كل سنه و انتوا طيبين العربيه منكده عليا في العيد

**mohamed878** · 05-10-2014 01:07 AM

كل سنه وانتوا طيبين و عيد سعيد عليكو العربيه الحمد لله بقالها فتره مريحاني اوي بس حصلت مشكله بقالها فتره ابقي ماشي في امان الله الاقي الار بي ام نزل تحت الخمسه و العربيه تبطل وساعات تقعد تنتش جامد لحد ما تبطل برضو قلت يمكن ظبطه كهربا ظبطت هوا و بنزين تمام العربيه تبقي ماشيه الاقي نفس الكلام حصل ابطل وادور ما تدورش دقيقتين اجرب تاني تدور انا شاكك في طلمبه البنزين انتوا شايفين ايه

**sakr_skoda** · 05-10-2014 06:34 AM

كل سنة وانتا طيب ياراجل ياطيب******

مادام العربية بتدور كويس فى الصباح وبتمشى بيها شوية وبعد كدا تقطع وتنتش يبقى دا عيب رداخ البنزين انا حصلت معايا من حوالى 15 يوم لدرجة انى شكيت فى علبة الكهرباء والبوبينة وكل حاجة وفى الأخر طلعت الملعونة طلومبة النزين الكهرباء بتسخن بعد فترة من السير وبتبداء تقطع وتنتش جرب تركب طلومبة بنزين خارجيه كهرباء وشوف كدا الموضوع***

**sakr_skoda** · 05-10-2014 06:14 PM

المشاركة الأصلية كتبت بواسطة mohamed878

ما انا مركب طلومبه بنزين كهربا خارجيه وكل شهرين ولا تلاته اغيرخها انا بجيب بتاعه اامتسوبيشي تعرف نوع تاني يا عم صبحي

الميتسوبشى هى اللى هيست معايا من 15 يوم كانت مراكبها من سنتين وكنت شاريها ب175 جنية لان هيست معايا من خمسة اشهر وقطعت واشتريت واحدة صينى ب55 جنية وهى دى اللى ركبتها وعلى فكرة انا بانصح ان لازم يكون معاك طلومبة بنزين احتياطى فى العربية بس انا بافكر انشاء الله لو حغير تانى اشترى الاصليه بتاعت الفليشيا وخاحيبها استيراد تركب مكانها على عامود الكامة وبرضو حتكون الاحتياطية فى الشنطة والموضوع كلة قيفزان وفك خرطيم وتركيب خرطيب وتوصيل كهربا ودوس ياباشا***

**aw2100** · 07-10-2014 02:17 PM

الأفضل تركب طلمبه ميكانيكية وتريح دماغك بتشتغل 10 سنين بدون مشاكل ووجع قلب
اما تغير التانك وتركب تانك بتاع الفليشيا الأنجكشن بالطرمبة الكهرباء الأصليه فى التانك ودى بتعيش كتير !!

**mohamed878** · 08-10-2014 04:20 AM

المشاركة الأصلية كتبت بواسطة abanobsamy

خالى المكانيكى يشيك على الاسبراتير 90% منوا

شكرا لحضرتك هشوف بكره انا مش عارف اجيبه جديد ولا استيراد

**adiaa222** · 08-10-2014 09:13 AM

المشاركة الأصلية كتبت بواسطة mohamed878

شكرا لحضرتك هشوف بكره انا مش عارف اجيبه جديد ولا استيراد

طبعا لو اسبراتير اشترى جديد
بس خلى بالك ممكن لو بوجية بيعلق وسعات يشتغل وساعات يفصل يعمل الموضوع دة. كان بيحصل معاياة
وكان مطلع عينى لانى كنت شارى البوجيهات جديدة ومكنتش شاكك فيهم

**أحمد جودة** · 08-10-2014 09:58 AM

المشاركة الأصلية كتبت بواسطة mohamed878

ما انا مركب طلومبه بنزين كهربا خارجيه وكل شهرين ولا تلاته اغيرخها انا بجيب بتاعه اامتسوبيشي تعرف نوع تاني يا عم صبحي

الميتسوبيشي كانت راكبة عندي وايامها كانت بــ 200 جنية وزيادة

الطلمبة دي ضغطها ضعيف ومتنفعش مع الفليشيا الكاربيراتير

أنا بعد معاناة مع هذه الطلمبة ركبت طلمبة ياباني عادية جدا وشغالة بقالها سنة ونص زي الفل ولا تقطيع ولا سخونية وسعرها كان 90 جنية

لو شايف ان المشكلة فى الطلمبة قدامك تركب واحدة كهربا زي اللى بقولك عليها أو ميكانيكية وتشتؤي دماغك فترة