الموضوع: مشكلة فى فتيس الماتريكس

السلام عليكم ورحمة الله
الاخوة الكرام فى المنتدى سيارتى موديل 2011 وعاملة 13000 كيلو حتى الان مشكلتى تتلخص ان احيانا السيارة مابتنقلش للرابع يعنى الاقى السرعة بعد ال80 ال rbm بيعلى ويعدى ال 4000 والمشكلة دى بتظهر على فترات متباعدة . احد الزملاء كان نصحنى انى فى الحالة دى ابطل العربية وادورها تانى وفعلا لما اعمل كده الاقى العربية رجعت تمام .
لكن مؤخرا كنت راجع من القاهرة وماشى على 100 تقريبا فجأة لقيت نتشة فى العربية وراح ال rbm طالع لفوق . طبعا وقفت وبطلت ودورت تانى وكملت عادى لكن الحقيقة انا ابتديت اتضايق وعاوز اعرف اعمل ايه
هل اطنش وخلاص وهل ده فيه ضرر للعربية او يسبب حوادث مثلا.
انا بحثت فى المنتدى هنا لقيت المشكلة دى عند كذا واحد والوحيد اللى حلها لقى ان فيه حساس على الفتيس اسمه اوت تيوب ولما غيره بقت العربية تمام
انا مش عارف اعمل ايه وهل اروح مركز خدمة معتمد ولا اى ميكانيكى وخلاص
ياريت حد يفيدنى وشكرا مقدما

شكرا لكل الاعضاء اللى ردوا علىا بس انا افتكرت حاجة . انا كنت غيرت البطارية بتاع العربية من فترة فهل ده له دخل فى المشكلة انا قريت عن حاجة اسمها ايدل ليرن هل ممكن تكون هى الحل
بالنسبة للمهندس هانى فعلا كله بيشكر فيه بس المشكلة ان انا مش من القاهرة وشكرا مرة تانية