و رحمة الله و بركاته

كنت عايز أقوى النور العالى أعمل إيه ؟؟؟

1- عندى الكشاف اليمين ضعيف شوية و اللمبة سيحت الفيشة بتاعتها ....

فروحت جبت لمبة أخرى 260 / 200 و غيرت الفيشة بأخرى خزف ( صينى ) علشان تتحمل السخونية بتاعة الللمبة

لكن المشكلة لازلت قائمة ..... فروحت مظبط النور على الحائط من رجلاش الفانوس بس مش ده اللى أنا

عايزه و خصوصا إن الكشاف اليمين عالى .... هل ده ضعف كتاوت أم ماذا ؟

2- لمبة النور الواطى ضعيفة جدا فى الناحية اليمين ..... و غيرت اللمبة بس نفس المشكلة ... ما الحل ؟

3- كشافات الشابورة عندى البنورات مكسورة .لكن النور شغال فروحت أجيب باغات زجاج

الرجل قالى لازم كشاف جديد ؟؟ فهل هناك حل ؟؟

اولا اللمبة اللى حضرتك ركبتها الحمد لله انها مسيحتش الضفيرة والمفتاح
ثانيا خد الخلاصة فالموضوع اللى هاقوله حالا
هتشترى لمبتين تونجسرام 140/100 من عند الابيارى فالتوفيقية + كتاوت نور تركى من عند الابيارى برده
اللمبيتن بحوالى 70 جنيه والكتاوت 35 جنيه
ركب الحاجات دى وشوف الفرق هتلاقى النور الواطى بقى عالى ومحدش قدامك هيقدر يشوفك ومش هقولك العالى هيبقى عامل ازاى
بالنسبة للشبورة الوش الزجاج بيتباع عادى هتفك القديم وتركب الجديد
تقبل تحياتى

السلام عليكم ورحمة الله وبركاتة

أولا بشكر الاستاذ منسي على مشاركتة والتوضيح

ثانيا أنا لم أتعرض لمشاكل بالنسبة للنور أو الكشافات

بس علي حد علمي النور 3 درجات الواطي اوي ودة لما تنور الزرار اللى في الشمال لوحدة
والدرجة التانية لما تنور الزار اللى جمبة الكشاف ينور العالي الوسط
والدرجة التالتة لما تنور العاالي أو تقلب نور أو بيسموة الرعاش
دة طبعا بخلاف نور الشبورة

ياتري الكلام دة عندك مظبوط والمفروض الـ 3 أوضاع بتعملهم لمبة واحدة فى الفانوس

أكد على الكلام دة وبالنسبة لزجاج فوانيس الشبورة أنا كان عندي نفس المشكلة ووصيت الراجل اللى بتعامل معاة يجيبهوملي بس لما طول عليا فصلت الزجاج بنفسي جبت حتة باغة شفافة وقصتها على قد الفانوس
هيا فى الشكل الباغة الاصلية افضل كتير بس اللى انا عملته شكلة مش وحش وفي نفس الوقت حافظت على اللمبات من الماية والتراب

تقبل تحياتي واسف على الاطالة

المشاركة الأصلية كتبت بواسطة ayman616

أستاذ أحمد جودة شكرا لك على مرورك

بالنسبة للباغة الأصلية بتتباع و لا ... لاء

أيضا هل لو فصلت زجاج عادى حيستحمل سخونية لمبة الشابورة

ولا أنت تقصد أى باغة اللى أنت فصلتها ( نوعها إيه )

الباغة بتتباع لوحدها بس قليلة اعتقد وطبعا مش هتبقي بجودة الاصلية

أعتقد الزجاج العادي يستحمل الحرارة مفيش مشكلة

والباغة اللى اقصدها دي كانت عندي فى شباك قديم عبارة عن بلاستيك ابيض شفاف زي الزجاج ودي اللى استعملتها حفاظا على اللمبات وشكلها مش حلو طبعا زي الباغة بس انا عامل كدة كحل مؤقت

تقبل تحياتي
بس جرب الـ 3 درجات اضواء وقولي