الموضوع: شاهد كيف تتم سرقة الفلوس من الكورولا فى عز الظهر

المشاركة الأصلية كتبت بواسطة mohamed.hany

محدش سأل او استغرب انه كسر المرايا الجانبية ليه ؟؟؟
عشان يلمس فردتين الكهربا بتوع المرايا و يعمل قفلة في كهربة العربية و دي حركة مشهورة جدا في السرقة و الهدف منها تعطيل الانذار لو كان راكب او اي انظمة للحماية سواء سنتر لوك او motion detection لانهم بيشتغلوا علي كهربة العربية ، الحرامية بقت بتفهم جدا في كل انظمة الحماية و موضوع تلميس سلك المرايا ده انتشر جامد جدا.
ركزوا في الفيديو هتلاقي اللي بقول عليه قبل كسر الزجاج مباشرة و ربنا يستر .

يعني هيا الكورولا لما تقفلها بالريموت
في العادي مثلا وانت جواها الشنطه مينفش تتفتح من جوه اصلا وهو بوظ الموضوع ولا ايه؟؟
حد يجرب يقعد في العربيه ويقفلها ويجرب يفتح الشنطه يشوف هل هتتفتح ولا لا وهل الانذار يشتغل ولا لا؟؟

المشاركة الأصلية كتبت بواسطة mohamed.hany

حضرتك مركزتش في كلامي ، انا قولت تعطيل انظمة الحماية اذا كانت موجودة يعني مقلتش الكورولا فيها ولا مفيهاش انا بتكلم في تكنيك معين بيستخدم في كل العربيات و ليس فالكورولا خصيصا .
اما بخصوص معلومة فتح الشنطة و الانذار مفعل فطبعا ايوة الكورولا انذارها بيعمل كدة ، و لو الحرامي مكنش عمل قفلة كهربا كانت هتزمر و الانذار هيضرب فورا ، ده لو حتي فتحت الشنطة من الربموت قبل زرار الفتح بتعمل انذار .
مع العلم هي بتنزل بدون انذار و انا مركبه فالتوكيل

لا.انا مركز في الكلام كويس ده تساؤل مني اذا كان فيها وهو عطله ولا هو كان بيعمل كده احتياطي وخلاص...
ولا اعتقد ان الحركه دي ان كانت موجودة تنفع مع جميع السيارات وبالذات (الالماني)...
ممكن تنفع تعطل انذار متركب بره و الحجات دي بس ماعتقدش ابدا ان الحركه دي تعطل نظام عاملاه شركات كبيره

الفنتازيا مثلا اصلا مفيهاش انذار ولو قعد قدامها اليوم كله ولا الهوااا.