ايه احسن اتوماتيك زيرو لاتزيد عن 120 الف جنيه ؟؟ محتار وأرجو المساعدة

**m-sabry** · 06-11-2014 09:33 PM

السلام عليكم،
أعضاء المنتدى الكرام انا عضو جديد ومحتاج مساعدة لأني محتار جداً.. عاوز أجيب عربية زيرو أتوماتيك بس مش عاوز أدفع أكتر من 120 ألف وده بالكتير أوي (مش هقدر أزود جنيه) وياريت لو كان التمن أقل طبعاً لأني هضطر أستلف..

عاوز عربية سيدان وتكون عائلية (تشيل 5 راكب مستريحين) بس برضو بنكهة شبابية (لو كان ينفع يعني) لأني شاب وبحب برضو اجري لما اكون لوحدي.. لاتقل عن 1500 سي سي ولا تقل عن مثلا 90 حصان لأني متعود على الفيرنا وموتورها القوي وهتصعب عليا نفسي اوي لو سقت عربية ضعيفة.. وياريت صيانتها وقطع غيارها تكون مش غالية (ممكن متوسطة بس بلاش الغالي)..

انا اساساً معايا فيرنا مانيوال فول اوبشن موديل 2010 ودي كانت اول عربية اركبها.. وبصراحة بحبها جداً وصعبان عليا ابيعها بس مشكلتي الوحيدة إني خلاااااااااااااص تعبت من السواقة المانيوال خصوصاً في الزحمة.. انا بسوق كتير في شوارع زحمة زي شارع الهرم ووسط البلد والبلد كلها اساسا بقت زحمة حتى الدايري والمحور.. رجلي خلاص تعبتني وكرهت دواسة الدبرياج والسواقة المانيوال..

أفيدوني أفادكم الله...
شكراً

**J A G U A R** · 06-11-2014 09:39 PM

ممكن بيرسونا او اوبترا شكل قديم

**m-sabry** · 06-11-2014 10:12 PM

والبيرسونا عجبتني جداً جداً وكنت بفكر فيها بس لقيت سعرها عالي وقلت الاوبترا احسن لان قطع غيارها منتشرة وصيانتها هتكون اسهل ليا لأني ماليش في مشاوير مراكز الصيانة واللف عليهم وكده.. انا عاوز عربية لو عطلت مني في اي منطقة أصلحها في مكان قريب ومش محتاج أدور على مراكز الصيانة اللي بتفهم فيها وأسأل الناس وألف عليها وكده..

**ah-elgendy** · 06-11-2014 10:18 PM

اعتقد صنى اتو فئه اولى ممكن تكون كويسه ب 110 الف

**J A G U A R** · 06-11-2014 10:21 PM

المشاركة الأصلية كتبت بواسطة m-sabry

شكرا عالرد... لكن هو فيه اوبترا كوري زيرو؟؟ أصل النيو اوبترا طلعت للأسف صيني :( !!!!
ياريت لو تعرف بتتباع فين تقولي.. بس ياترى هتعدي ال 120 ألف ؟؟؟ انا عاوزها اتوماتيك متنساش..

موجود منها دفعه 2014 بس مش كتير وزياده ايرباج وطاره مالتى
سعرها مش هايزيد عن 120
اسأل فى المعارض وهتلاقى ان شاء الله

المشاركة الأصلية كتبت بواسطة m-sabry

والبيرسونا عجبتني جداً جداً وكنت بفكر فيها بس لقيت سعرها عالي وقلت الاوبترا احسن لان قطع غيارها منتشرة وصيانتها هتكون اسهل ليا لأني ماليش في مشاوير مراكز الصيانة واللف عليهم وكده.. انا عاوز عربية لو عطلت مني في اي منطقة أصلحها في مكان قريب ومش محتاج أدور على مراكز الصيانة اللي بتفهم فيها وأسأل الناس وألف عليها وكده..
البيرسونا سعرها 116 تقريبا ومش هاتزيد عن 120
بس شكلها كده مش هتناسبك

**m-sabry** · 06-11-2014 10:33 PM

شكرا جزيلاً على الرد السريع :)

**hesham fawzy h** · 06-11-2014 10:59 PM

اوبترا شكل قديم زى مقال جاجوار بية

**hamo81** · 07-11-2014 01:20 AM

BYD L3 Auto
عربية كاملة وواسعة وشكلها جميل وب98000

الموضوع: ايه احسن اتوماتيك زيرو لاتزيد عن 120 الف جنيه ؟؟ محتار وأرجو المساعدة

LinkBack

أدوات الموضوع

عرض

-

-

-

-

المواضيع المتشابهه

من 80000الي 85000 مستعمل أوتوماتيك محتار جدا يا جماعة وأرجو الافادة

محتار بين لانسر اتوماتيك مستعمل وسانديرو زيرو!

محتار بين لانسر اتوماتيك مستعمل وسانديرو زيرو!

محتاج سيارة زيرو لاتزيد عن 115 الف

أرجو المساعدة : ايه احسن عربية مستعملة في حدود 30 ألف جنيه ؟؟

الكلمات الدلالية لهذا الموضوع

المفضلات

المفضلات

ضوابط المشاركة