الموضوع: سوستة الكربراتير اتكسرت فجأه

المشاركة الأصلية كتبت بواسطة mehles

السلام عليكم
اذا كانت السوستة اللى اتكسرت هى اللى فى الصورة فواضح انها مش مكسورة من النص يعنى ممكن تسخنها على النار من الطرف وتعمل خطاف ..........وبالتوفيق

الله ينور عليك انت جبت الحل ، انا النهارده لفيت الدنيا عليها من الفراهدة للسيوف والساعة وكله قافل لسه علشان العيد وقبل ما اقرأ مشاركتك فكرت فى موضوع التسخين ومسكتها ب 2 بنز وحطيتها على النار لغاية ما احمرت وشكلتها بكل سهوله ذى ما انا عايز وركبتها واشتغلت تمام والحمد لله ولسه طالع علشان اكتبلكم الموضوع لقيتك كاتب المشاركة دى ...
** انا رشتها wd 40 وحطيت عليها شحم علشان كانت بتحك فى العمود الداخلى اللى راكبه فيه السوسته وده سبب كسرها .
** لقيت سلك الارضى اللى واصل للكربارتير متحمص واتقطع وغيرته بواحد جديد .
** فى خرطوم بنزين اللى داخل من الكربراتير على علبه الفايز اللى شكل الفلتر اتتشقق لما فكيت وركبت وغيرته بواحد جديد .
** ياريت كل واحد يرش على السوستة بتاعته WD 40 او يحط حته شحم عليها علشان يقلل الاحتكاك قبل ما يقع فى مشكلتى ..
والــــــــــــــــف شـــــــــــــــكر لكل الاعضاء المحترمين اللى شاركونى بردودهم فى حل المشكلة وطبعاً شكر خاص
للحاج / صبحى