الموضوع: شارك بتجاربك: اقترح قطع غيار سيارات تركب على موديلات ديهاتسو حسب معلوماتك

المشاركة الأصلية كتبت بواسطة engahmedsayed

خد دى بقى
موضوع قطع الغيار كله بيركب على كله يعنى اية الكلام دة
سيادتك لما تحب تغير قطعة غيار هتلاقى عليها رقم مدموغ خد الرقم دة زى ماهو و اعمل سيرش على جوجل بالصور هتلاقى قطعة الغيار ظهرت فى الصور و هتلاقيها راكبه على عربيات تانية بس تشوفها بتركب على عربيات اية و تروح تشتريها من عند بتاع قطع الغيار
بس نصيحة و لمصلحتنا كلنا متنصنحش يعنى متعملش نفسك ناصح و خبير
و تروح تقول لبتاع قطع الغيار اصلى دى بتركب على عربية كذا و هى بتاعة كذا سيبهم على عمهم
لانى لو عرف انى قطعة الغيار دى بتركب على عربية قطع غيارها قليلة و هى بتركب على عربية متوافره و كتيرة هيغلى عليك السعر و على ناس تانية يبقى حرام عليك
طيب انا هقولكم على حاجة
انا عندى فى سكودا فابيا كنت بدور على جوان وش سليندر للموتور 1400 سى سى المهم دورت و عرفة انى جوان الفابيا هو بتاع الفليشيا 1300 سى سى هههههه ورحت جيبته 40 جنية مع العلم لما ااقيت جوان وش السليندر بتاع الفابيا كان ثمنه 150 جنية و جوان غطاء عمود التاكيهات هو هو بتاع الفليشيا 25 جنية
و لما جيت خد الجوان وش السليندر للفابيا الراجل بيقولى هو الجوان للعربية دى قولتالو لالالالالالالالالالالالال ا
انا عندى عربية تانية
ليه بقى ضحكت عليه
علشان سيادتك هيبقى عندو جوان الفليشيا كدة كدة لانه هو شغال فيها و بيبيع 40 جنية لو عرف انى دة بيركب على الفابيا لو واحد راحلو و قالو عاوز جوان الفابيا هيقولو موجود و مش هيبيعو 40 جنية هيبيعو 150 او 100 جنية يبقى انتا ظالمت ناس كتير معاك
ربك المستعان

يا سلام عليك ....بارك الله فيك وسكرا على اهتمامك ونصيحة مقبولة منك ارجو من الجميع ان يعمل بها ومخدش يفول للبائع اللى هو كده كده كسبان والعملية مش ناقصه جشع بس يقول لنا هنا علشان نستفيد جميعا
ويا ريت لو كل واحد عرف رقم قطعه يسجلها فى موضوغ نخصصه لارقام قطغ غيار الديهاتسو وخاصة النادر والغالى منها

ملحوظة/ اعجبنى جدا يا باشمهندس أحمد سيد فكرة موضوعك الذى يشجع الناس على عمل الصيانة الدورية بانفسهم مثل تغيير فلاتر الهواء والبنزين والزيت والسيور ... وكتابة تجربته والطريقة واسعار قطع الغيار التى اشتراها ونصائحه ..... انه مثال للموضوع الهادف
http://www.nilemotors.net/Nile/449350-a.html

حل مثير لمشكلة الكوبلن فى الشاريد تسعينيات يفاجانا به الزميل sica_1 فيقول:

عن تجربه

الكوبلن الخارجي للكيا برايد بيركب علي الشاريد 1992 مع تعديل بصيط لتركيب التيله اللي في اول الكوبلن


بس يبقى مشكور لو زودنا برسم توضيحى او كروكى للتعديل او حتى صورة لاى كوبلن يشير فيها باى سهم للجزء الذى تركب فيه التيلة
وفى كل الاحوال هو حل لنا مشكلة كبيرة

رابط الاقتراح

http://www.nilemotors.net/Nile/44326...post3875838157

المشاركة الأصلية كتبت بواسطة upaupa

نبدأ باقتراح مساحة السوريون الخلفية للاخ mido elsakkar حيث ذكر الآتى:


استطاع احدهم توليف وتطويع مساحة الفيات 128 لتصلح لزجاج السيريون الخلفى:


http://www.nilemotors.net/nile/435138-a.html (بديل لمساحة السيريون الخلفى الاصلية)

بصراحة راجل 100%

شكرا ياباشا ربنا يخليك
وعلى فكرة بعد ما كتبت موضوع بتاع مكان المساحة تانى يوم المساحى اللى كنت جايبها اتلطشت وروحت ركبت المساحة بتاعت ال128 مع تعديل بسيط انى ركبت مساحة مقاس 12 علشان لو المساحة اكبر من كده بتخبط في الشنطة من فوقلما تشغل المساحة وفى اى وقت كده لما اروح البلد هعدى على الراجل اللى في بنها واشترى مساحة

وبالنسبة للموضوع اللى انتا كتبه ده كويس جدا
انا لما كان معايا ماتريكس كنت بشترى قطع الغيار بتاعت الصيانات فيرنا مش ماتريكس علشان عارف انه هيغلى عليا



وحاجة تانية انا شوفت واحد صاحبى عاملها معاه سيريون 1000 سى سى مانيوال جاب تيل فرامل امامى بتاع التويوتا الافانزا لان هوا هوا وتقريبا ب 170 ج