الموضوع: عن تسارع الفلوانس فيس ليفت أتحدث.....

أنا كنت مستنى أخلص أول ألف كيلو بهدوء و كنت بتعرف على التفاصيل الدقيقة للسيارة، امبارح و أنا راجع من القاهرة خلصت الألف كيلو الأولى و دخلت فى مرحلة اعمق مع السيارة و هى التعرف على الأمكانيات الفعلية لها....
المكان مدخل برج العرب و محور التعمير....

أنا هنا مش بتكلم عن تسارع من 0-100 كم/ساعة فى كام ثانية و لكن عن أداء العربية على مختلف السرعات و مدى تناغم الموتور مع الفتيس ال xtronic cvt....

من الطبيعى فى الأوتو أن العزم بيضيع منك فى بعض مناطق السرعة و يرجع يشد فى مناطق أخرى....أنا لم أشعر بفقد لقدرة و عزم الموتور فى أى منطقة و ده كان غريب على شوية....طول ما بتكبس على موتور الفلوانس و هو عايز يسحب معاك جامد جداً....المشكلة مش فى السحب ما كل العربيات بتسحب و بتجيب 200 كم/ساعة و لكن المشكلة فى نوع السحب....

العربية بتجيب من 100 إلى 140 بسهولة و راحة كأنك بتجيب من 60-90....الموتور معلهوش أى إجهاد مش سامع صوت عالى....مش لازم تقرص علشان تشبع الغيار و الموتور يجمع....لأ أنت بس تدوس و هو يجرى...العزم موجود حتى أخر الخط...و المذهل أنك لا تشعر بالسرعة و لا بصوت الموتور و لا بمعاناته....انت فقد تشاهد تغير أرقام السرعة تصاعدياً فى العدادت...موتور بيتسارع تصاعدياً دون أى مناطق عمياء فى النصف و دون إجهاد أو صوت.....عن تسارع الفلوانس فيس ليفت أتحدث.......

تجميع سلس إلى أقصى درجة....عايز سرعة خد سرعة...عايز أكتر أنا لسه عندى كتير....وقت التسارع هو كبسه رجلك....ال 140 كم/ساعة الموتور مرتاح فيها و كأنها 60 كم/ساعة....ما هذا؟