الموضوع: اشتري ايه؟!

المشاركة الأصلية كتبت بواسطة omar mahmoud

انا قصدي إن حضرتك لو تقدري تجيبي عربية من اللي الطلب عليهم عالي زي البومة او الصني فحضرتك تتعودي عليهم و وقت البيع مش هتخسري.
بس عموما قطع غيار الجديد كله غالي و الجين 2 كقطع غيار ارخص من الريو لكن توكيل مستواه مقبول بس كعوامل امان دول متوفرين في ال301 و الجين 2 من اول فئة.إنما الريو انا اعرف إن عوامل الامان متوفرين في اعلي فئة او فئتين+كماليات اكتر لو هايلاين.
الجين 2 رياضية فهي مش هتبقي مناسبة لسواقة البنات علشان هي ناشفة و انشف من الريو.
عيوب التقفيل و مشاكلها اتحلت بشكل كبير يعني موديلات 2014 تقريبا مفيهاش مشاكل خاصة بالتقفيل لكن الكيا و البيجو افضل منها في التقفيل و الخامات.

شكرا علي المساعده يا فندم

حضرتك مقلتيش اهم حاجه وهى انتى عاوزه ايه من العربية يعنى حتكون عربية عائلية ولا عربية للاستخدام الشخصى عربية رياضية لزوم السحب والشد وكده ولا عربية عاليه عن الارض و قوية

ثانيا هل ممكن مستعمل ولا جديد بس

لو مستعمل فى حاجات كتير ممكن تجيبيها بالسعر ده

اما افضل سيارة فى range السعر ده فى رأى هى ميتسوبيشى لانسر EX
تقريبا سعرها فى حدود 135 جديدة

عربية ثابته موتورها الجديد حلو جدا . عالية عن الارض واسعه و متينة تكيفها ممتاز
حجمها كبير .

انا ليا رأى تانى ان لو حضرتك كش محتاجه كل الامكانيات دى و حتسوقى لوحدك وحضرتك بنت ممكن توفرى كل ده وتجيبى حاجه اقل من كده . فيرنا او لانوس مثلا .

لو ينفع تزودي شويه ممكن اللانسر شارك ex دي اختيار كويس و بدأت تنتشر بقالها فتره خاصه بعد ما الفئات اللي زيها سعر طلع جامد مره واحده و ممكن حضرتك تشوفي مواضيع كتير عنها في قسم الميتسوبيشي.

في برضه قريب من الرينج ده تويوتا ياريس لو عايزه حجم اصغر من الشارك ممكن تتفرجى عليها

المشاركة الأصلية كتبت بواسطة Ahmed abdkarim

حضرتك مقلتيش اهم حاجه وهى انتى عاوزه ايه من العربية يعنى حتكون عربية عائلية ولا عربية للاستخدام الشخصى عربية رياضية لزوم السحب والشد وكده ولا عربية عاليه عن الارض و قوية

ثانيا هل ممكن مستعمل ولا جديد بس

لو مستعمل فى حاجات كتير ممكن تجيبيها بالسعر ده

اما افضل سيارة فى range السعر ده فى رأى هى ميتسوبيشى لانسر EX
تقريبا سعرها فى حدود 135 جديدة

عربية ثابته موتورها الجديد حلو جدا . عالية عن الارض واسعه و متينة تكيفها ممتاز
حجمها كبير .

انا ليا رأى تانى ان لو حضرتك كش محتاجه كل الامكانيات دى و حتسوقى لوحدك وحضرتك بنت ممكن توفرى كل ده وتجيبى حاجه اقل من كده . فيرنا او لانوس مثلا .

محتاجها للاستخدام العائلي ..بالنسبه للمستعمل انا معنجيش اي خبره بصراحه وخوفت من موضوع المستعمل ده

طيب بالنسبه للانسر ex ايه اخبار الصيانه وقطع الغيار والبنزين ؟

المشاركة الأصلية كتبت بواسطة land_cruiser

لو ينفع تزودي شويه ممكن اللانسر شارك ex دي اختيار كويس و بدأت تنتشر بقالها فتره خاصه بعد ما الفئات اللي زيها سعر طلع جامد مره واحده و ممكن حضرتك تشوفي مواضيع كتير عنها في قسم الميتسوبيشي.

في برضه قريب من الرينج ده تويوتا ياريس لو عايزه حجم اصغر من الشارك ممكن تتفرجى عليها

انا متشكره جدا لحضرتك ..هضيف الشارك لاختياراتي ان شاء الله

اول مرة تسوقى يبقى خسارة انك تشترى زيرو حرام الصيانات اصلا لواحدها ف اغلب الجديد ان مكنش كله غاليه فما بالك بان انا النهارده رفرف بكره اكصدام بعده حته تانيه اللى بيتعلم بيبهدل العربيه جامد على مابيتدى يتعود على انه ياخد باله من ابعاد العربيه كويس واصلا وبم ان السوق عندنا بيخسف بتمن العربيه الزيرو بس بتاع 10 الاف اول ماتركب نمر مش هنقول اتخبطت او اترشت انا شايف انك تجيبلك لانسر اوتوماتيك وبعد ماتبقى باذن الله سواقه درجه اولى اشترى زيرو براحتك وكده كده اللانسر مابتخسرش ف اعاده البيع و بتتباع هوا يعنى يوم ماهتزهقى منها هتبيعيها بخساره بسيطه يادوب الصيانات اللى هتعمليها والترخيص