الموضوع: ملاحظه متكرره ( صوت موتور الفلوينس )

المشاركة الأصلية كتبت بواسطة yasser100

اصدقائي الاعضاء المحترمين . للمره المليون الاحظ شكوى الملاك من ارتفاع صوت موتور الفلوينس الفيس ليفت .

برغم انه الموتور يابانى من نيسان و معروف نعومة المواتير اليابانى و صوتها غير المسموع و انت حتى خارج السياره الا انه ملاك الفلوينس الفيس ليفت بيشتكوا من صوته العالى و دى حقيقه انا نفسي كنت مستغرب لها .

كنت مره فى جراج النادى و واحد كان شارى الفيس ليفت الهاى ﻻين و عامل 3000 كم و وقفت اتكلمت معاه عن ملحوظاته . اول حاجه قالها لى صوت الموتور و السحب مش ممكن يكون فى العربيه دى . قلت له تعالى شغل عربيتى و اسمع الصوت و جرب السحب و ﻻقيته بيقول لى انت عامل فيها ايه ؟؟

صوت الموتور العالى راجع لارتفاع لزوجة زيت الموتور عن القدر المطلوب له التوكيل بيستخدم زيت لزوجته 5w40 توتال و مستمر عليه من 100 سنه مع الميجان 1 و 2 و الفلوينس 1 و الموديلات دى موتورها واحد من 2004 و حتى 2013 و مستمر عليه برضه مع الفلوينس الفيس ليفت برغم اختلاف الموتور .

كنت كتبت موضوع قبل كده و قلت نتيجة بحثى و قرايتى انه الزبت المناسب للفيس ليفت لزوجته ( 0w30 . 5w30 . 10w30 ) مش موجود فى مصر غير 5w30 و انا غيرته فى عربيتى بعد الالف ل 5w30 و كتبت فى ملاحظاتى انه صوت الموتور اختلف تماااااااما و السحب و استهلاك البنزين اتغيروا فعلا تغيير شديد .

توتال ما عندهاش فى مصر غير زيت 5w40 . الزيت بتاعها ال 5w30 اسمه total ineo ما بينزلش مصر .

متفهمين لتعاقدات التوكيل و انه رينو شريكه فى توتال بس احنا كملاك نرفض وقوع اضرار علينا بسبب تعاقدات و احتكارات .

هو حاجه من اتنين ما لهمش تالت :
يا التوكيل يوفر ال 5w30 من توتال . يا يترك الحريه للملاك يشتروه من انواع تانيه و يتم التغيبر فى التوكيل . و لكن فرض الامر الواقع غير مقبول على الاقل بالنسبه لى .

موتور الفيس ليفت حساس للزوجة الزيت و ده بطبيعة المواتير اليابانى.

شكرا :)

كنت في التوكيل يوم الإثنين وسألتهم مش ناويين تجيبولنا زيت 5w30 قالولي الزيت ده في الصيف مش هايكون كويس في مصر عشان الحر.

إيه مدى صحة الكلام ده؟

المشاركة الأصلية كتبت بواسطة marsguy

كنت في التوكيل يوم الإثنين وسألتهم مش ناويين تجيبولنا زيت 5w30 قالولي الزيت ده في الصيف مش هايكون كويس في مصر عشان الحر.

إيه مدى صحة الكلام ده؟

انسى , ده كلام فارغ ما لوش اى اساس علمى , المهم فى الزيوت درجة حرارة بداية التشغيل مش اثناء السير , اثناء السير كل مواتير العربيات بتعدى درجة حرارة ال 300 مئويه سواء كان فيها زيت لزوجته عاليه او منخفضه , 5w30 بيستحمل درجة حراره من -15 الى 40 مئويه كبداية تشغيل .

انت لو حاطط عربيتك فى عز الشمس فى الصيف درجة حرارة موتور العربيه اللى تحت الكبوت و درجة حرارة الزيت اللى جوه الموتور اللى تحت الكبوت عمرها ما هاتكون 40 فى بداية التشغيل .

يقولوا بس الصراحه انه درجة اللزوجه دى مش فى توتال عندهم اللى محتكرين استخدامه فى الرينو .

المشاركة الأصلية كتبت بواسطة yasser100

انسى , ده كلام فارغ ما لوش اى اساس علمى , المهم فى الزيوت درجة حرارة بداية التشغيل مش اثناء السير , اثناء السير كل مواتير العربيات بتعدى درجة حرارة ال 300 مئويه سواء كان فيها زيت لزوجته عاليه او منخفضه , 5w30 بيستحمل درجة حراره من -15 الى 40 مئويه كبداية تشغيل .

انت لو حاطط عربيتك فى عز الشمس فى الصيف درجة حرارة موتور العربيه اللى تحت الكبوت و درجة حرارة الزيت اللى جوه الموتور اللى تحت الكبوت عمرها ما هاتكون 40 فى بداية التشغيل .

يقولوا بس الصراحه انه درجة اللزوجه دى مش فى توتال عندهم اللى محتكرين استخدامه فى الرينو .

أستاذ ياسر

كلمت فرينش موتورز عشان يغيرولي زيت بزيت 5w30 أنا هاجيبه ليهم. رفضوا تماماً وقالولي لو عملت كده الموتور يخرج بره الضمان.

حضرتك تنصحني أعمل إيه؟

شكراً