اخر كلام رينو سانديرو ولا صني ٢٠١٥ الشكل القديم او الجديد

**Vetibrahim** · 16-03-2015 08:14 PM

بكرة ان شاء الله هروح اشيل واحدة من ال٣ سانديرو اوتوماتيك او صني ٢٠١٥ الشكل الجديد او نيسان الشكل القديم زيرو

التلاتة نفس السعر ولكن الفرق اعادة البيع والكماليات و قطع الغيار

**Vetibrahim** · 16-03-2015 08:22 PM

يلا يا رجالة فين رد الخبراء ؟؟؟؟

**Kirolos Edward** · 16-03-2015 09:22 PM

لو مكانك هجيب رينو سانديرو

**ahmedazabreno** · 16-03-2015 10:27 PM

الرينو عربية فاشلة كانت معاية الميجان 2 وطلعط عينى فى قطع غيارها وصيانتها وبعتها بخسارة
اليابانى مفيش احسن منة هى الصنى الشكل الجديد الفرامل بتاعتها تعبانة شوية بس احسن من الرينو بكتير

**Yehya Badr** · 16-03-2015 11:36 PM

مع كل الأحترام تجربة حضرتك مع الرينو ميجان 2 لا يقاس عليها اللوجان و الساندريو موجودين في السوق المصري بقالهم 4 سنين و أنشارهم إدي إلي توافر قطع غيارهم - مع الأعتراف أنهما أبسط من الميجان في الميكانيكا و التكنولوجيا - العربيات دة نجحت في أوروبا و امريكا الجنوبية و إيران و الهند

أما بالنسبة للمسماة نسان صني الشكل الجديد فهي عربية فاشلة أولا مكوناتها معظمها هندي ما عدا الموتور عربية ثبت أنها ردئية الصنع و مش بس التجميع المصري دا حتي التصميع الياباني فاشل و تقدر تتأكد من المعلومات دي من خلال موقع Car & Driver و أسمها في أمريكا الشمالية Nissan Versa

دا كفاية أن الشكل القديم كان موجود زيرو من شهر !!! شهادة علي فشل النسخة الجديدة

**أبو آسر** · 17-03-2015 07:43 AM

المشاركة الأصلية كتبت بواسطة ahmedazabreno

الرينو عربية فاشلة كانت معاية الميجان 2 وطلعط عينى فى قطع غيارها وصيانتها وبعتها بخسارة
اليابانى مفيش احسن منة هى الصنى الشكل الجديد الفرامل بتاعتها تعبانة شوية بس احسن من الرينو بكتير

يا فندم كلام حضرتك ده أثري أوي وعفا عليه الزمان خلاص :)
ميجان زمان حاجة وكل عربيات رينو الجديدة دلوقتي حاجة تاني خالص وأساسا ميجان زمان مشكلتها مكنتش في العربية مشكلتها كانت في الأسطى بلية الميكانيكي اللي مكنش بيفهم في عربية نازلة بتكنولوجيا حديثة غير التكنولوجيا القديمة اللي طول عمره متعود عليها
اللوجان والفلوانس والسانديرو دلوقتي عربيات أثببت وجودها بقوة في السوق وبص لانتشارهم في الشوارع أما الصني الجديدة فحرام عليك تنسبها للياباني علشان كده هتبوظ سمعة اليابان
الأخ صاحب الموضوع ابعد عن الصني الجديدة كده يبقى عندك اختيارين الصني الشكل القديم والسانديرو الاتنين حلوين لكن أعتقد الصني في إعادة البيع هتبقى أفضل من السانديرو بفارق قليل مش كبير أوي فشوف انت حابب تركب هاتشباك ولا سيدان وعايز تركب حاجة اتهرت ركوب ولا حاجة شكلها جديد ومميز وعايز حاجة عالية عن الأرض وتاكل مطبات براحتك بدون قلق ولا مش فارقة معاك وبناء عليه تقدر تقرر
وبالتوفيق