عايز أقوى النور العالى و الواطى و حل لمشكلة الشابورة

**AYMAN616** · 07-08-2014 07:44 PM

المشاركة الأصلية كتبت بواسطة أحمد جودة

أولا أشكرك على المعلومة دي لاني زي ماقولت مصادفتش مشاكل فى الاضاءة علشان كدة مفكتش الفوانيس من الداخل

وانا بالمناسبة أقصد كمان فى حالة إضاءة النور فى الدرجة التانية والتالتة هل فيه اختلاف فى شدة الاضاءة بين الفانوسين

لو الاجابة بنعم مناخد الاسهل وتشوف العواكس مظبوطة جوة الفانوس ولا متحركة أو أن الزجاج الخارجي معتم أو فيه مشكلة واللمبات نفسها بريئة من العيب أو حضرتك حكمت علي اللمبات ازاي

متابع مع حضرتك لحين حل المشكلة

العيب دلوقتى فى حاجتين

1- ( زى ما قلت يا أستاذ أحمد ) إما الفانوس معتم من الداخل و عايز حتة نضافة ( و ده الإحتمال الأكبر )

و علشان يتفك لازم وقت فاضى

علشان أفكه بعيد عن البيت علشان خفافيش الليل اللى بتحرص العربيات فى المساء متخدش بالها من

طريقة الفك و التركيب ......و أنت فاهم الباقى بقى

2- أو إما الكتاوت اليمين عندى عايزة تتغير و ده إحتمال برده

حاشوف أنا حاعمل إيه و أبلغك بيه

**المنسي** · 09-08-2014 12:07 PM

اسف للتاخير فالرد
اللمبتين اللى انت ركبتهم مش مناسبين للكشاف ودول بيركبو لعربيات النقل
حاول تسال عندك على اللمبات التونجسرام كويسين جدا او دور على الفيليبس
اهم حاجة فالموضوع انك تركب كتاوت للمبات
تقبل تحياتى

**abanobsamy** · 10-08-2014 04:33 AM

المشاركة الأصلية كتبت بواسطة ayman616

أخى منسى

على فكرة أنا لفيت على اللمبات التونجسرام و مشلقيها خالص ...... ( ناقصة من السوق )

فهل حده عنده فكرة أجيبها منين فى الإسكندرية أو لو فى حد فى المنتدى ممكن يبعتهالى

طيب ... هل اللمبات الفليبس نورها كويس و لا إيه ؟

و هل ممكن يكون ضعف نور اللمبات من الكتاوت و عايزه تتغير ؟

فى الاسكندريه فى محل اسمو الفرقان ده عند دوران السيوف شماعه الناس ديه محترمه فوق الوصف عندهم كل حاجات الفليشيا
وهتلقى عندهم اللمض التنجسرام المبه ب 30 جنيه

**AYMAN616** · 11-08-2014 01:39 PM

المشاركة الأصلية كتبت بواسطة abanobsamy

فى الاسكندريه فى محل اسمو الفرقان ده عند دوران السيوف شماعه الناس ديه محترمه فوق الوصف عندهم كل حاجات الفليشيا
وهتلقى عندهم اللمض التنجسرام المبه ب 30 جنيه

شكرا لك أخى abanobsamy على مساعدتك و جزاك الله خيرا

أنا لسه راجع حالا من عند الفرقان و لاقيت عنده اللمبات و أخدت إثنين ...... الواحدة ب 35 جنيه

و فعلا ناس ذوق جدا و متعاون جدا و ما بيخل على معلومة يديهالك

و هو فعلا عنده حاجات الفليشا لأن عنده العربية نفسها

**ayman20100** · 11-08-2014 05:25 PM

منتظرين منك تقرير بالفرق والتكلفة
وياريت لو صور للمبات عشان نعرف نجيب زيها

**ahmedvaio** · 11-08-2014 09:36 PM

انا عندى معلومة يمكن تفيد
تعرض صديقى بالامس لمشكلة تسببت فى فصل الانوار الامامية بالكامل .. قام الكهربائى بتصليح العطل و طلب من صديقى كتاوت تقوية .. بعد تركيب الكتاوت وجد صديقى فارق كبير فى الانارة بدون تغيير اللمبات
ممكن تسأل عن كتاوت التقوية و شوف الكهربائى هايقولك ايه

**AYMAN616** · 12-08-2014 12:19 AM

أنا طبعا غيرت اللمبات فى عز الظهر و مجربتهاش

و نزلت من شويه حوالى الساعة 11 مساء و جربت ........ هو ده الفرق

الكشاف اليمين عندى تمام و المشكلة كانت فى الشمال ....

بعد تغيير اللمبة الشمال بقيت بتنور أعلى من اليمن

و بكده تبقى الإضاءة تمام التمام و اللمبة التنجسرام 10/10

جزاكم الله خيرا ؟إخوانى على المشورة

على فكرة برضوا أنا الصبح فكيت الكشاف الشمال و مسحته من جوه و مسحت البنورة و بقى إضائته أفضل مع تغيير اللمبة

**sakr_skoda** · 12-08-2014 12:48 AM

المشاركة الأصلية كتبت بواسطة ayman616

أنا طبعا غيرت اللمبات فى عز الظهر و مجربتهاش

و نزلت من شويه حوالى الساعة 11 مساء و جربت ........ هو ده الفرق

الكشاف اليمين عندى تمام و المشكلة كانت فى الشمال ....

بعد تغيير اللمبة الشمال بقيت بتنور أعلى من اليمن

و بكده تبقى الإضاءة تمام التمام و اللمبة التنجسرام 10/10

جزاكم الله خيرا ؟إخوانى على المشورة

على فكرة برضوا أنا الصبح فكيت الكشاف الشمال و مسحته من جوه و مسحت البنورة و بقى إضائته أفضل مع تغيير اللمبة

تمام الله ينور عليك وينور طريقك بس انتا لازم تظبط بؤرة الفوانيس ودا انك تقف امام حائل سور مدرسة مثلاة على بعد 10 امتار ويتم الضبط ومتابعة البؤرة على السور او الحائل المتاح وطبعا الفانوس بيتحرك الى اعلى واسفل بشداد والى اليمين والى اليسار بشداد آخر**