شوية استفسارات

**miceg** · 23-12-2012 11:20 PM

اخواتي الكرام
دلوقتي الواحد مااشاء الله عمال يصرف عالعربية وكإنه جايب مولود نازل عالجامعه على طول ههههههههههههههههههه
انا معايا أي اكس اوتوماتيك 2010
هل الواحد لو معاه فلوس يحطها فزيرو 2013 نفس الفئة برضه اكس صالون
ولا مافيش فرق حسي بين 2010 وال 2013
وهل نفس الكلام في حالة السوبر 2013
شاوروني عشان انا حاليا يمكن مكلف العربية بعد الشراء خلال الشهر ده يمكن 2000 جنيه بعد تغيير الكاوتشات ولسه لمصاريف مبتقلش عشان عاوز اركب سينسور بارك ووحدات رفع وكاميرا ده غير شوية اكسسوارات يعني شكلي كده هقضيها مصاريف
وعارف ان اخر المتمه بيعه وترقيه لموديل أحدث برضه لنيسان (( معرفش حاسس ان احسن دعم موجود ليها وكل مراكز الصيانة محترمين )) لان فعلا احنا فمصر بنفتقد خدمة مابعد البيع
فياريت تجاوبو على سؤالي بس يكون عن ثقة وتجربة
تحياتي وشكرا مقدمااااااااااااا

**Youssef.Awad** · 23-12-2012 11:48 PM

انا برضه معايا ex 2010 مانيوال وصارف عليها حاجات كتير زى عازل كبوت - عازل ارضية - فرش كراسى وارضية جلد - كاوتشات كونتيننتال - تسليح كاوتشات - مقصات امامية - كاوتشات تراب امامية
وان شاء الله الاجازة الجاية اركب عمود الاتزان
ومحافظ عليها بصيانات فى التوكيل من الزيرو وقطع غيار اصلية
وما اظنش انى ممكن ابيعها واركب صنى 2013 لأنى بكل بساطة مش هاديها لواحد ع الجاهز كده وياريته هايقدر حالتها حتى الا لو مضطر للبيع لا قدر الله وكمان باحب العربيات التقيلة ع الارض وصعب اوى ان واحد اتعود على الصنى القديمة يتقبل الجديدة لأنها مختلفة تماما واقرب للى ركب تيدا منها الى الصنى
وغالبا هايكون الاختيار فى حاجة تانية بعيد عن صنى
اكيد مش هايكون كورى واكيد كمان لو يابانى مش هايكون غير نيسان هههههههههههه