الموضوع: عندى مشكلة فى فتيس الماتريكس الأوتوماتيك

المشاركة الأصلية كتبت بواسطة besoprince360

كل عام و انتم بخير.

انا عندى ماتريكس 2006 و بعانى من مشكلة فى الفتيس الأوتوماتيك و هى ان العربية ساعات مش بتنقل و بتثبت على نقلة واحدة لدرجة انى لازم ابطل العربية و ادورها تانى عشان تشتغل تانى.

و ساعات و انا ماشى بحس بنتشة جامدة و بعدها الفتيس يعمل كدة.

تم الكشف على زيت الفتيس و الحساسات عند الميكانيكى.

ارجو الأفادة؟


شكرا

بص ياسيدي ...
اتمني يطلع فية شيء من الاتنين دول لانهم مش مكلفين
كهربة البطارية مش بتخرج تمام ودي لازم تكشف عليها ... والمهم شوف الكمبيوتر بتاع العربية (( عاوز Reset )) والة اية
ودي لازم (( اسمع الكلام )) تشوف موضوع الكمبيوتر دة في التوكيل لان غالبا ال FirmWare بتاعة عندهم مش برة وده بتاع المصنع ..


ودمتم

غير زيت الفتيس لو ميعاد تغييرة فات

مفروض تقريبا كل 40 الف كيلو تغيرة

و تجيب زيت شل دوناكس او موبيل من محطة البنزين مش من محلات علشان المضروب

و لو الزيت اللي نازل اسود و ريحتة شياط يبقى فية مشكلة كلاتشات في الفتيس

انما انا اتوقع ان الزيت دة ناقص او محتاج يتغير

غير فلتر زيت الفتيس

هو كل الكلام ده مظبوط بس نصيحه كل الكلام ده يتم في التوكيل غبور نفسه هو الي تأمن ليه علي العربيه هي بتاعته وعنده كل حاجه ليها بس لما تروح قول للمهندس علي كل الي بتشتكي منه في العربيه واوعي ميكانيكي يضرب فيها مفك ولا مفتاح

شكرا لكم يا جماعة.

انا قمت بتزويد زيت الفتيس لانة كان ناقص فعلا,الفتيس انعم دلوقتى و المشكلة قلت, لكن لسة ساعات بيعلق برده. لو الموضوع زاد يبقى التوكيل و انشاء الله الموضوع يطلع بسيط.

شكرا.

الزميل العزيز لاتسال ولا تفكر ولاتتامل فى الامر---------فقط وفورا اذهب الى التوكيل ----واترك الامر لللة ثم لهم-------فلا مجال للاجتهاد ارجوك طمنا فور اطمئنانك---------اخوك محمود