استشارة فى الفتيس الاوتوماتيك لذوى الخبره

**outlandish** · 13-04-2015 02:33 AM

سؤال فنى بس يا جماعه للى عنده خبره فى الفتيس الاوتوماتيك . عربيتى ليجانزا كانت النقلات بتاعتها عنيفه اوى فقمت ريحت السلك بتاع المفاجىء شوية فلقيت النقلات بقت ناعمة خالص هل ده يأثر على الفتيس او يبوظ حاجه ؟عشان فى ناس بتيجى فى العربيات المانوال وتلعب فى سلك الدبرياج تخليه عالى بحيث انه يلقط فى الاخر خالص قبل ما تشيل رجلك من عالدبرياج علطول . الحركه دى بتبقى مريحه فى السواقه بالذات فى الزحمه بس بتخلى اسطوانة الدبرياج تتاكل بسرعه لان اللى بيعمل كده كأنه ماشالش رجله من عالدبرياج بشكل كامل فهل بقى الحركه اللى انا عملتها زى دى يعنى ممكن تأثر على الكلتشات بتاعة الفتيش مثلا وتخليها تتأكل ولا ايه محتاج افاده ربنا يرضى عليكم

**Lifz_Good** · 13-04-2015 10:37 AM

متابع للإستفادة

**mhopa2440** · 13-04-2015 11:46 AM

حضرتك دخلت ف حوار المانيوال ودا ملوش اي علاقه نهائيا نهائيا باللي عندك دا موضوع ودا موضوع تاني خااااالص

خلينا ف موضوعك اللي حضرتك عملته هو انك خليت الحساس بتاع النقلات يقرأ اقل من دوسة البنزين بتاعتك ف التالي هيخلي العربية تنقل على ار بي ام اقل من الاول ودا ملوش اي تأثير على الفتيس نهائيا نهائيا لان الموضوع كله امر كهرباء تنفذه طلبمة زيت الفتيس مجرد ما تم تنفيذ الامر الكلتشات بتعشق وتبدا العربية ف الحركة على الغيار المناسب لدوسة البنزين

بس هيكون لها تأثير شوية لو حبيت تعمل كيك داون ممكن العربية متعملش كيك داون او تنقل للغيار الثالث مكان التاني

بس ضرر على الفتيس مفيش

وممكن يكون اصلا الوير دا كان مشدود زيادة وانت رجعته للمعدل الطبيعي

المهم بس تراجع سرعات العربية مع الار بي ام هتلاقيها مفيش تغيير يعني نفس الار بي ام بتاع الغيار التاني او الثالث هيكون ليه نفس السرعة قبل التعديل اللي انت عملته ودا معناه ان كل شئ تمام