الموضوع: استطلاع : حيره بين العربيات الزيرو لفئه 120 الف واقل

الحقيقه انا علي اطلاع دائم بسوق السيارات وبالجديد وفي كل فرصه تجيلي بروح معارض سيارات واشوف العربيات من بره وجوه
حاليا والدي قرر يشتري عربيه وبطبيعة الحال انا كتير بسوقها او بأخدها يعني هتكون بيننا احنا الاتنين وحاليا احنا معانا frv 2009 وتجربتها معانا جيده جداا وريحتنا والتوكيل في الصيانات كمان كانوا لدرجه كبيره مقبولين وهتفضل معانا
عشان مطولش عليكم وأكون محدد احنا الميزانيه اقصي شي ممكن توصله ممكن يبقي 120 الف
خياراتنا حاليا بين بروتون بيرسونا او ام جي 350 ( لاننا شوفناها علي الحقيقه وشوفنا فخاماتها وكمان التوكيل بيتوسع وينتشر بشكل كبير وقوي بعكس باقي التوكيلات ) وفكرنا ندخل اللوجان في الخيارات بس اللى مرددنا انها مانيوال وفكرنا في ال byd L3 بس لو الاتوماتيك ومعرفش نزلت ولا لسه وكمان معرفش الاراء عنها ومقارنتها بالسيارات المذكوره قبلها
محتاج اعرف ارائكم واقتراحاتكم سواء عن العربيات المذكوره او غيرها
ورجاء اللي هيرشح عربيه فضلا لا امرا يقولي اسباب ترشيحه وترجيحه ليها مش انها هي وخلاص او انها هي لانها معاه وبس وشاكر ليكم مقدما ولتعبكم
ملحوظه دي قائمه بالعربيات المستبعده من قبلنا نهائيا وخارج فكرة التفكير للأبد عشان متعبكوش معايا :-
نيسان صني - الشكل الجديد
جيلي ايمجراند
فيرنا واسبرانزا وافيو ولانوس

منتظر ارائكم وشاكر لتعبكم مقدما

المشاركة الأصلية كتبت بواسطة J A G U A R

+1

دول افضل حاجه من 120 ونازل
وصنى شكل قديم برضه حلوه

الحقيقه صني شكل قديم والدي ميال ليها وبيعزها لان ناس نعرفها معاهم وبيقولوا شعر فيها بس انا حاسس ان باين فيها اوي انها قديمه او بمعني اصح اوبشن بتاع 2008 مش 2014 زي المالتي فانكشن والبلوتوث واليو اس بي وال abs + ebd واعتقد كمان نظام الفتيش الاتوماتك فيها قديم علي حسب فهمي ومعلوماتي

شاكر مرورك الكريم