ايه رأيكم في الزيت دا: Bizol Pacific LF 5w-30 ويعني ايه hydro-cracked

**أبو_يوسف** · 18-02-2015 03:01 PM

السلام عليكم..
موديل السيارة 2015 غيرت لها الزيت دا حسب مواصفات الكتالوج للزوجة

وهي دي مواصفاته:
API Sn
SAE 5w-30
بس بعد ماحطيته لاحظت انه
HC synthetic (hydro-cracked synthetic)
معنى كدا انه مش fully synthetic ولا ايه بالظبط؟
دي صفحة مواصفاته
http://www.bizol.com/fileadmin/pdb/B...fic_LF_123.pdf

**amr_naser** · 18-02-2015 03:25 PM

والله يا صديقى انا معنديش فكرة بس انا ليا صديق هو موزع رسمى له فى المنصورة خد رقمة كلمة وحيشرح لك كل شئ انت محتاجة
اسمة محمد
ودا رقم تليفونة
01223323680

**yk_5** · 18-02-2015 03:52 PM

المشاركة الأصلية كتبت بواسطة timtim

السلام عليكم..
موديل السيارة 2015 غيرت لها الزيت دا حسب مواصفات الكتالوج للزوجة

وهي دي مواصفاته:
Api sn
sae 5w-30
بس بعد ماحطيته لاحظت انه
hc synthetic (hydro-cracked synthetic)
معنى كدا انه مش fully synthetic ولا ايه بالظبط؟
دي صفحة مواصفاته
http://www.bizol.com/fileadmin/pdb/b...fic_lf_123.pdf

الله انا قرأت فى المنتدى قبل كده بس مش فاكر عنوان الموضوع انه فعلاً مش تخليقى بالكامل ولكن زيت معدنى يتم تكريره معملياً حاجه زى كده بس الأكيد انه مش تخليقى بالكامل.

**yk_5** · 19-02-2015 10:02 AM

لقيت الموضوع
http://www.nilemotors.net/Nile/43155...-sn-500-a.html
بالتوفيق

**أبو_يوسف** · 19-02-2015 01:54 PM

اشكرك جدا على نقل الموضوع..
بس كنت عايز رد قاطع اخليه ولا انزله على اساس انه مش تخليقي بالكامل..
اللي فهمته ان بيزول بلتزموا بقواعد معينه فاميقدروش يقولوا عليه تخليقي بالكامل في حين ان انواع تانية ممكن تقول عكس ذلك..
ولا انا فاهم غلط؟

**sonaeg** · 20-02-2015 12:32 AM

السﻻم عليكم...
اخوك معاه كوروﻻ 2012 ماشية 15.000 كم...حطيت الزيت ده من 3000 تقريبا وقبله كنت بحط 5w-40

النتيجة افضل عن ال 40 ... صوت الموتور اهدي والسحب بقي احسن بنسبة مش بسيطة واستهﻻك البنزين قل...

طرحك للموضوع خﻻني اقرا شوية عن نقطة hydro cracked synthesis

وعرفت ان في نوعين من الزيوت التخليقية ان واحد مخلق ناتج من تكسير جزيئات كبيرة وده ال hydrocracked

والتاني ناتج من دمج جزيئات صغيرة وده برده synthetic

هل بقي ده يفرق عن ده...ده احسن من ده...الله اعلم لكن الاتنين مخلقين...
هوا طالما مقابل للمواصفات المطلوبة اعتقد كافي...

باقي الزيوت 5-30
شل في منها
موبيل في منه
وولفر في منه
ليكوي مولي مش متاكد

هل دول hc synthesis وبيقولو fully synthetic وﻻ العكس انا مش قادر احدد

ياريت لو وصلت لحل قاطع تقول ... بس الزيت حاسس انه احسن كتير والله اعلم

**borio1704** · 21-02-2015 01:56 PM

الموضوع ده نادرا لما حد بيتكلم عليه لإنه بيسبب لخبطة لناس كتير.. ناهيك عن إن مسألة اختيار الزيوت المناسبة عاملة لخبطة من الأساس.

الموضوع باختصار إن الزيوت الـHydro-Cracked هي زيوت معدنية مصنعة بطريقة تخليقية.. بمعنى إن الزيت الناتج خواصه اتغيرت ومبقاش زي الزيت الأصلي..

وبالتالي فشركات الزيوت بتقول عليها تخليقية.. وأحيانا كمان بتقول عليها تخليقية بالكامل.

ألمانيا تكاد تكون هي الدولة الوحيدة في العالم اللي بتمنع إن الزيوت دي يتقال عليها تخليقية.. وبدل كده بتسمح بكلمة Hydro-Cracked Synthesis أو Synthesis Technology... والكلام ده ينطبق على كل الزيوت الألمانية (أو غير الألمانية المباعة داخل ألمانيا).

الزيوت دي ما هياش وحشة... بالعكس.. أداءها عالي وقريب قوي من الزيوت التخليقية الحقيقية.. هي بس عمرها أقصر شوية ومايزيدش عن 15 ألف كيلومتر.. بعكس الزيوت التخليقية الحقيقية اللي عمرها ما يقلش عن 15-20 ألف كيلومتر.

على فكرة.. الزيوت التخليقية بالكامل ليها مشاكل بردو.. أبسطها إن الموتور لازم يكون حالته كويسة ويفضل إنك تستخدمها مع الموتور من الزيرو.. إنما الزيوت الـHydro-Cracked مش محتاجة الموضوع ده.

المشكلة بقى إنك لما تيجي تشتري أي ماركة زيت غير ألمانية.. مش هتقدر تعرف إذا كان الزيت ده تخليقي تماما أو مصنع بتكنولوجيا تخليقية إلا إذا كان مكتوب على علبته أو في صفحة الإنترنت بتاعته.. وغالبا مش هتعرف.

لو عايز معلومات أكتر ... تقدر تدخل على الموضوع ده:
http://www.nilemotors.net/Nile/453047-a.html

...

**akmm** · 24-02-2015 03:18 PM

حقيقى بغض النظر عن النوعيه من الزيت المذكور في المشاركه ... الا ان التعليق الاخير مفيد جدا ..............

**أبو_يوسف** · 02-03-2015 11:35 AM

اشكركم جميعا على المشاركات المفيدة وشكر خاص للاستاذ الفاضل استشاري الزيوت عن حق
قرأت الموضوعات المشار اليها .
بس عايز اسأل سؤال مباشر
في الكتالوج بينصح بالمواصفة التالية: ACEA A3/B4
والزيت المذكور مفيش عليه الرموز دي خالص .. والمكتوب ILSAC GF-5
يبقى مناسب ولا غير مناسب؟

الموضوع: ايه رأيكم في الزيت دا: Bizol Pacific LF 5w-30 ويعني ايه hydro-cracked

LinkBack

أدوات الموضوع

عرض

ايه رأيكم في الزيت دا: Bizol Pacific LF 5w-30 ويعني ايه hydro-cracked - انشر الموضوع فى :

-

-

-

-

المواضيع المتشابهه

هو يعني ايه انيستجرام ويعني ايه هاش تاج ؟!!!

سؤال بخصوص زيت bizol الالماني ( الزيت الاخضر )

يا ترا إيه رأيكم في الزيت ده ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة