السادة اعضاء النايل موتورز الكرام (قسم هيونداى)
السلام عليكم ورحمة الله وبركاته
انا معايا ماتريكس 2007 اوتوماتيك عامله 14000كم
فوجئت امس وانا ماشى وبدون اى مقدمات ان صوت الموتور بينعر وبعد التدقيق اتضح ان الفتيس مش بينقل من الاول الى التانى والثالث وهكذا يعنى بيفضل مثلا على الاول علشان كده لما كنت بدوس بنزين كان صوت الموتور بيعلى وسرعة العربية مابتزيدش
المهم ولله الحمد جيبت النقله الاولى بايدى وبعدين التانيه برضه بايدى ونقلت بعد كده على ال d فاتعدلت ومشيت كويس بعد كده
وبعدين النهارده كررت نفس الحكاية مرتين وعملت نفس التصرف برضه على المشكلة تتحل
راجعت مستوى زيت الفتيس(ده زيت الفبريكه) لقيته كويس ومش ناقص ولونه احمر زى ما هو (راجعته فى المحطة مرة(موبيل العروبه) وبنفسى مرة تانيه) وطبعا كنت جايب الفتيس على ال Rعند القياس
حد بس يكون عنده خبره يقوللى ايه سبب حدوث هذا الخلل وكيفية علاجه
لانى عمرى ماسمعت قبل كده عن حد بيشتكى من الفتيس الاوتوماتيك بتاع الماتريكس
ولكم جزيل الشكر
المفضلات