يا جماعة ساعدونى بسرعة لو سمحتوا

**Eng.ma7moud** · 25-09-2014 10:34 AM

السلام عليكم و رحمه الله و بركاتة

يا جماعة بجد انا محتار جدآ بين نيو لوجان زيرو و لا لانسر 1600 اتوماتيك مستعمل هما الاتنين بنفس التمن تقريبآ 95 الى 100 الف و كل لما اسأل الفرق بينهم احتار جدآ ناس كتير بتقولى عن اللوجان عربية اوروبى بمواصفات اوروبية و اوبشنز كتير اوى بصراحة و موتور متوسط مع عافشة ممتازة و شاسية قوى و طبعآ وسائل أمان ممتازة و الانسر ناس تقولى متتستهالش فلوسها هتجيبها مستعملة و يا عالم كان فيها اية و طبعآ حدث و لا حرج عن العداد الى بيبقى عامل 100 ولا 150 الف كيلو بس فى نفس الوقت بقول انا بدفع فلوس فلما احب ابيع الانسر بتجيب فلوسها انما اللوجان لآ دة غير ان المبلغ دة مش هيجيب لانسر اجدد من 2008 او 2009 بالكتير.

ساعدونى الله يباركلكوا جميعآ

**أسامه الحسيني** · 25-09-2014 11:00 AM

نصيحه خليك فى الزيروووو

**shiko85** · 25-09-2014 01:12 PM

وعليكم السلام ورحمة الله وبركاته
لما نقارن بين نيو لوجان زيرو و لانسر موديل 2008 او 2009 ماشيه 100 لـ 150 الف كم يبقى المقارنه للوجان بغض النظر عن اى اعتبارات تانيه
بخصوص سعر اعاده البيع و سهوله البيع فطبعا ده فصالح اللانسر, حضرتك حدد محتاج العربيه فتره طويله يبقى خليك فالوجان او ضيف عربيات تانيه للمقارنه و الأختيارات اما لو هتبيع بسرعه يبقى خليك فاللانسر

**J A G U A R** · 25-09-2014 03:40 PM

لو ضامن اللانسر وحالتها كويسه توكل على الله
غير كده يبقى لوجان

مجرد رأي

**J A G U A R** · 25-09-2014 05:25 PM

المشاركة الأصلية كتبت بواسطة eng.ma7moud

مش ضامن حاجة كلوا مستعمل و دة الى مخوفنى انما اللوجان زيرو بس فى نفس الوقت موضوع انها مانيوال و موتور ضعيف نسبيآ ( 8 صمامات و 1 كامة ) و ب 95 الف بجد تعبت نفسيآ خصوصآ انى المفروض استلم اللوجان يوم الاحد القادم مش عارف استلم ولا اخد فلوسى

صلى استخاره وربنا يوفقك