الموضوع: سؤال بسيط لمالك جديد لنوبيرا 2

الساده الافاضل يشرفني ان اكون ضمن اعضاء المنتدي وتحديدا لمالكي نوبيرا 2 وبما اني مالك جديد فاستحملوني بقا وخصوصا اني برضه عضوا من زمان برضه بس كان معايا لانوس 1 يعني قرايب

هو هابتدي بسؤال صغير وبعدين نتكلم عن الحاجات الكبيره
البائع اللى اشتريت منه كان لسه مغير الزجاج الامامي طبعا الصنايعي بيحط لزق على الزجاج مع جسم العربيه لفتره ثم يتم ازالته بس بيفضل اثاره الصمغ بتاعه موجود

1- يا تري ايه الطريقه الامنه لتنضيفه وازالته بما لا يترك اثر

2 - واضح ان الصنايعي للاسف ما قفلش سليكون كويس فالزجاج مع السرعه بيدخل منه صوت هوا رخم اوي مما يدل على وجود فراغات وده للاسف ممكن يدخل ميه كمان ومع الوقت ممكن يعمل صدا للاجزاء اللى هيلامسها مع الهوا ازاي اعالج ده

3- امبارح وانا ماشي 128 هزرت معايا ووقفت قدامي مره واحده وللاسف لمست الاكصدام الخلفي وده مدهون عندها لاكيه اسود ونزل على الاكصدام الامامي عندي برضه يا تري ازيله ازاي بطريقه لا تضر بالدهان

وجزاكم الله خيرا مقدما على الردود

ونتقايل فى اسئله جديده ان شاء الله استحملوني بقا

المشاركة الأصلية كتبت بواسطة aelmohamady

1 بيتشال ببنزين او سبرتوا
2 لازم تروح عند حد بتاع ازاز يشوفهولك ويعيد عليه بالسليكون
3لو تجريح خفيف يروح باى كريم تلميع يكون خشن شوية

Sent from my samsung GT-I9152 using Forum Runner

شكرا على الرد يا ا/ المحمدي وان شاء الله هاشوف بتاع ازاز ويظبط الموضوع