رقم العضوية : 41844
تاريخ التسجيل : 04Jun2009
المشاركات : 8,706
النوع : ذكر
الاقامة : في بيتنا
السيارة: هوندا سيفيك / بي ام دبليو 316i
السيارة[2]: سوزوكي التو / رينو لوجان
دراجة بخارية: جاية في الطريق
الحالة :
بسم الله الرحمن الرحيم
السلام عليكم و رحمة الله و بركاته
اقدم لكم تقرير عن صيانة الـ5000 في توكيل العبور
حجزت الأول بالتليفون و كالعادة حجزوا لي للاسبوع اللي بعده و طبعا ده بيعملي دربكة عشان اعرف اروح يعني مبعرفش اختار الميعاد اللي عايز اروحه عشان الزحمة
روحت الساعة 8:30 الصبح عشان اخلص بدري ( ضحكة ساخرة )
و كانت عندي شوية مشاكل و هي كالآتي :
طقة في دواسة الدبرياج لما اشيل رجلي
صوت طالع من العجل لما ادوس فرامل ع السرعات القليلة زي تزييق
مشوار دواسة الفرامل طويل
الهانك بريك تكاته كتيير
طبعا تنفيث الشكمان اللي الرد المعتاد بتاعها بعد تكون الكربون هتختفي و ده رد الشركة الام
طلع المهندس جرب معايا و اول حاجة لاحظها تأخير الدوارة بالرغم انها محصلتش معايا من ساعة ما اشتريت العربية غير مرتين خلال الـ 4 شهور بس بعد ما حطيت بنزين كنت شاكك فيه المهم قالي ملوش علاقة بالبنزين و بنعمل تحديث للسوفت وير لو تحب نعمله انهاردة بس هياخد حوالي ساعتين او تعمله في اي وقت تاني او الصيانة الجاية و طلع جرب و لقي المشاكل اللي كنت بقول عليها و شوية حاجات تانية قولتلهم عليها
و استلموا العربية جوة و المفروض اني استلم العربية الساعة 12:30 حسب الاوردر
و كالعادة القعدة المملة و كالعادة وقت طوووويل جدااا جت الساعة 12:30
استلمت عشان اجرب لقيت تكة دواسة الدبرياج لسه موجودة بلغتهم و استلموها تاني
و لقيت العربية مرمية برة بسال أصل في بريك طب مانتوا مستلمين العربية من بدري معلش و مش معلش و كمان عشان المشاكل هتاخد وقت و العربية طلعوا يجربوها مرتين
و فضلت منتظر لحد ما خلصت و تم حل المشاكل كلها بالفعل ماعدا تنفيث الشكمان للسبب السالف ذكره
بعد ما استلمت العربية اكتشفت وجود خدش بطول الشنطة بالطول مكنش موجود و كنت رايح قسم السمكرة عشان فيه تقشير في حلية بتتلزق طبعا بلغت المهندس بالخدش شاف الاوردر و ان فعلا مكنش فيه خدش و بلغ المسئول عن قسم السمركة بانه يخفي الخدش بس ليا ملحوظة ان العميل يفضل رايح جي بين المبنين عشان خاطر محدش بيرد ع التليفون
و عملوا الخدش و فعلا مبقاش موجود في اقل من دقيقة
و طبعا ساعة الاستلام فحصت العربية و مستوي السوائل و فعلا كانت مظبوطة لأني كنت عارف قبل ما اروح المستوي حتي مية المساحات
لكن العربية متغسلتش للمرة التانية يا دوب متلمعة و استلمتها متربة برده شوية و لولا اني ببقي مستعجل و بيخلصوني متأخر مكنتش استلمت الا لما تتغسل زي ما بيحصل مع ناس كتير لأن كتيير ابلغوني ان بيكون فيه غسيل مجاني مع كل صيانة
و طبعا الصيانة كانت مجانية
التقييم النهائي للصيانة
الاستقبال جيد جدا
حل المشاكل جيد
لكن لدي بعض التعليقات
اولهم : الوقت الطويل في الصيانة في حين القصة ديه متاخدش ساعة و لا ساعتين لأن مفيش اي تغييرات مجرد مراجعة و فحص و تربيط
ثانيهم : مكنش فيه خدمة ما بعد الصيانة و الاتصال زي الصيانة الأولي لكن قبل ما اعمل الصيانة كلموني عشان يعرفوا رأيي في التوكيل و خدمة العملاء
و بالتوفيق للجميع ان شاء الله
رقم العضوية : 170384
تاريخ التسجيل : 07Jan2015
المشاركات : 111
النوع : ذكر
الاقامة : مصر
السيارة: لوجان 2015
السيارة[2]: لانسر عيون صفيه
الحالة :
تقرير ممتاز وان شاء الله انا هعمل صيانه ال 5000 قريب بس ايه حكايه تنفيث الشكمان دى ؟!
My LoveLY LoGaN
[sor2]http://www.nilemotors.net/Nile/signaturepics/sigpic170384_1.gif[/sor2]
المفضلات