الموضوع: النور العالى والنور الواطى

سواق ميكروباص عمل معايا نفس الموضوع

قال لي بصوت ابح متحشرج
"ايه يا فندي انت ماشي على الصعراوي"


عموما النور الواطي من بعد الغروب مابطفيهوش

انا بريح نفسى وبنور الشبوره
عشان بيكون واطى ومش بيأذى عين اللى قدامى
عشان اغلب السواقين فى مصر بيزعلوا من النور الواطى :)

الواطى هو الصح علاطول من وقت الغروب. انا مش بطفية اصلا.

بس مصر بطبيعتها غير كل الدول فا ليها قواعدها.

من زمان كان كل العربيات مستوى الاضائة بتاعها مش مظبوط فا لما تنور الواطى كان يخبط فى عين اللى جاى قدامك و تلاقية ضربلك العالى و قعدتم تتخانقوا.

فا جرت العادة منذ قديم الازل انك متولعش النور الواطى و تمشى على الصغير بس و لو لقيت حد مولع الواطى حتى لو مش جى فى عينك لازم تقولة يطفية احتياطى. {عادات و تقاليد}

فعلا انا حصل معايا الموضوع ده لاول مرة وانا في بورسعيد ودي كانت اول مرة بسافر بالعربية وكنت ماشي انا وابن خالتي (ساكن في بورسعيد ) في طريق بالليل وكنت منور النور الواطي لقيت كل العربيات اللي جايه بتقلبلي نور فسألت ابن خالتي هو في ايه ؟؟
قاللي في ناس كتير بتتخنق من اللي بيستخدموا النور الواطي وسط البلد وفعلا كان احسن حل اني اركب فوانيس الشبورة لانها مش بتضايق اللي جاي في المقابل وفي نفس الوقت بتخليك تشوف الطريق كويس لمسافة لا بأس بها

المشاركة الأصلية كتبت بواسطة OlaOsman

لأ معلش مش فاهمة.. ايه الضرر من النور الواطي؟

و دة الرد على سؤالك

المشاركة الأصلية كتبت بواسطة iBiZa

فا جرت العادة منذ قديم الازل انك متولعش النور الواطى و تمشى على الصغير بس و لو لقيت حد مولع الواطى حتى لو مش جى فى عينك لازم تقولة يطفية احتياطى. {عادات و تقاليد}

المشاركة الأصلية كتبت بواسطة Islam_galal

- في معظم الدول المتقدمة بتوضع حوائل في وسط الطريق بين الإتجاهين لتلافي المشكلة دي

و لأننا دولة مش متقدمة و معندناش الحواجز دي مبيمشيش عالشمال عالدائري بالليل خالص لأن بحس إن الناحية التانية كلها داخلة في عيني