الموضوع: العربية بتسقف بعد ما تسخن ؟؟؟؟

نسيت اقول العربية ليجانزا اوتوماتيك

النوع ده من التسقيف ملوش غير سببين ملهومش تالت ....

إما حرارة ...

إما بنزين مش نضيف ..يعني تغير بنزينة

حصلت معايا مرتين ..وكان مش تسقيف..كان تخبيط بعيد عنك ..يعني المكنة كانت بتخبط ..طلعت بنزينه قذره عندنا في البيطاش بنزينها مضروب

بصراحة انا غيرت بنزينات كتير
و الحرارة عندي عادية مش بتعدي النص
مش عارف والله اعمل ايه
ملحوظة اعتقد انها مهمه الموضوع ده مظهرش غير لما غيرت وش السلندر عشان القديم كان فيه مشكلة فجبت واحد استيراد وركبته علي طول ولا عملت كاوتش صبابات ولا روديه
ممكن يكون ايه السبب؟؟

المشاركة الأصلية كتبت بواسطة ehab666666

بصراحة انا غيرت بنزينات كتير
و الحرارة عندي عادية مش بتعدي النص
مش عارف والله اعمل ايه
ملحوظة اعتقد انها مهمه الموضوع ده مظهرش غير لما غيرت وش السلندر عشان القديم كان فيه مشكلة فجبت واحد استيراد وركبته علي طول ولا عملت كاوتش صبابات ولا روديه
ممكن يكون ايه السبب؟؟

بس كده خلاص ..حضرتك جبت من الآخر ..فيه حرارة عندك ..مش لازم تكون مسمعه معاك في المؤشر ..لكن هو عموما المكنه عندك كده ماسكه حرارة ..ومتهيألي وش السلندر اللي حضرتك جبته فيه مشكلة ..بص ..روح قيس درجة الحرارة كمبيوتر ..شوف المروحه بتشتغل على كام عندك ..أو في حاجه كمان ..هو حضرتك ركبت جوان ولا جوانين وش سلندر ؟؟؟؟؟

لا انا ركبت جوان واحد عشان ده وش استيراد و ما حصلوش قشط قبل كده
بس غريبة ان ممكن لما اكشف عليها الاقي الحرارة عالية مع ان المؤشر قبل النص؟
علي العموم حكشف عليها و اقول لحضرتك...و شكرا لاهتمامك

المشاركة الأصلية كتبت بواسطة ehab666666

لا انا ركبت جوان واحد عشان ده وش استيراد و ما حصلوش قشط قبل كده
بس غريبة ان ممكن لما اكشف عليها الاقي الحرارة عالية مع ان المؤشر قبل النص؟
علي العموم حكشف عليها و اقول لحضرتك...و شكرا لاهتمامك

ياباشا في العربيات اللي مؤشر الحرارة فيها غير مدرج .,.أو بدون تدريج فبيبقى المؤشر ده شغال بنظام النطاقات ..بمعنى ..إن المؤشر لما بيكون بدون تدريج بيبقى كل خمس أو عشر درجات مثلا ليهم وضع معين في المؤشر ..أنا مثلا في العربية اللي معايا ..إبتداء من درجة حرارة 82 درجة مئوية لغاية درجة حرارة 98 درجه مئوية المؤشر بيكون في النص بالضبط ..شوف حضرتك داخل كام درجة مئوية في النطاق ده ..ودي عرفتها لما حطيت العربية على سكانر وقست توقيت شغل المروحة أيام ما كان عندي مشاكل جوان وش السلندر ..تلاقي المؤشر ثابت في النص ..والمروحه لسه مشتغلتش ..وبعدين تلاقي المروحه إشتغلت وفصلت والمؤشر ثابت مكانه ..رغم إن المروحة بتشتغل عند درجة حرارة 98 درجه مئوية ...وبعدين تفضل شغاله لغاية ما توصل درجة الحرارة لغاية 93 درجه مئوية ..ولو طلعت على طريق مفتوح المياه بتبرد ..فيبدأ بقى هنا دور ثرموستات الكوع ...إنه ما دامت المياه أقل من درجة حرارة 82 درجة مئوية يبقى الثرموستات يقفل عشان يحافظ على المياه عند الحدود دي ...اللي هي 82 درجه مئوية ..كل ده ومؤشر الحرارة ثابت مكانه في النص ..عشان كده لما تروح تعمل كشف بالكمبيوتر وتشوف المفروض المروحة تشتغل على كام لازم تكون عارف وده من خلال السوفت بتاع الكمبيوتر المروحه عندك Recommended بتشتغل على كام وتفصل على كام ..لإن ممكن تكون المروحه بتشتغل عندك متأخر درجه أو درجتين أو تلاتة مثلا والدرجات دي هي اللي بتعمل معاك المشكلة دي

طب علي فرض ان الحراره عالية لما اكشف عليها يبقي كدا العيب يكون من حساس مروحة التبريد ولا ممكن يكون من عيب تاني؟

المشاركة الأصلية كتبت بواسطة ehab666666

طب علي فرض ان الحراره عالية لما اكشف عليها يبقي كدا العيب يكون من حساس مروحة التبريد ولا ممكن يكون من عيب تاني؟

ياباشا إكشف عليها كمبيوتر الأول ..وشوف ماسكه حراره ولا لأ ..وبعد كده نقول فيه إيه