اشتري ايه؟!

**sara osama** · 26-08-2014 05:22 PM

مساء الخير :)))

من فضلكوا انا اول مره اسوق ومحتاجه عربيه اتوماتيك في رينج من 100 ل 130 الف
دورت وسالت وطلعت باكتر من اختيار بس برده مش عارفه ايه الانسب والاحسن
الخيارات اللي وصلتلها هي
متسوبيشي اتراج
بروتون جين 2
كيا ريو
بيجو 301

ايه الاحسن في دول ؟ او ياريت لو في اقتراحات لحاجه افضل

انا مش بفكر في اعاده البيع لخمس سنين قدام مثلا ..ومش بهتم بالكماليات والحاجات دي
اهم حاجه تكون عربيه مريحه يعني متتعبنيش في الصيانه وقطع الغيار واستهلاك البنزين
وطبعا الامان والثبات عشان كل شهر بسافر من القاهره للمنصوره

وشكرا

**J A G U A R** · 26-08-2014 05:46 PM

ده كل مش موجود فى عربيه واحده ..

يعنى مثلا الجين استهلاك عالى للبنزين وقطع غيار غاليه شويه
الريو هاتبقى فئه اولى ومفيهاش امان
البيجو صيانتها رخمه وقطع غيارها غاليه

شوفى ممكن تضحى ب ايه علشان تعرفى تختارى

اختيارات اخرى ممكن اوبترا شكل قديم 2014 نازله ب ايرباج وطاره مالتى
لانسر بومه كسر زيرو

**sara osama** · 26-08-2014 08:36 PM

المشاركة الأصلية كتبت بواسطة borio1704

أنا شايف المتسوبيشي أتراج والكيا ريو أفضل الخيارات

المتسوبيشي أتراج تصميم ياباني (تقفيل تايلاند) .. بس مشكلتها إن موتورها ضعيف شوية (1200 cc) بس موفر في البنزين

مفيش منها هاتشباك في السوق المصري... وتوكيلها (دياموند موتوزر) يبدو إن عنده مشاكل.. بس دي مقدرش أجزم بيها.

الكيا ريو موتورها ما يعتبرش قوي (1400 cc) لكن تقفيلها وقيادتها حلوة جدا.. وثباتها بردو كويس
وفيه منها سيدان وهاتشباك.. وتوكيلها في مصر (eit) ممتاز بشهادة اللي اتعاملوا معاه.

البروتون جين2 عربية سبور شوية وممكن ما تناسبش سواقة بنت.. وتقفيلها مش في مستوى بقية العربيات.. وغالبا بعض الأزرار بتخرج من مكانها بعد استخدام كام سنة (من تجربة للعربية مع أخويا)

الجين 2 هاتشباك... والسيدان منها إسمها برسونا.. والوكيل بتاعها (عز العرب) معرفش حاجة عنه.

البيجو 301 مشاكلها كتير.. حضرتك ممكن تدخلي على قسم البيجو وتشوفي كمية المشاكل اللي ظهرت مع الناس اللي اشتروها زيرو.

مفيش من البيجو 301 عربية هاتش باك على فكرة... وتوكيلها بردو عليه علامات استفهام.

وأنا شخصيا بأرشحلك الكيا ريو

الريو واخدة كمية جوايز على مستوى العالم ما خدتهاش عربية تانية في نفس الفئة

...

انا شخصيا بميل للريو ..بس الهاي لاين بتاعها هيبقي ازيد من مزانيتي
الفئه الاولي تعملها بالظبط 130 الف ..فهل تبقي كويسه وفيها امان وثبات ولا ده مش متوفر غير في الهاي لاين؟

**sara osama** · 26-08-2014 08:39 PM

المشاركة الأصلية كتبت بواسطة omar mahmoud

انا رأيي إن لو حضرتك بتسوقي جديد يبقي ولا واحدة منهم

اجيب ايه طيب في رأي حضرتك؟
المشكله ان من الصعب اني اجيب عربيه وارجع ابدلها قدام شويه ..انا عاوزه اختار عربيه مناسبه من دلوقتي تكمل معايا لبعدين

**J A G U A R** · 26-08-2014 08:41 PM

المشاركة الأصلية كتبت بواسطة sara osama

لو هختار حاجه يبقي اهم حاجه طبعا عندي الامان عشان دي اول مره اسوق ..
بس راي حضرتك بشكل عام في الجين فيها عيوب تانيه غير استهلاك البنزين العالي؟؟

الجين كويسه
بس تقفيل وخامات داخليه وتوكيل تعبانين وقطع غيار غاليه وتقيله فى البيع .. دى الخلاصه

بس للعلم
العربيه ادائها وسواقتها رياضيه

مش عارف هايبقى مناسب مع حضرتك ولا لا

**J A G U A R** · 26-08-2014 09:02 PM

المشاركة الأصلية كتبت بواسطة sara osama

بتهيالي كده مش هيناسبني ..طيب هي الريو لو جبت الفئه اللي ب 130 الف مش هيبقي فيها امان ؟

وحضرتك تعرف سعر الهاي لاين حوالي قد ايه

اسفه اسئلتي كتيره بس معنديش ادني خبره فعلا

الفئه دى هتلاقى فيها ايرباج 1 للسائق بس
بس التوكيل كان منزل فئه ب 140 تقريبا .. فيها 2 ايرباج و abs +ebd
الهاى لاين هاتبقى 149 او 150 الف

اسئلى براحتك يا فندم

-

-

الموضوع: اشتري ايه؟!

LinkBack

أدوات الموضوع

عرض

-

-

-

المواضيع المتشابهه

ارجو المساعدة عايز اشتري عربية في حدود 75 الي 80 الف اشتري اية ؟

هل اشتري البيجو 308 sw أو اشتري الرينو فليونس 2014

عاوز اشتري كاسيت تنصحوني اشتري ايه

اشتري ميجان 2007 ولا اشتري لوجان زيرو

اشتري فيات ب 10 واظبطها بخمسة ولا اشتري واحده متوسطه بال 15 ... ؟!

الكلمات الدلالية لهذا الموضوع

المفضلات

المفضلات

ضوابط المشاركة