انا كان عندى جيلى فروته زمان و العربيه كانت معقوله جدا و خلال 6 سنوات استخدام الحمد لله بدون اعطال تقريبا
لو حضرتك هتقارنى بين الـ f3 و الباندينو
فيه نقاط مهمه اولها الأنتشار و ده طبعا للـ f3 و الأنتشار معناه قطع غيار متوفره - اعاده بيع معقوله اما الباندينو لسه انتشارها مش كتير لكن طبعا السوق بيتغير كل يوم و مع استمرار زياده اسعار العربيات اكيد شراء العربيات الصينى هيزيد
طبعا اهم مميزات العربيات الصينى الكماليات الكتير اللى مش موجوده فأى عربيه تانيه فنفس الفئات السعريه لكن فالمقابل سعر اعاده البيع اقل بكتير من باقى العربيات اللى فنفس الفئه السعريه (عدا بعض العربيات الصينى) لكن حضرتك عايزه عربيه تنفع للأستخدام 5 سنين و زى ما بتقولى عربيه العمر و العربيه بالتقسيط يعنى سعرها بيزيد عن الكاش بمبلغ مش قليل و بعد الـ 5 سنين هتتباع بكام ؟؟؟؟ و لو حضرتك حسبتى فرق السعر بتاع العربيه بعد سداد الأقساط و بين سعر اعاده البيع فالوقت ده هتلاقى الخساره كبيره (فائده التقسيط + خساره سعر الصينى عموما)
لو حضرتك عندك امكانيه شراء عربيه تانيه غير الـ 2 دول فأعتقد ان ده هيكون افضل بكتير لكن لو مفيش يبقى الـ byd اختيار مناسب و احسن من الباندينو و بمرور الوقت حضرتك هتتعودى على ابعاد العربيه و حجمها و ممكن اللى حضرتك شايفاه دلوقتى عيب فالعربيه (زى الحجم الكبير) يبقى ميزه مش عيب فالمستقبل
المفضلات