اللى أقدر أفيدك بيه:
الفتيس الcvt مش كل واحد هيحبه...هو ليه مميزات كتير و لكن برده له عيوب و لو أنت من هواه الشد و تشبيع الغيار و بتفضل قرص المانيوال يبقى الفتيس ده مش ليك
العربية ثبات خرافى على الطريق و ده نتيجة عفشتها المظبوطة جدا و طول قاعدة عجلتها و لكن الطول و العفشة المتوسطة الطراوة دى ليهم تأثير فى الملفات الحادة على سرعات عالية و ده طبيعى و مش عيب و لكن وجب التنبيه نتيجة طول قاعدة العجلات مقارنة بسيارات أخرى فى نفس الفئة
التكييف مرضى جدا و لكن يمكن ميبقاش بقوة الكورى التلاجة و خصوصا فى الشمس الحارقة و الزحمة و طبعا الملاك الجدد هيفيدوا أكتر فى النقطة دى
الفئة دى أكيد الفانوس الأمامى هيبقى غالى جدا علشان زينون متحرك كهربائيا
ده اللى فى دماغى عن الفئة دى
المفضلات