سؤال عن ضبط الزوايا و الاتزان و الترصيص

**AHMED_FAYED_1** · 18-09-2014 08:46 AM

بسم الله الرحمن الرحيم
كنت عايز اسال عن ضبط الزوايا و الاتزان و الترصيص المفروض كل كام كيلو ؟
وكمان يتكلف كام ؟
و لو حد كويس فحلوان ؟
مع الشكر
انا اشتاريت العربيه من حوالي سنه و نص و معملتش الموضوع ده
و اسف علي الاطالة:b4_095:

**أحمد جودة** · 18-09-2014 09:59 AM

المشاركة الأصلية كتبت بواسطة ahmed_fayed_1

بسم الله الرحمن الرحيم
كنت عايز اسال عن ضبط الزوايا و الاتزان و الترصيص المفروض كل كام كيلو ؟
وكمان يتكلف كام ؟
و لو حد كويس فحلوان ؟
مع الشكر
انا اشتاريت العربيه من حوالي سنه و نص و معملتش الموضوع ده
و اسف علي الاطالة:b4_095:

أهلا وسهلا بيك

الترصيص وظبط الزوايا ملوش مواعيد معينة بس تقدر تقول لما تلاقي غربلة فى الدريكسيون او العربية بتحدف منك فى اتجاة معين

انا من حلوان واللى ممكن تروحلة ورشة قدام شركة مفكو حلوان المصنع التاني هتبقي ماشي كأنك رايح التبين وعند مفكو التاني تعمل يوتيرن الورشة قدام المصنع تقريبا والمصنعية فى حدود 30 او 40 جنية للترصيص وظبط الزوايا

**أحمد جودة** · 18-09-2014 11:12 AM

المشاركة الأصلية كتبت بواسطة ahmed_fayed_1

الف الف شكر علي الرد السريع
في واحد اسمو هادي و بس عند شارع رايل
هل ده كويس ؟
مع جزيل الشكر

والله مش عارفه بالظبط وعموما ظبط الزوايا والترصيص بالكمبيوتر يعني مش حاجة محتاجة صنايعي جامد واللى بيخليني اتعامل مع الورشة دي انه بيشتغل بالكمبيوتر وعندة الجهاز اللى بيتحط على فردة الكاوتش ومنها بردو تعرف الجنوط عندك مظبوطة ولا ملوحة

عموما ممكن تجرب دة او دة مش فارق كتير
تقبل تحياتي

**ehab mobarak** · 18-09-2014 11:23 AM

الاخ الفاضل انت تحتاج لضبط الزوايا في بعض الحالات التالية لو العربيه بتحدف او لو لاحظت تاكل في العجل من الداخل او من الخارج او لو العربيه والعجل بيعمل صوت في المنحنيات او الدركسيون تقيل او العجل بيعمل صوت مع الفرمله وانت مش علي سرعة او اذا نظرت ولقيت العجل فاتح او قافل من قدام وطبعا بعد اي شغل في العفشة او تغيير اي حاجة فيها لازم تظبط زوايا ولو غيرت مساعدين برضه ونصيحة كل كام شهر تروح تطمن ومش ببتكلف كتير 25 جنيه ضبط زوايا و 25 ترصيص وشكرا

**AHMED_FAYED_1** · 18-09-2014 11:36 AM

شكراً علي المعلومات دي و فعلاً انا بسال لاني هغير المساعدي الامامي بكرة ان شاء الله و عايز اظبط الزواية و الاتزان و لوهاتحتاج ترصيص

**أحمد جودة** · 18-09-2014 11:48 AM

كلام جميل خدها بالترتيب غير المساعدين وشوف العفشة بالمرة وانتا فاكك وبالاخص جلد الكبالن وبعد كدة ظبط زوايا ورصص لو محتاج

**ehab mobarak** · 19-09-2014 10:39 AM

عداد السرعة له ترس واصل في الفتيس خلف فتحة مقاس الزيت مربوط بمفتاح 9 اتاكد ان عمود الترس ده في مكانه الصحيح ومربوط عليه كويس وممكن تفكه من الفتيس وتتاكد ان مافهوش تاكل لانه ترس فبر وده المكان اللي بتزود منه زيت الفتيس ممكن حد زود الزيت ومركبوش كويس اتاكد برضه للامان