الموضوع: سؤال مهم عن ال led و ميزة إضافية فى الفلوانس فيس ليفت

طبعاً حضراتكم اكيد عارفين ان الفلوانس فيس ليفت بتنزل بمسطرتين LED فى الفئات العالية و دول بيشتغلوا كا DRL و فى نفس الوقت كنور ليلى
سعر المسطرة الواحدة فى حدود 450 تقريباً و انا غيرت واحدة تحت الضمان اول ما استلمت العربية علشان كان فيها لمبة مطفية
السؤال هنا: طبعاً لمبات ال LED ليها عمر افتراضى طويل و لكن بما انها شغالة صبح ليل ك DRL فطبعاً ده هياكل من عمرها الافتراضى و اكيد فى وقت من الاوقات لمبة او اكتر هتطفى او ضؤها هيضعف و هتحتاج تغيير
طيب فى الفلوانس الحل معروف: هتغير مسطرة كاملة فى حدود ال 450 جنيه و دمتم او لو مستغلى المشوار ده ممكن تدخل على ال settings و تلغى خاصية ال DRL من أساسه

امال بالنسبة للعربيات اللى مسطرة ال LED بتاعتهم مدمجة داخل الفانوس الأمامى يا ترى هل بيتم تغيير فانوس أمامى كامل بمتوسط سعر 4000 جنيه او اكتر علشان لمبة LED محروقة؟؟؟؟
سؤال خطر على بالى النهارده

تحياتى

الكلام منطقي فعلا , و عموما مبدأ لم كل حاجة في الدنيا جوة الفانوس بتعمله الشركات بهدف تلبيس الزبون
انا مؤخرا فعلا ركبت drl خارج الفانوس في ميجان2 بتاعتي زي ما المتابعين هنا عارفين , الاول كنت سايبه شغال على طول و بعدين قلت خليني اوفره بالليل و فعلا زي ما الناس المتابعة عارفة برده شغلته على زرار و بقيت اطفيه بالليل

لكن عموما بلاش سيرة عربيات تانية عشان ده بيعمل مشاكل -_-