يا جماعة ساعدونى برأيكوا فى السيريون بسرعة

**Mostafa_kamal** · 10-11-2011 02:33 PM

السلام عليكم .... يا جماعة انا قدامى سيريون 1300 اتوماتيك كاملة موديل 2009 بحالاتها و الصيانات فى التوكيل و ماشية 30.000 كم ... عايز رأيكو فى السيريون بالنسبة هل هى عربية حمالة قاسية عشان أنا يوميا بعمل مشاوير كبيرة و أنا قلقان من انها لو فيها 4 ركاب و شنط والكلام ده هتسد و لا هلاقيها بتحك فى المطبات و تتعب ... أرجو الافادة من رجالة السيريون و كمان حاجة بالمواصفات ده يكون سعرها كااااام .... ياريت يا جماعة ما تبخلوش عليه بالنصيحه جزاكم الله خير

**أبو عبدالله** · 10-11-2011 03:38 PM

لو موضوع حمالة قاسية فهيا كذلك ان شاء الله
وموضوع الحك في المطبات لو محمله فده بيعتمد على انهي مطبات لو العادية فلا
بس عموما العربيه عالية عن اغلب العربيات في السوق
يعني هيا عالية في العادي بتاعها ولما بتحمل 4 فبرضه بتعتبر عالية ايضا
اما بخصوص سعرها فده يعمل حوالي 75 الف جنيه يزيد او ينقص حسب حالتها الفعلية وشكلها الخارجي كحالة والداخلي كصالون

**mohamed_rhem** · 10-11-2011 05:16 PM

صفقه رابحه ان شاء الله

**أبو عبدالله** · 11-11-2011 06:16 PM

بس اكشف على العربية في التوكيل علشان تتطمن الأول
وبعدين اي ملاحظات شايفها قولنا عليها والسعر كمان
وربنا يوفقك للخير

**M.Mosaad** · 11-11-2011 11:24 PM

لو الشنطة مش هتعملك مشكله انها صغيرة فالعربيه تحفةةةةةةةة
و حمالة اسيه فعلا ما شاء الله عمرها ما بتكسفك
بالنسبة بقي للحك في المطبات مش عاليه اوي و مش واطيه متوسطة يعني انا النهاردة جاي مشوار من المنوفيه معدي علي حوالي من 35 - 40 مطب و معظمها مطبات اهالي اللي هي الجبال دي و العربيه محمله خمسة بالشنط حكت في 4 منهم بس هي مصفحه من تحت و بتستحمل و فعلا مش بتحك الا لو المطب ملوش حل يعني 90 % من العربيات هتحك فيه

السعر اعتقد اللي قالهولك الاخ ابو عبد الله مناسب لو حاله العربيه ممتازة يعني اكشف عليها في التوكيل و استخير ربنا و اتوكل علي الله و العربيه سعرها علي الجديد بتاعها بقي اوله 93000 جنيه و التوكيل بيعرف يحافظ علي سعرها و دي ميزة حلوة برضة

**askoda** · 14-11-2011 07:51 AM

If you want anyone from Sirion Owners to Test Drive it for you in order to check for any Comments please tell us we are willing to help

**szaalouk** · 27-11-2011 12:16 PM

المشاركة الأصلية كتبت بواسطة askoda

If you want anyone from Sirion Owners to Test Drive it for you in order to check for any Comments please tell us we are willing to help

This is the expected respectful behaviour from such bros.

Regards

**icahmed** · 27-11-2011 01:41 PM

السلام عليكم
ممكن تفكر فى البيكانتو الشكل الجديد 2012

**GMakram** · 28-11-2011 10:07 AM

اتوكل على الله,العربيه حماله اسيه وعن ثقه,وقت لما هتعوزها هتلاقيها بجد,عربيه اعطالها قليله اعتماديه من الدرجه الاولى(من وجهه نظرى) وهى عموما معايا مش بتحك غير لما بيكون معايا 3 او 4 اشخاص من الوزن التقيل ومبتحكش غير فى المطبات العاليه اوى,فيها كمان ميزه,انا بلبس بيها كميه مطبات وبلعات ورغم كدا الحمدلله مظهرش اى مشكله فى العربيه بس طبعا فى اعاده البيع مش هيعجبك,انا جايب عربيتى جديده 85 الف ومتسعره دلوقتى 60 الف

تحياتى