محتار و انتم اللي هتنقذوني :)

**ENG.MaRk** · 08-11-2014 09:34 PM

بعد التحية و السلام
أنا إن شاء الله ناوي أغير فلوانستي و حبيبة قلبي بعد عشرة أكتر من 3 سنين و 147000 كم بس مش عارف أجيب ايه في حدود 200000 و قابلة للزيادة البسيطة يعني آخري 230000 ... عايز حاجة عائلية ... ثبات و أمان و كماليات كويسة و واسعة و مريحة في السفر لأني بسافر كتير جدا !!!
مش فارق معايا سعر إعادة البيع لأن أنا من النوع اللي بحب العربيات و بتفضل معايا فترة طويلة ممكن توصل ل 4 و 5 سنين !!!
مش عايز حاجة كوري عشان مستحرم المبلغ في عربيات مش كويسة (مش بنفس مستوي العربيات الأوروبي)
أروني إبداعاتكم :)

**Hosam_Optrawy** · 09-11-2014 12:56 AM

الاختيارات كتير في الفئه السعريه دى

بس أعتقد إن طلبك في البيجو 3008

**hesham fawzy h** · 09-11-2014 03:50 AM

فوكس .. سوبارو

**ENG.MaRk** · 09-11-2014 07:11 AM

الفوكس روعة و جميلة جدا و ليها معزة خاصة في قلبي بس سمعت إن الفتيس الباور شيفت ده ليه نفس مشاكل الdsg و أنا بصراحة هدفع المبلغ ده عشان أشتري عربية تكيفني مش تقرفني !!!
-هو ليه محدش مثلا قالي كورولا أو أسترا أو سيفيك ؟!

**denjouan83** · 09-11-2014 08:32 AM

انا كنت لسه هاقولك كده :) كورولا استرا سيفيك :)
انا راي المتواضع احب كورولا استر سيفيك سكودا a7 ,, ترتيب سكودا لانها فاليو و ثبات و واسعه وبعد موضوع الفتيس ده اعتقد اعتماديتها تزيد ,, و هاتقي مطلوبه لو فكرت تبيع بعد كده .. استرا تحفه حتي علي الشكل بس صيانه و اعاده بيع تسال عليهم .. كورولا الاكثر شعبيه و زي ما بيقولوا تمنها في شنطتها يعني زي ماتكون حاطط فلوسك في البنك .. سيفيك بقي دي حاجه علي جنب كده .. هيه اه محصلش فيها ثورة في الشكل بس لسه جميله و متميزه و خدمه محترمه

كل الي اتكلمت فيه ده بنتكلم من 195 ل 215 ,, لو عايز تزود شويه هاتروح لحاجات انا معرفهاش :) يعني بيجو 3008 و 508 و باسات ب 245 ,, اعتقد برده تكلفه العربيه المستمره مهمه حسب دخلك

ربنا يوفقك

**hanyyacot** · 09-11-2014 02:20 PM

اعتقد بعد الفلوانس ماتركبش حاجة اقل من الجيتا عشان تحس انك نقلت ده لو كنت عايز تعمل upgrade . لو عايز تعمل update بس يبقى اعتقد ال اسكود1 A7

**ENG.MaRk** · 09-11-2014 06:15 PM

مش عارف ليه لما ركبت الa7 ما أبهرتنيش بس عامة أنا اتفقت مع الوالد أنا هدفع 230000 و هو هيكمل ل 300000 يعني أعتقد الخيارات بقت أفضل و أكتر ... هل دلوقتي أجيب الa7 هاي لاين ولا 508 أو انسيجنيا أو ds5 أو فولكس سي سي ؟!