زيت موتور فلوانس 2015

**mario maged** · 25-03-2015 01:54 PM

ايه افضل نوع زيت لفلولنس 2015؟ العربية لسه بزيت الفابريكة توتال بس كان في ناس بتقول انه مش حلو للماتور و لزوجته عالية؟
فايه رأيكم اغيره ولا اسيبه؟
و لما اجي اغير الزيت بعد كده احط توتال برضو ولا احط موبيل لزوجة اقل؟

**ram2020** · 25-03-2015 02:13 PM

انا واقع في نفس الحيرة بس عرفت اوصل للنوع المناسب للسيارة و 5w40
انما من انهي شركة دا لسة موصلتلوش
شوف كتالوج العربية بيقول اية و خلي بالك العربية و هي جديدة الافضل ليها الزيت التخليقي بالكامل اللي هو معروف في السوق بزيت ال 10000

**Batman372** · 25-03-2015 05:39 PM

مع احترامى لكافه الاراء ...
حضرتك بتقول ان الناس بتقول انه مش حلو ... و ده غير صحيح ... هل حضرتك متضرر منه لاى سبب ؟؟؟ اكيد لا :)
انا عامل به ١٢ الف و شغال عادى ... و ناس تانيه كتير اكتر من كده ... الموضوع كله فى تقليل صوت الموتور شويه ..
و توتال هى جزء من رينو ... يعنى هما عارفين الموتور و زيته ... الافضل انك تخليك مع التوكيل ...
و لو قدرت تجيب زيت تانى للتوكيل و يغيره لك بدون انك تكتب انك تقبل المسؤليه .. فذلك معقول ...
غير كده لو الموتور لا قدر الله حصل له حاجه ... التوكيل من حقه عدم تطبيق الضمان ... و ده حقه ...
تحياتى ...

**borio1704** · 25-03-2015 07:09 PM

لو اشتريت الزيت المناسب حسب ما الكتالوج بيقول.. يبقى الزيت ده هيشتغل معاك بغض النظر عن ماركته... حتى لو كان زيت التعاون.

على فكرة.. توتال منزلة أنواع زيوت كتير جدا... فيه منها اللي ينفع عربيتك.. وفيه منها اللي ما ينفعش.. ومش هي لوحدها .. كل شركات الزيوت الكبيرة زيها... المهم تختار اللي ينفع مع موتور العربية

افتح كتالوج العربية في قسم الصيانة صفحة الزيت... حتلاقي مواصفات الزيت المطلوب: درجة لزوجته ومستوى الجودة المطلوب..

بعد كده.. اشتري أي زيت تكون مواصفاته زي الكتالوج أو أحسن... وطبعا.. يفضل يكون تخليقي.. بالذات لإن عربيتك لسه زيرو.

لو عايز تعرف ازاي تختار الزيت صح.. أنصحك تدخل على الموضوع ده:
http://www.nilemotors.net/Nile/341680-a.html

ونصيحة تانية مني...

اقرا كتالوج العربية.. فيه حاجات كتير هتعرفها عن العربية غير مجرد نوع الزيت.

...