رجرجة بعد تغير قاعدة الماتور

**tamer0101** · 21-09-2014 12:18 PM

كان عندى مشكلة مع الغيار الثالث بيبقى فيه صوت لما بالنقل بسرعة لكا لما انقل الغيار ببطء الصوت يختفى المهم الميكانيكى شاف قواعد الماتور انا كنت لسه مغير طروبة الماية بالقاعدة بتاعتها كشف على قاعدة ال تحت ال متعلق عليها الجيربوكس لقى الكاوتشة مقطوعة وبايظة المهم قالى هاتلى الكاوتشة رحت عند فلفل لقطع الغيار ليقت نوعين صينى 18 جنيه وتشيكى اصلى 75 جنيه فى الاول جبت الصينى الميكانيكى شفها قالى رجعها وجبت الاصلى يوم الجمعة روحت علشان اركبها خلع الجزء ال فيه القاعدة ورحت عند ورشة صيصا وشلت القديمة وكبست الجديدة مكانها المهم ركب تمام والميكانيكى جبت البيت ركنت العربية ومجربتهاش يوم السبت طلعت بيها لقيت صوت رجة جامدة قوى وانا بسخنها وبدوس بنزين رحتله تانى جاب مفك كبير وقاعد يحرك الماتور من ناحية القاعدة يمين وشمال وفى القاعدة الثانية بردة المهم الرجة الجامدة راحت طلعت جربت العربية تمام النهاردة الصبح رحت الشغل بيها الصوت موجود بس على اخف من الاول وبيجى لما اقرص على الغيار السؤال هنا هل قاعدة الماتور تركيبها محتاج فن فى تركيبها انا شايف انها مسامير بتتربط ولا من كتر ما الماتور كانت راكب فيه الميل البسيط بسبب القاعدة ال كانت متاكلة اثر على حاجة تانية وهل فيه قاعدة ثالثة او حاجة تانية ممكن تتغير

الحاجة الثانية رداخ البنزين على طول بيجيب زيت غيرت الجوان كذا مرة واخر مرة الميكانيكى قالى الرداخ على شان انتيمونيا بيقوس بعد فترة ومهما حطيت جوانات وسيلكون حرارى بردة حتجيب زيت راح خلع الرداخ وبرده وخلها سوا واحد بس بردة لسه بيجيب زيت مافش حل للموضوع ده

**mody112** · 21-09-2014 02:24 PM

انت ليه جبت حشو للقاعدة مجبتهاش على بعضها ليه ؟
هو تركيب القاعدة مش محتاج فن ولا حاجة بس اى حاجة و اللى بيعملها مش فاهمها هيخرب الدنيا حتى لو بيملى كوباية مياه ( يعنى مثلا ممكن يكون قرط زيادة على الرباط ومحتاج يتهوى او العكس )

**tamer0101** · 21-09-2014 02:53 PM

قاعدة الموتور بتاعة الفيفوريت بتركب على الغطاء بتاع الجيربوكس وحتى الغطاء شوفته عند واحد جديد بيتباع فاضى ولازم تكبس القاعدة الكاوتش فيه

**mourner87** · 21-09-2014 03:47 PM

الكلام ده مش مظبوط القاعده دي اللي اسمها شداد الموتور بيكون من اسفل الموتور ناحية اليمين شويه وبتتباع كلها على بعض انا جبتها بيقول تركي ليس لإامله ب 60 جند

**sakr_skoda** · 21-09-2014 06:45 PM

المشاركة الأصلية كتبت بواسطة tamer0101

كان عندى مشكلة مع الغيار الثالث بيبقى فيه صوت لما بالنقل بسرعة لكا لما انقل الغيار ببطء الصوت يختفى المهم الميكانيكى شاف قواعد الماتور انا كنت لسه مغير طروبة الماية بالقاعدة بتاعتها كشف على قاعدة ال تحت ال متعلق عليها الجيربوكس لقى الكاوتشة مقطوعة وبايظة المهم قالى هاتلى الكاوتشة رحت عند فلفل لقطع الغيار ليقت نوعين صينى 18 جنيه وتشيكى اصلى 75 جنيه فى الاول جبت الصينى الميكانيكى شفها قالى رجعها وجبت الاصلى يوم الجمعة روحت علشان اركبها خلع الجزء ال فيه القاعدة ورحت عند ورشة صيصا وشلت القديمة وكبست الجديدة مكانها المهم ركب تمام والميكانيكى جبت البيت ركنت العربية ومجربتهاش يوم السبت طلعت بيها لقيت صوت رجة جامدة قوى وانا بسخنها وبدوس بنزين رحتله تانى جاب مفك كبير وقاعد يحرك الماتور من ناحية القاعدة يمين وشمال وفى القاعدة الثانية بردة المهم الرجة الجامدة راحت طلعت جربت العربية تمام النهاردة الصبح رحت الشغل بيها الصوت موجود بس على اخف من الاول وبيجى لما اقرص على الغيار السؤال هنا هل قاعدة الماتور تركيبها محتاج فن فى تركيبها انا شايف انها مسامير بتتربط ولا من كتر ما الماتور كانت راكب فيه الميل البسيط بسبب القاعدة ال كانت متاكلة اثر على حاجة تانية وهل فيه قاعدة ثالثة او حاجة تانية ممكن تتغير

الحاجة الثانية رداخ البنزين على طول بيجيب زيت غيرت الجوان كذا مرة واخر مرة الميكانيكى قالى الرداخ على شان انتيمونيا بيقوس بعد فترة ومهما حطيت جوانات وسيلكون حرارى بردة حتجيب زيت راح خلع الرداخ وبرده وخلها سوا واحد بس بردة لسه بيجيب زيت مافش حل للموضوع ده

الجلدة اللى حضرتك غيرتها ملهاش اى دعوة بالرجة دى شداد الفتيس ودى بس علشان تحكم عصاية الغيارات مع الفتيس معلهاش حمل ولا شد ولا اى حاجة البيتحكم فى موتور الفيفورت بالذات ثلاث نقاط**

اولهما قاعدة الفتيس
ثانيهما : قاعدة الموتور اللى راكبه فى طلومبة الميه

ثالثهما : والاهم والذى يغفل عنه الكثير قاعدة شداد الموتور ودى بتبقى اسفل السيارة من ناحية كارتيرة الزيت انزل تحت العربية وخلى واحد صاحبك يحاول يرج الموتور جامد لو اتحرك من القاعدة يبقى لازم تغير الجلدة بتاعة القاعدة وتربط المسمار جامد على فكرة حتلاقى المسمار 17 وممكن يكون نفس مسمار الفردة دا اللى عندى***

على فكرة انا شفت كتير ناس مش بتاخد بالها من القاعدة دى وبتسبب ليهم مشاكل **

بالنسبة لطلومبة اليبنزين انصحك تجيب طبة وتقفل مكانها واشترى طلومبة خارجية تعمل بالكهرباء**

**tamer0101** · 24-09-2014 12:57 PM

المشاركة الأصلية كتبت بواسطة sakr_skoda

الجلدة اللى حضرتك غيرتها ملهاش اى دعوة بالرجة دى شداد الفتيس ودى بس علشان تحكم عصاية الغيارات مع الفتيس معلهاش حمل ولا شد ولا اى حاجة البيتحكم فى موتور الفيفورت بالذات ثلاث نقاط**

اولهما قاعدة الفتيس
ثانيهما : قاعدة الموتور اللى راكبه فى طلومبة الميه

ثالثهما : والاهم والذى يغفل عنه الكثير قاعدة شداد الموتور ودى بتبقى اسفل السيارة من ناحية كارتيرة الزيت انزل تحت العربية وخلى واحد صاحبك يحاول يرج الموتور جامد لو اتحرك من القاعدة يبقى لازم تغير الجلدة بتاعة القاعدة وتربط المسمار جامد على فكرة حتلاقى المسمار 17 وممكن يكون نفس مسمار الفردة دا اللى عندى***

على فكرة انا شفت كتير ناس مش بتاخد بالها من القاعدة دى وبتسبب ليهم مشاكل **

بالنسبة لطلومبة اليبنزين انصحك تجيب طبة وتقفل مكانها واشترى طلومبة خارجية تعمل بالكهرباء**

هو ده شداد الفتيس ولا ديه قاعدة ماتور و لا شداد موتور ولا ايه بالظبط

على شان الميكانيكى بيقولى الشىء ده اى كان اسمة مش موجود عندى فى الفيفوريت

**sakr_skoda** · 24-09-2014 05:43 PM

الشئ اللى حضرتك معلم علية بالسهم موجود فى فتيس الفليشيا والفيفوريت والعلائلة تما ودا اللى بترك عليه شداد الفتيس اللى واصل لعصاية الغيارات حتلاقى المدفع اللى بتركب فيه الضفدعة جنبة على طول واسف اني مصورتش لحضرتك صورة لأنى نسيت المزعج (التليفون )فى درج المكتب خليه يناجى اليل للصبح ههههههههههههههههه

على العموم بالبحث فى الملفات وجدت صورة لفتيس السيارة وتم رفعة الآن**

**tamer0101** · 28-09-2014 12:02 PM

المشكلة كانت ان قاعدة الموتور متركبة غلط لان لازم السهم يكون لاعلى وده موضوع حسن الشيخ المميز لتغيير قاعدة الموتور من غير ما تفك وش الجيربوكس والعضو (moatz) ال رفع الصورة الصح للاتجاة الاسهم فى قاعدة الموتور بس للاسف قريته بعد ما كنت كبست القاعدة غلط بس الحمد لله ......

انا لقيت عند الميكانيكى وش بالقاعدة بتاعته سليم ركبته ودلوقتى انا معايا الوش بالقاعدة المتركبت غلط ينفع اطلعها واعدلها من غير ما ابوط القاعدة الكاوتش

رابط الموضوع http://www.nilemotors.net/Nile/416482-a.html

وديه الصورة