ملاحظه متكرره ( صوت موتور الفلوينس )

**yasser100** · 18-10-2014 02:26 PM

المشاركة الأصلية كتبت بواسطة mfraig

ياسر باشا ليا كام استفسار:
انت مش كنت بتقول في موضوع تاني ان المشكله في لزوجة زيت الفبريقه نفسه وللا هو زيت الفبريقه هو نفسه الزيت اللي بيغيروه بعد ال 10000 كيلو ؟
هل فعلا صوت الموتور بقى هادي بدرجة المواتير الياباني المعروفه يعني الموضوع ملحوظ جدا والعربيه مالهاش صوت زي عربيات كتير ماتبقاش عارف هي شغاله وللا مطفيه وللا الفرق بسيط؟
بخصوص القاشقاي لو ممكن تعرف توكيل نيسان بيحط زيت ايه لنفس الموتور ده ممكن كده نتأكد ان المشكله عند رينو في اتفاقات الشراكه مع توتال

ازيك يا دكتور :)

فى موضوعى اللى قبل كده قلت انه زيت الفابريكه انا مش عارف ايه هو بالظبط . بس التوكيل بيقول لك تغييره على 10000 يعنى مبدئيا هو synthetic . رينو مش بتتعامل غير مع توتال جوه مصر و بره مصر لانها شريك مؤسس فى توتال . يعنى برضه مبدئيا هو توتال . طيب زيوت توتال ال synthetic ما فيش منها غير 5w40 دى اعلى لزوجه فيها .

اقسم لك بايه انه مش باكون حاسس اذا كانت العربيه شغاله و ﻻ ﻷ لما باكون جوه و حتى باسأل ابنى و هو قاعد جنبى و اقول له تفتكر العربيه شغاله و ﻻ ﻷ . يضحك و يقول لى مش عارف و يبص فى التابلوه علشان يعرف .

حصل فعلا و اتصلت بتوكيل نيسان قبل ما اعمل حاجه و دخلت على مواقع الزيوت العالميه بيكونوا كاتبين الزيت المناسب لكل عربيه و كاتبين فى القاشقاى نفس الانواع ال 3 اللى انا قلت عليهم . ما فيش 5w40 نهائي و حتى سعة موتور الفلوينس الفيس ليفت من كمية الزيت هيه نفسها بتاعة القاشقاى 4.3 ليتر بالفيلتر و سالت برضه توكيل نيسان هنا . نفس الكلام و على فكره فيلتر الزيت الاصلى اللى بيركب فى الفيس ليفت و اللى بتشتريه من التوكيل مكتوب عليه نيسان صريحه و ب 130 جنيه .

مواقع الزيوت العالميه حاطين المعلومات الخاصه بزيت الفلوينس الموديل اللى قبل الفيس ليفت و تلاقيهم حتى كاتبين موديل 2010 جنبها . مش حاطين الفيس ليفت و ﻻ موديل 2014 .

بس نيسان فيها ميزه . مش بتجبر العميل نهائي على نوع زيت معين . بتتعامل مع توتال و موبيل و شل و حتى سايبه لمراكز خدمة نيسان حرية الاختيار للعميل و تغيير زيت الفابريكه بعد 1000

**SoFiMaN** · 18-10-2014 04:03 PM

انا هغير برضه في صيانة ال20 الف كمان اسبوع فهجيب 5w-30 لان صوت الموتور بقى صعب جدا فعلا و ان شاء الله يكون في تغيير فعلا

دلوقتي لقيت Wolf 5w-30 سعره 410 ال5 لتر
Wolflubes - The Vital Lubricant - Products - Product

ده كويس ولا انزل ادول على موبيل او شيل؟

**yasser100** · 18-10-2014 04:22 PM

المشاركة الأصلية كتبت بواسطة sofiman

انا هغير برضه في صيانة ال20 الف كمان اسبوع فهجيب 5w-30 لان صوت الموتور بقى صعب جدا فعلا و ان شاء الله يكون في تغيير فعلا

دلوقتي لقيت wolf 5w-30 سعره 410 ال5 لتر
wolflubes - the vital lubricant - products - product

ده كويس ولا انزل ادول على موبيل او شيل؟

وولف الاستاذ كريم هنا فى المنتدى اعرف انه واخد توزيعه . فيه ناس بتشكر فيه لما جربته . اتأكد بس من المواصفات اللى عليه api تكون sn و لو فيه acea تكون c3 او c2 . هو بلجيكى .

فعلا الموتور صوته رخم بالزيت اللى بيحطوه و اكيد انت غيرت زيت الفابريكه كمان بعد ال 10000 كم و حطيت توتال 5w40 من اللى عندهم و برضه الصوت عالى زى ما حضرتك بتقول و خشن نتيجة الاحتكاك العالى لاجزاء الموتور و هايزيد الصوت نتيجة انه البساتم هاتوسع من الاحتكاك .

مش معقوله فى خلال اسبوع تلاقى 3 او 4 اعضاء لسه مستلمين العربيات جديد و بيشتكوا من صوت الموتور علشان حاجه هايفه زى لزوجة الزيت و نوعه و احتكار و خلاص .

انا عارف انهم بيستخدموا 5w40 بكميات كبيره علشان كل العربيات عندهم الرينو من 2004 و حتى 2013 شغال معاهم كويس و كمية ال 5w30 اللى هايستخدمها مش هاتكون كبيره علشان بتستخدم فى الفلوينس فيس ليفت بس و طبعا لسه عددها مش اد الميجان و الفلوينس 1 . بس ما ينفعش .

**george912** · 19-10-2014 05:02 AM

متابع .....

**MohamedElfeky** · 19-10-2014 09:20 AM

متابع.........

**El Gen2** · 20-10-2014 10:12 PM

انا ببحث فى موضوع الزيت ده حاليا .... ممكن حد يساعدنى و يقولى المحرك الى راكب فى فلوينس 2014 و 2015 موديل ايه (رقمه)

**vetooo3001** · 02-11-2014 12:07 AM

المشاركة الأصلية كتبت بواسطة yasser100

ازيك يا دكتور :)

فى موضوعى اللى قبل كده قلت انه زيت الفابريكه انا مش عارف ايه هو بالظبط . بس التوكيل بيقول لك تغييره على 10000 يعنى مبدئيا هو synthetic . رينو مش بتتعامل غير مع توتال جوه مصر و بره مصر لانها شريك مؤسس فى توتال . يعنى برضه مبدئيا هو توتال . طيب زيوت توتال ال synthetic ما فيش منها غير 5w40 دى اعلى لزوجه فيها .

اقسم لك بايه انه مش باكون حاسس اذا كانت العربيه شغاله و ﻻ ﻷ لما باكون جوه و حتى باسأل ابنى و هو قاعد جنبى و اقول له تفتكر العربيه شغاله و ﻻ ﻷ . يضحك و يقول لى مش عارف و يبص فى التابلوه علشان يعرف .

حصل فعلا و اتصلت بتوكيل نيسان قبل ما اعمل حاجه و دخلت على مواقع الزيوت العالميه بيكونوا كاتبين الزيت المناسب لكل عربيه و كاتبين فى القاشقاى نفس الانواع ال 3 اللى انا قلت عليهم . ما فيش 5w40 نهائي و حتى سعة موتور الفلوينس الفيس ليفت من كمية الزيت هيه نفسها بتاعة القاشقاى 4.3 ليتر بالفيلتر و سالت برضه توكيل نيسان هنا . نفس الكلام و على فكره فيلتر الزيت الاصلى اللى بيركب فى الفيس ليفت و اللى بتشتريه من التوكيل مكتوب عليه نيسان صريحه و ب 130 جنيه .

مواقع الزيوت العالميه حاطين المعلومات الخاصه بزيت الفلوينس الموديل اللى قبل الفيس ليفت و تلاقيهم حتى كاتبين موديل 2010 جنبها . مش حاطين الفيس ليفت و ﻻ موديل 2014 .

بس نيسان فيها ميزه . مش بتجبر العميل نهائي على نوع زيت معين . بتتعامل مع توتال و موبيل و شل و حتى سايبه لمراكز خدمة نيسان حرية الاختيار للعميل و تغيير زيت الفابريكه بعد 1000

استاذ ياسر انا معايا فلوانس 2014 اول فئه اوتوماتيك بقالي سنه و عامل تقريبا 40000كم و تقريبا في اجماع علي المشاكل اللي في العربيه و دة مش معناة انها وحشه كل الجديد بقي في مشاكل. اللي ملخصها اعتقد كالتالي بعضها مستمر و بعضها بييجي و يروح:
1. ارتفاع صوت الموتور . مطلعتش معاهم بحاجة في التوكيل بس الكلام ده من سنه اعدوا شهر و في الاخر قالوا عادي
2.مشكلة الزيت 5w40 ولا 5w30 و التوكيل رفضه لتغييرة ل 5w30 . جربت مره رفضوا.
3. ال rpm اللي بيعلي و انت واقف لواحد و ينزل تاني.
4. و اخيرا قصة الرجرجه عند 40 لما تشيل رجلك من علي البنزين و دي مش مستمرة معايا بتظهر بعد السواقه لفترة طويلة.

اعتقد لو في اجماع علي ما سبق لازم احنا كملاك ناخد موقف جماعي للعمل علي حل هذه المشاكل و افتكر الحل حيكون في الاغلب مرتبط بنوع الزيت و كفاءة البنزين مع البوجيهات و reset.

و عامة ده رقمي لو حد فكر في طريقه لحل هذة المشاكل 01001520997 م\عمرو كمال

و اخيرا مقارنه المشاكل اللي في العربيه بالماركات الأخري الاغلي اعتقد المقارنه حتكون لصالح الفلونس

متابع

**mfraig** · 02-11-2014 12:52 AM

المشاركة الأصلية كتبت بواسطة yasser100

وولف الاستاذ كريم هنا فى المنتدى اعرف انه واخد توزيعه . فيه ناس بتشكر فيه لما جربته . اتأكد بس من المواصفات اللى عليه api تكون sn و لو فيه acea تكون c3 او c2 . هو بلجيكى .

فعلا الموتور صوته رخم بالزيت اللى بيحطوه و اكيد انت غيرت زيت الفابريكه كمان بعد ال 10000 كم و حطيت توتال 5w40 من اللى عندهم و برضه الصوت عالى زى ما حضرتك بتقول و خشن نتيجة الاحتكاك العالى لاجزاء الموتور و هايزيد الصوت نتيجة انه البساتم هاتوسع من الاحتكاك .

مش معقوله فى خلال اسبوع تلاقى 3 او 4 اعضاء لسه مستلمين العربيات جديد و بيشتكوا من صوت الموتور علشان حاجه هايفه زى لزوجة الزيت و نوعه و احتكار و خلاص .

انا عارف انهم بيستخدموا 5w40 بكميات كبيره علشان كل العربيات عندهم الرينو من 2004 و حتى 2013 شغال معاهم كويس و كمية ال 5w30 اللى هايستخدمها مش هاتكون كبيره علشان بتستخدم فى الفلوينس فيس ليفت بس و طبعا لسه عددها مش اد الميجان و الفلوينس 1 . بس ما ينفعش .

ياسر باشا انت ازاي عرفت تغير الزيت بنوع 30 مع ان التوكيل بيرفض ولو كنت غيرته بره يعني خرجت من الضمان؟

**wael30003** · 02-11-2014 01:07 AM

طب انا دلوقتى فى السعودية
وبافكر اشترى فوانس 2014
ممكن يغيروا الزيت من 5w40الى
5w30
وهل لو ما رضيوش
توافقونى اشترى فلوانس ولا اغير لحاجة تانية
برجاء أرد عشان انا قرأت الموضوع ده واتضايقت جدا ...ﻷنى كنت مقتنع بالفلوانس بدرجه كبيرة جدا .....لكن انتم ححاوقتى حيرتونى ؟
افيدونى بخبرتكم اغادكم الله

**vetooo3001** · 02-11-2014 01:16 AM

زي مقولت العربيه ممتازه الصراحه. و العيوب دي في اغلبها لو قارنتها مع بقية العربيات في فئتها لا تذكر. مع العلم ان سببها في الاساس نوعية الزيت مش العربيه نفسها

الموضوع: ملاحظه متكرره ( صوت موتور الفلوينس )

LinkBack

أدوات الموضوع

عرض

-

-

-

-

-

المواضيع المتشابهه

زيت موتور الفلوينس و الميجان بلاي :)

قوة سحب موتور الفلوينس

استفسار بخصوص موتور الفلوينس

مشاكل الكهربا متكرره ومتعدده

مشكله متكرره فى ال 128

الكلمات الدلالية لهذا الموضوع

المفضلات

المفضلات

ضوابط المشاركة