للاسف مش هقدر افيدك فى معظم اسئلتك لانى كان معايا اكسارا
بس احييك على طريقة تفكيرك
لانى اول عربية جبتها كانت 128 ومها كنت اصرف ما كنتش بحس باى فرق
بخلاف الاكسارا لو حالتها كويسة وبتعملها الصيانات انساها
ربنا يوفقك للى فيه الخير
رقم العضوية : 172604
تاريخ التسجيل : 02Mar2015
المشاركات : 62
النوع : ذكر
الاقامة : المحلة الكبرى
السيارة: .
السيارة[2]: رينو سينيك 2000
الحالة :
بسم الله الرحمن الرحيم
دى اول مشاركة ليا فى المنتدى و بجد لازم ابدأها بشكر للناس اللى مبتبخلش على بعض بأى معلومة :)
انا لسة مبتدئ فى موضوع العربيات و كنت لسة بدور عشان اشترى اول عربية ليا .. انا بسوق بقالى فترة عادى بس دى هتبقى اول عربية اشتريها ..
ميزانيتى مش عالية .. يعنى فى حدود من 25-30 كحد اقصى .. و بحاول معلاش عن 27 مثلا عشان لو العربية احتاجت اى مصاريف بسيطة بعد ما اجيبها متزنقش ..
و فى نفس الوقت كنت عاوز عربية معقولة بالنسبة للسعر ده و ابعد عن الـ 128 و اخواتها .. استخدامى للعربية الى حد كبير استخدام عائلى .. و بالكتير سفر القاهرة او اسكندرية مرة او اتنين فى الاسبوع ..
يعنى عاوز عربية كمالياتها معقولة و فى حدود السعر ده .. انا عموما بحب العربيات الفرنساوى ( كان والدى الله يرحمه معاه ميجان ) .. بحس انها بنت ناس و دايما امكانياتها كويسة بالنسبة لسعرها .. و معنديش ازمة قوى فى اعادة البيع لأنى مش ناوى اغيرها قريبا و غالبا هسيبها للبيت حتى لو نفع اجيب حاجة اعلى ..
لما دورت شوية لاقيت ان حدود الفلوس دى ممكن اجيب AX حالة ممتازة او ZX حالتها معقولة .. و قريت كتير عن الاتنين خاصة التقرير اللى معمول على المنتدى هنا ( و اللى لازم اشكر صاحبه الحقيقة على المجهود الرهيب و كم المعلومات الرائع اللى فيه :) )
بس ليا شوية استفسارات عاوز النصيحة فيهم :
1- فى الحدود دى الافضل اجيب ax ولا zx ؟ .. يعنى الـ zx هتبقى فى حالة كويسة بالسعر ده ولا هتورط فيها ؟
2- الـ zx فعلا موتورها ضعيف عليها ؟ .. يعنى هيتعبنى فى استعمالها خاصة مع التكييف ولا الفكرة ان موتور الـ ax اعلى بالنسبة لحجمها ؟
3- وسع الـ ax سئ بالنسبة لاستخدام عائلى ؟ ..
4- لو حبيت اجيب zx من غير تكييف .. اى عربية من غير تكييف ممكن يتركبلها تكييف بعدين ؟ .. يبقى سعرها فى حدود ايه ؟ .. و لو حبيت اركبلها تكييف فيرنا هيكلفنى ككل قد ايه تقريبا ؟ ( بفكر اعمل كدة و ابقى اركب التكييف بعدين بما ان كذا حد قال ان تكييفها الاصلى ضعيف )
5- لو حبيت اجيب zx و اسقطلها موتور اكسارا 1600 .. هيكلفنى قد ايه تقريبا ؟ .. و ممكن موتورها الاصلى يتباع على اساس انى ادفع فرق بين الموتورين بس ؟ .. ولا هتدبس فيه ؟ ... و فى بدايل تانية لموتور اعلى من موتورها الاصلى ؟
6- بذكر الفرنساوى .. لو قدامى رينو ميجان موديل 2000 ( 1600 / انجكشن / هاف باور / تكييف / سنتر / زجاج كهربا ) .. فى نفس حدود السعر .. موتورها و العفشة و الفرامل بحالة كويسة بس مغيرة فيتيس بواحد مستورد من سنتين تقريبا .. و فيها شوية حاجات بسيطة محتاجة تظبيط ( سمكرة و مرايات و صالون و حاجات من دى ) يبقى الافضل بالنسبالى هى ولا الـ ZX او الـ AX ؟؟؟
معلش انا عارف انى رغاى بس مش عاوز اجيب حاجة اندم عليها خاصة انى عارف ان اعادة البيع فى الفرنساوى تقيلة يعنى ففرصة تغييرها مش هتبقى بسيطة :)
و الف شكر مقدما لأى نصيحة :)
رقم العضوية : 32627
تاريخ التسجيل : 10Feb2009
المشاركات : 1,939
النوع : ذكر
الاقامة : cairo
السيارة: اكسارا
السيارة[2]: فيات 128
دراجة بخارية: i hope
الحالة :
للاسف مش هقدر افيدك فى معظم اسئلتك لانى كان معايا اكسارا
بس احييك على طريقة تفكيرك
لانى اول عربية جبتها كانت 128 ومها كنت اصرف ما كنتش بحس باى فرق
بخلاف الاكسارا لو حالتها كويسة وبتعملها الصيانات انساها
ربنا يوفقك للى فيه الخير
يقول اللورد كرومر فى مذكراته: لم اجد فى مصر الا المصريين فقط.. بعضهم يصلى فى المسجد وبعضهم يصلى فى الكنيسة لكن كلهم مصريون.
أبو كمال
رقم العضوية : 172604
تاريخ التسجيل : 02Mar2015
المشاركات : 62
النوع : ذكر
الاقامة : المحلة الكبرى
السيارة: .
السيارة[2]: رينو سينيك 2000
الحالة :
الف شكر يا باشا :)
هو انا فعلا مش عاوز عربية عشان ابيعها .. انا عاوز عربية ابقى مرتاح فيها و معنديش مشكلة احترمها يعنى بس مش احترمها و هى تطلع عينى ههههه ... و ده انا شوفته كويس مع الميجان .. لما بتتظبط كانت بتبقى احلى من حاجات كتييير فى فئات سعر بتوصل لضعف سعرها .. و ده اللى محببنى فى الفرنساوى ...
ربنا يسهل و حد يلاقى اجابة لأسئلتى الكتير دى ^_^
رقم العضوية : 154187
تاريخ التسجيل : 05Jan2014
المشاركات : 21
النوع : ذكر
الاقامة : القاهرة
السيارة: c3
السيارة[2]: ax
الحالة :
رقم العضوية : 172604
تاريخ التسجيل : 02Mar2015
المشاركات : 62
النوع : ذكر
الاقامة : المحلة الكبرى
السيارة: .
السيارة[2]: رينو سينيك 2000
الحالة :
الف شكر على الرد ...
يعنى رأيك ان لو محتاجها للعيلة احاول فى الـ zx حتى لو سحبها اضعف من الـ ax ؟
يا مسهل فى باقى الأسئلة بقى ^_^
المفضلات