الموضوع: ملاحظه متكرره ( صوت موتور الفلوينس )

لزوجه الزيت فعلآ بتفرق فى صوت الماتور
انا مجربتش زيوت كتير
لكن انا حاطت فى الميجان زيت شيل هيلكس الترا 5w-40
ومن اول ما حطيته ولاحظت صوت الماتور عالى
الزيت دلوقتى اسود تقريبآ لكن لسه فيه لزوجه
تنصحنى اجرب زيت ايه ؟

طيب وايه موقف التوكيل من غيار الزيت بنوع اخر

المشاركة الأصلية كتبت بواسطة Super_Star_h

لزوجه الزيت فعلآ بتفرق فى صوت الماتور
انا مجربتش زيوت كتير
لكن انا حاطت فى الميجان زيت شيل هيلكس الترا 5w-40
ومن اول ما حطيته ولاحظت صوت الماتور عالى
الزيت دلوقتى اسود تقريبآ لكن لسه فيه لزوجه
تنصحنى اجرب زيت ايه ؟

لزوجة الزيت بتفرق فى كل حاجه . الصوت و السحب و استهلاك البنزين .

بالنسبه لك فى الميجان 5w40 صيف و 5w30 شتاء .
لو مش بتركن عربيتك فى مكان فيه شمس باستمرار فى الصيف و خللى بالك من كلمة بتركن دى . لانه اهمية لزوجة الزيت فى بداية التدوير فقط و بعد كده بتخرج اللزوجه من الموضوع . معاك لغاية درجة 40 ركنه فى الشمس . ال 5w30 هايشتغل معاك صيف و شتا زى الفل .

فى الفلوينس الفيس ليفت 5w40 ﻻ تماما . 5w30 صيف شتا .

الزيت لونه اسود ما تقلقش خااااالص لو لسه ما كملتش 10000 كم او سنه . بالعكس ما تفرحش بالزيت اللى بيحتفظ بلونه الاصفر و شفافيته .
اللون الاسود ده مش زيت محروق زى ما الناس فاكره . ده دليل على قدرة الزيت لعملية التنضيف داخل الموتور .

المشاركة الأصلية كتبت بواسطة osamaos20022

طيب وايه موقف التوكيل من غيار الزيت بنوع اخر

التوكيل متساهل نسبيا فى الموضوع ده . بس ساعات بيرخموا . توكيل هيونداى كان نفس القصه فى ال ix35 . و تعاقدات و قصص و لما الملاك اشتكوا من صوت الموتور العالى غير دلوقتى لشل 5w30 . مش ﻻزم يغير لى لنوع تانى . يوفر اللزوجه المطلوبه من الشركه المتعاقد معاها . لكن بالمنظر ده كل اللى يشترى العربيه يشتكى من الملحوظه الغير منطقيه دى ما ينفعش . خصوصا بعد الزياده فى شرا الفلوينس اليومين دول . اكتر من عضو لسه شاريين العربيات جديد فى المنتدى هنا اليومين اللى فاتوا يتكلموا عن الملحوظه دى .

و خصوصا انا ليه تجربه فعليه مش نظريه . فعلا فرق كبير و عضو برضه جرب نفس الموضوع و بعت لى و قال لى فرق كبير ملحوظ و ناس راحوا التوكيل بعد الالف و اشتكوا من نفس الملحوظه و الرد الجاهز ده طبيعى .....ﻻ مش طبيعى .

هيه كلها مصالح و احتكارات و مخزون عند شركات الزيوت ﻻزم يخلصوه بس مش هايكون على حسابنا باى شكل

المشاركة الأصلية كتبت بواسطة SoFiMaN

طيب ايه نوع الزيت المناسب لزوجته 5w30 متوفر في مصر ؟ فالفولاين مش متوفر حاليا منه عندهم

حضرتك اللى موجود 5w30 موبيل فورميولا و شل و سمعت انه فيه كاسترول . وصعب شويه انك تلاقيهم مش متوفرين قوى . توكيلات كتيره بتسحب اللزوجه دى دلوقتى

المشاركة الأصلية كتبت بواسطة ahmedelfeky

بالنسبه ليا الحمد لله صوت الموتور مش عالي ولا حاجه انا بستخدم زيت كاسترول ايدج 5/40 fully synthetic
وبحطه ف التوكيل عادي جدااا اللي بحس ان صوته عالي فعلا هو الشكمان ليه ازيز مميز.

موضوع اللزوجه بقا ف الكاتلوج بتاع صيانه العربيه هم نوعين مفيش غيرهم 5/30 و 5/40 بالنسبه لدرجه حراره فوق ال -15 وطبعا عندنا ف مصر عمر درجه الحراره مابتنزل تحت الصفر غير ف الاماكن الصحراويه موضوع 0/40 و 0/30 ده عاوز العربيه تبقي ماشيه ف اوروبا او روسيا درجه حراره -25

وفي نقطه مهمه اللزوجه كل ماهتقل هيقل معاها صوت الموتور واستهلاك البنزين بس ماتنساش برضه العمر الافتراضي للمحرك هيقل برضه في رأيي لزوجه 5/40 لزيت كويس ويكون تخليقي بالكامل غير توتال هيقوم بالواجب وزياده

تحياتي

الكتالوج هو كتالوج الفلوينس 1 . و الموتور فى الفيس ليفت مختلف . الاستاندر عندك هو صوت الموتور . هو صوت الموتور بيكون عالى ليه ؟؟؟ معناها انه فيه احتكاك عالى بين الاجزاء و بيعلى الصوت . يعنى لزوجة الزيت مش مناسبه سواء كانت منخفضه او عاليه . يبقا اللزوجه اللى توطى صوت الموتور هيه المناسبه لانه معناه انه التزييت كويس و الاحتكاك اقل و بالتالى صوت الموتور اوطى و ده اللى حصل معايا لما شغلت على لزوجه 5w30 .

اغلب المواتير اليابانى و الكورى ما بتشتغلش نهائي على لزوجة 5w40 .

لزوجة موتورنا الفبس ليفت واحد من التلاته اللى قلت عليهم .

طالما صوت الموتور مش عالى عندك مع كاسترول يبقا خلاص .

بالنسبه للشكمان صوته عالى ممكن يكون راجع لعلبة البيئه لانه المفروض الزيوت الحديثه تكون نسبة انبعاث الكبريت و الفوسفور اقل ( sulphur & phosphorus (emissions علشان يحافظوا على علبة البيئه ( catalytic convertor ) و بيكون مكتوب ده على الزيت زي موبيل فورميولا كده .